உயர்ந்த தொழில் நுட்பம் கொண்ட ஸ்மார்ட்போனை வாங்கினாலும் அதில் புதிய அப்டேஷன் வசதி ஏதேனும் வழங்கப்படுகிறதா என்று வாடிக்கையாளர்கள் எதிர்பார்ப்பு அதிகரித்து கொண்டே போகிறது. அந்த எதிர்பார்ப்பு வீண்போகாத வகையில் ஆன்ட்ராய்டு ஐஸ் கிரீம் சான்ட்விச் ஆப்பரேட்டிங் சிஸ்டம் அப்டேஷனை வழங்குகிறது சோனி நிறுவனம்.
எக்ஸ்பீரியா வரிசை ஸ்மார்ட்போன்கள் வாடிக்கையாளர்களால் பெரிதும் வரவேற்கப்பட்டு வருகிறது. இதில் எக்ஸ்பீரியா பி என்ற புதிய ஸ்மார்ட்போனிற்கு ஆன்ட்ராய்டு ஐஸ் கிரீம் சான்ட்விச் ஆப்பரேட்டிங் சிஸ்டம் வசதியினை கொடுக்கிறது சோனி நிறுவனம்.
இதனால் ஸ்மார்ட்போனில் உள்ள தொழில் நுட்ப சவுகரியங்கள் இன்னும் அதிகமாக கிடைக்கும். தற்சமயம் ஆன்ட்ராய்டு 2.3 இயங்குதளத்தில் இயங்கும் இந்த ஸ்மார்ட்போன், ஐஸ் கிரீம் சான்ட்விச் ஆப்பரேட்டிங் சிஸ்டம் வசதியினை கொண்டிருந்தால் இன்னும் சிறந்த மேம்படுத்ததப்பட்ட வசதிகளை பெறலாம்.
4 இஞ்ச் அகன்ற திரை வசதி கொண்ட இந்த ஸ்மார்ட்போன் காட்சிகளை தெளிவாக கொடுக்கும். இதன் இயங்குதளம் வேகமாக செயல்பட இதில் 1 ஜிகாஹெர்ட்ஸ் வேகத்தில் இயங்கும் பிராசஸரும் கொடுக்கப்பட்டுள்ளது. இதன் 8 மெகா பிக்ஸல் கேமரா புகைப்படம், வீடியோ ரெக்கார்டிங் என்று எதுவாக இருப்பினும் சிறப்பாக வழங்கும்.
இங்கு கூறப்பட்டுள்ள இந்த சோனி எக்ஸ்பீரியா பி ஸ்மார்ட்போனின் ஐசிஎஸ் அப்டேஷன் வசதி சோனி வாடிக்கையாளர்களுக்கு மகிழ்ச்சியை அளிக்கும் செய்தியாக இருக்கும்.
