ஐஸ் கிரீம் சான்ட்விச் வசதியில் கூல்...கூல்... ஸ்மார்ட்போன்!

மனதை உருக வைக்கும் ஐஸ் கிரீம் சான்ட்விச் ஆப்பரேட்டிங் சிஸ்டத்தில் புதிய ஸ்மார்ட்போனை அறிமுகம் செய்கிறது ஷார்ப். பேன்டான்-5 என்ற இந்த புதிய ஸ்மார்ட்போனை ஐஸ் கிரீம் சான்ட்விச் ஆப்பரேட்டிங் சிஸ்டத்துடன் உருவாக்கி உள்ளது ஷார்ப் நிறுவனம்.

இதன் திரையும் தெளிவான தகவல்களை 3.7 இஞ்ச் திரையின் மூலம் வழங்கும். 854 X 480 பிக்ஸல் திரை துல்லியத்தினையும் இந்த ஸ்மார்ட்போன் கொடுக்கும்.

இந்த ஸ்மார்ட்போன் 8 புதிய கலர்கள்களில் வடிவமைக்கப்பட்டுள்ளது. இது உண்மையிலேயே வாடிக்கையாளர்களுக்கு ஒரு கூல்...கூல்... செய்தி தான்.

இதன் அத்தனை 8 நிறங்களும் கண்களை எளிதாக கவர்ந்துவிடும். மனதை கவரும் வண்ணங்களை கொண்ட இந்த ஸ்மார்ட்போன் 2 கேமராக்களை கொண்டது.

4 மெகா பிக்ஸல் கேமராவினையும், 0.3 மெகா பிக்ஸல் கேமராவினையும் இந்த பேன்டான்-5 ஸ்மார்ட்போன் கொண்டிருக்கும். கேமரா, திரை, இயங்குதளம் என்று எல்லா வகையிலும் சிறந்த தொழில் நுட்பத்தினை கொண்ட இந்த ஷார்ப் பேன்டான்-5 ஸ்மார்ட்போன் நிச்சயம் வாடிக்கையாளர்களுக்கு அதிக பயனளிக்கும் என்றும் எதிர்பார்க்கப்படுகிறது.

ஜப்பானில் அறிமுகமாகும் இந்த ஸ்மார்ட்போன் அங்கு சிறந்த வரவேற்பினை பெற்றால், இந்தியாவிலும் அறிமுகமாகலாம். ஏனெனில் இந்த ஸ்மார்ட்போன் ஆன்ட்ராய்டு ஐஸ் கிரீம் சான்ட்விச் ஆப்பரேட்டிங் சிஸ்டத்தினை கொண்டது.