ஆர்டர் அள்ளுது.. ரூ.12000, ரூ.16000 பட்ஜெட்டில் தரமான 2 5ஜி போன்கள்.. ஒரே நேரத்தில் விற்பனைக்கு வந்தன!

கடந்த வாரம் (ஜூலை 4) இந்தியாவில் அறிமுகமான டெக்னோ நிறுவனத்தின் 2 புதிய பட்ஜெட் விலை ஸ்மார்ட்போன்கள் ஒரே நேரத்தில் இன்று முதல் (ஜூலை 10) விற்பனைக்கு வருகின்றன. அவைகள் டெக்னோ போவா 7 5ஜி (Tecno Pova 7 5G) மற்றும் டெக்னோ போவா 7 ப்ரோ 5ஜி (Tecno Pova 7 Pro 5G) மாடல்கள் ஆகும்

டெக்னோ போவா 7 5ஜி, டெக்னோ போவா 7 ப்ரோ 5ஜி ஸ்மார்ட்போன்களின் விலை விவரங்கள்: இந்தியாவில் டெக்னோ போவா 7 5ஜி ஸ்மார்ட்போனின் பேஸிக் 8GB ரேம் + 128GB ஸ்டோரேஜ் ஆப்ஷன் ரூ.12,999 க்கும், அதே நேரத்தில் 8GB ரேம் + 256GB ஸ்டோரேஜ் ஆப்ஷன் ரூ.13,999 க்கும் அறிமுகம் செய்யப்பட்டுள்ளது.

இந்த விலைகள் அனைத்து வங்கி சலுகைகளையும் உள்ளடக்கிய வரையறுக்கப்பட்ட கால விலைகள் என்று டெக்னோ நிறுவனம் ஒரு செய்திக்குறிப்பில் தெரிவித்துள்ளது. அதாவது முதல் விற்பனைக்கு பின்னர் அல்லது சில காலம் கழித்து இவ்விரு ஸ்மார்ட்போன்களும் அசல் விற்பனை விலைக்கு திரும்பும் என்று அர்த்தம்.

டெக்னோ போவா 7 5ஜி ஸ்மார்ட்போன் ஆனது கீக் பிளாக் (Geek Black), மேஜிக் சில்வர் (Magic Silver) மற்றும் ஒயாசிஸ் க்ரீன் (Oasis Green) ஆகிய 3 கலர்களில் வாங்க கிடைக்கும் இன்று (ஜூலை 10) மதியம் 12 மணி முதல் பிளிப்கார்ட் வழியாக வாங்க கிடைக்கும்

மறுகையில் உள்ள டெக்னோ போவா 7 ப்ரோ 5ஜி ஸ்மார்ட்போனின் பேஸிக் 8GB ரேம் + 128GB ஸ்டோரேஜ் ஆப்ஷன் ரூ.16,999 க்கும், அதே நேரத்தில் 8GB ரேம் + 256GB ஸ்டோரேஜ் ஆப்ஷன் ரூ.17,999 க்கும் அறிமுகம் செய்யப்பட்டுள்ளது. இது டைனமிக் க்ரே (Dynamic Grey), கீக் பிளாக் (Geek Black) மற்றும் நியான் சியான் (Neon Cyan) ஆகிய கலர்களில் வாங்க கிடைக்கும்.

டெக்னோ போவா 7 5ஜி, போவா 7 ப்ரோ 5ஜி ஸ்மார்ட்போன்களின் விரிவான அம்சங்கள்:
- ப்ரோ மாடலில் 6.78-இன்ச் 1.5கே AMOLED டிஸ்பிளே (144Hz ரெஃப்ரெஷ் ரேட், 240Hz டச் சாம்ப்ளிங் ரேட் மற்றும் 4500 நிட்ஸ் பீக் ப்ரைட்னஸ்)
- ஸ்டாண்டர்ட் மாடலில் 6.78-இன்ச் FHD+ LTPS IPS டிஸ்பிளே (900 நிட்ஸ் பீக் ப்ரைட்னஸ்)

- இரண்டுமே 4என்எம் மீடியாடெக் டைமன்சிட்டி 7300 அல்டிமேட் சிப்செட் மூலம் இயக்கப்படுகின்றன மற்றும் 256ஜிபி வரை UFS 2.2 ஆன்போர்டு ஸ்டோரேஜை வழங்குகின்றன.
- ப்ரோ வேரியண்ட் 8ஜிபி LPDDR5 ரேம்-ஐ ஆதரிக்கும் அதே வேளையில், வெண்ணிலா மாடல் 8ஜிபி LPDDR4 ரேம் உடன் வருகிறது

- இரண்டுமே ஆண்ட்ராய்டு 15 அடிப்படையிலான HiOS 15 உடன் வருகின்றன
- தமிழ், இந்தி, மராத்தி மற்றும் பல இந்திய மொழிகளை ஆதரிக்கும் எல்லா ஏஐ சாட்போட் ஆதரவையும் கொண்டுள்ளன
- குறைந்த நெட்வொர்க் மற்றும் தொலைதூர பகுதிகளில் கனெக்டிவிட்டியை மேம்படுத்தும் 4x4 MIMO ஆதரவையும் கொண்டுள்ளன
- VOWiFi டூயல் பாஸ் அம்சமும் உள்ளது, இது SIM 1 ஆக்டிவ் ஆக இருக்கும்போது SIM 2-வில் கால் வெயிட்டிங் அலெர்ட்-ஐ பெற அனுமதிக்கிறது.

- வெண்ணிலா மாடலில் 50 மெகாபிக்சல் ப்ரைமரி சென்சார் மற்றும் ஒரு லைட் சென்சார்
- ப்ரோ மாடலில் 64 மெகாபிக்சல் சோனி IMX682 பிரதான சென்சார் + 8-மெகாபிக்சல் இரண்டாம் நிலை சென்சார்
- இரண்டு ஸ்மார்ட்போன்களும் 13 மெகாபிக்சல் செல்பீ கேமராவை கொண்டுள்ளன

- இரண்டுமே 45W வயர்டு ஃபாஸ்ட் சார்ஜிங்கிற்கான ஆதரவுடன் 6,000mAh பேட்டரியை கொண்டுள்ளன
- ப்ரோ மாடலில் 30W வயர்லெஸ் ஃபாஸ்ட் சார்ஜிங்கிற்கான ஆதரவும் கிடைக்கும்
- ரியர் கேமரா யூனிட்களை சுற்றி வைக்கப்பட்டுள்ள புதிய டெல்டா லைட் இன்டர்பேஸ் ஆனது ம்யூசிக், நோட்டிபிகேஷன்கள், வால்யூம் மற்றும் சார்ஜிங்கிற்கு எதிர்வினையாற்றும் 104 மினி எல்இடி லைட்களை உள்ளடக்கியுள்ளது