ஐபோன் எக்ஸ்-க்கு போட்டியாக வெளியாகும் சாம்சங் எக்ஸ் 'போல்டபில்' ஸ்மார்ட்போன்.!

சான்றிதழ் பெற்றுள்ளது

நீண்டகாலமாக எதிர்பார்க்கப்பட்ட சாம்சங் போல்டபில் ஸ்மார்ட்போன் ஆனது இப்போது சாம்சங் நிறுவனத்தின் வீட்டு சந்தையில், அதாவது தென் கொரியாவில் சான்றிதழ் பெற்றுள்ளது.

மாடல் எண் எஸ்எம்-ஜி888

லெட்ஸ்கோடிஜிட்டல் வெளியிட்டுள்ள ஒரு அறிக்கையின் படி, இந்த தொலைபேசி மாடல் எண் எஸ்எம்-ஜி888 என்ற பெயரை தாங்கி, கொரிய தேசிய வானொலி ஆராய்ச்சி முகமையில் (NRRA) காணப்பட்டுள்ளது.

உலகளாவிய எல்டிஇ தொடர்

மேலும், தாக்கல் செய்யப்பட்ட சாதனத்தில் "உலகளாவிய எல்டிஇ தொடர்புக்கான ரேடியோ உபகரணங்கள்" உள்ளதென்றும் பட்டியலிடப்பட்டுள்ளது. மேலும் இந்த ஸ்மார்ட்போன் நிறுவனத்தின் வைஃபை கூட்டணி ஒன்றிலும் காணப்பட்டுள்ளது.

இடையிலேயான ஒரு சாதனம்

துரதிருஷ்டவசமாக, தாக்கல் செய்யப்பட்டுள்ள இந்த ஸ்மார்ட்போன் எந்த குறிப்பிடத்தக்க வடிவமைப்பை பெறும் என்ற விவரம் எதுவும் வெளிப்படவில்லை. ஆனால் முன்னர் வெளியான கருத்துக்களின்படி இந்த மடக்கக்கூடிய டிஸ்பிளே தொழில்நுட்பமானது, ஒரு டேப்ளெட் சாதனத்திற்கும் - ஸ்மார்ட்போனுக்கும் இடையிலேயான ஒரு சாதனமாகவும் அறிமுகமாகலாம்.

சாம்சங் கேலக்ஸி எக்ஸ்

சாம்சங் நிறுவனத்தின் கனவு கருவியான போல்டபில் ஸ்மார்ட்போன் ஆனது "சாம்சங் கேலக்ஸி எக்ஸ்" என்றும் அழைக்கப்படலாம் என்னு சில வதந்திகள் தெரிவிக்கின்றன.

அடுத்த 2018-ல் வெளியாகலாம்

உலகம் முழுவதும் ஆப்பிள் நிறுவனத்தின் ஐபோன் எக்ஸ் அதிகம் பேசப்படும் நிலைபாட்டில் சாம்சங் நிறுவனமும் அதன் எக்ஸ் சாதனம் ஒன்றை அதுவும் போல்டபில் ஸ்மார்ட்போனாக வெளியிடவும் வாய்ப்புள்ளதாகவே தோண்றுகிறது, அதுவும் அடுத்த 2018-ல் வெளியாகுமென எதிர்பார்க்கப்படுகிறது.