ஆன்ட்ராய்டு போன் அல்லது டேப்லெட் வாங்கும்பொழுது நினைவில் இருக்கவேண்டியவை...

புதிய ஆன்ட்ராய்டு போன் அல்லது டேப்லெட் வாங்கும்பொழுது முக்கியமாக பார்க்கவேண்டியது அதன் ரேம் நினைவகத்தின் அளவைத்தான். இதைப்பொருத்தும் உங்களது செல்போனின் செயல்திறன் இருக்கும். குறைந்தது 512 எம்பி ரேம் அளவாவது இருக்கவேண்டும். அதிகபட்சம் எவ்வளவு வேண்டுமானாலும் இருக்கலாம். 1 ஜிபி மற்றும் 2 ஜிபி அளவுகளிலும் கிடைக்கிறது. அவற்றின் விலை மட்டும் சற்றே அதிகமாக இருக்கும்.

புதிய ஆன்ட்ராய்டு போன் அல்லது டேப்லெட் வாங்கும்பொழுது மிக மிக முக்கியமானது இந்த ப்ராசெசர் என அழைக்கப்படும் செயலிகளே. இதைப்பொறுத்தே செல்போன் அல்லது டேப்லெட் கணினியின் வேகம் இருக்கும். இதன் அளவு குறைந்தது 1 GHz அளவாவது இருக்கவேண்டும்.

புதிய ஆன்ட்ராய்டு போன் அல்லது டேப்லெட் வாங்கும்பொழுது வாரண்டியை மிகமுக்கியமாக கவனிக்கவேண்டும். ஏனெனில் செல்போன் மிகவிரைவில் பழுதுபட்டால் இது உதவியாக இருக்கும். குறைந்தது 1 வருடம் இருந்தாலே நலம்.

புதிய ஆன்ட்ராய்டு போன் அல்லது டேப்லெட் வாங்கும்பொழுது அதன் இயங்குதளம் பற்றிய விவரங்களை பார்த்தல் அவசியம். ஆன்ட்ராய்டு இயங்குதளத்தில் பல பதிப்புகள் உள்ளன. ஆன்ட்ராய்டு 2.3 போன்றவை பழைய பதிப்புகள். 4.1 ஆக இருந்தால் நலம்.

ஆன்ட்ராய்டு போன் அல்லது டேப்லெட் வாங்குவதற்கு முன்னரே, அதன் கேமரா தகவல்களை தெரிந்திருக்கவேண்டும். குறைந்தது 5 மெகாபிக்ஸல்கள் அளவுடைய கேமரா இருப்பதே நல்லது. சிறந்த வீடியோக்கள் எடுப்பதற்கும், புகைப்பட்டங்கள் எடுப்பதற்கும் இது உதவியாக இருக்கும்.