இந்திய நிறுவனமான ஸ்பைஸ் புதிய ஆன்ட்ராய்டு ஸ்மார்ட்போனை அறிமுகம் செய்ய திட்டமிட்டுள்ளது. அதிக தொழில் நுட்பத்தினை வழங்கும் 4.0 ஐஸ் கிரீம் சான்ட்விச் ஆப்பரேட்டிங் சிஸ்டம் கொண்ட ஸ்மார்ட்போனை கொடுக்க உள்ளது ஸ்பைஸ் நிறுவனம்.

மக்கள் மத்தியில் அதிக பிரசித்தி பெற்ற சோனி எக்ஸ்பீரியா சாம்சங் கேலக்ஸி நோட் என்ற இந்த ஸ்மார்ட்போன்கள் ஐஸ் கிரீம் சான்ட்விச் ஆப்பரேட்டிங் சிஸ்டம் கொண்டு இயங்குபவை.

இப்படி முன்னணி வகிக்கும் நிறுவனங்கள் வழங்கும் ஐசிஎஸ் ஆப்பரேட்டிங் சிஸ்டம் கொண்ட ஸ்மார்ட்போன்கள் வரிசையில் இனி ஸ்பைஸ் நிறுவனமும் இடம் பெறும். அந்த அளவு தற்பொழுது அதிக வசதி கொண்ட ஸ்மார்ட்போன்களை வெளியிட திட்டமிட்டு வருகிறது ஸ்பைஸ் நிறுவனம்.

இன்று வரை ஸ்பைஸ் நிறுவனத்தின் அதிக விலை கொண்ட ஸ்மார்ட்போன் எம்ஐ-410 . இந்த ஸ்மார்ட்போன் ரூ.14,000 விலை கொண்டது. ஆகவே இனி வெளியிட இருக்கும் புதிய ஸ்மார்ட்போன்கள் மேல் கூறப்பட்டுள்ள இந்த ஸ்மார்ட்போனை விட குறைந்த விலை கொண்ட ஸ்மார்ட்போனாக தான் இருக்கும் என்று எதிர்பார்க்கப்படுகிறது.

இந்த 4.0 ஐஸ் கிரீம் சான்ட்விச் ஆப்பரேட்டிங் சிஸ்டம் கொண்ட ஸ்பைஸ் நிறுவனத்தின் புதிய ஸ்மார்ட்போன்கள் 1 ஜிகாஹெர்ட்ஸ் வேகத்தில் இயங்கும். ஸ்பைஸ் நிறுவனம் அறிமுகம் செய்யவிருக்கும் இந்த ஸ்மார்ட்போன் கூடிய விரைவில் வெளியாகும்.