Samsung Galaxy A32 5G விரைவில் இந்தியாவில்.. விலை இதுவாக தான் இருக்கக்கூடும்..

இந்த சாதனம் ஏற்கனவே ஐரோப்பிய சந்தையில் அறிமுகப்படுத்தப்பட்டுள்ளதால், சாம்சங் கேலக்ஸி ஏ 32 5 ஜி ஸ்மார்ட்போனில் மிகக் குறைவான மாற்றங்கள் மட்டுமே இந்திய சந்தைக்கு எதிர்பார்க்கப்படுகின்றன. ஆதரவு பக்கத்தில் பட்டியலிடப்பட்டுள்ள மாதிரி எண் - 'SM-A326B / DS' என்பது சாம்சங் கேலக்ஸி A32 5G இன் மாதிரி எண் என்று சாம்மொபைலின் அறிக்கையில் தெரிவிக்கப்பட்டுள்ளது.

சாம்சங் கேலக்ஸி ஏ 32 5 ஜி சிறப்பம்சம் (எதிர்பார்க்கப்படும்)
சாம்சங் கேலக்ஸி ஏ 32 5 ஜி ஸ்மார்ட்போன் 6.5 இன்ச் எச்டி பிளஸ் இன்ஃபினிட்டி-வி டிஸ்பிளேவை கொண்டிருக்கும் என்று எதிர்பார்க்கப்படுகிறது. இது ஆக்டா கோர் 5 ஜி சிப்செட் மூலம் இயக்கப்படும் 8 ஜிபி ரேம் மற்றும் 128 ஜிபி இன்டர்னல் ஸ்டோரேஜ் விருப்பத்துடன் வெளிவரும் என்று தெரிகிறது.

சாதனம் 15W பாஸ்ட் சார்ஜ் ஆதரவுடன் 5,000mAh பேட்டரியை பேக் செய்யலாம். கூடுதல் பாதுகாப்பிற்காக சாதனத்தின் பக்கத்தில் ஒரு கைரேகை சென்சார் பொருத்தப்பட்டிருக்கிறது, மேலும் இது சரவுண்ட்-சவுண்ட் அனுபவத்திற்காக டால்பி அட்மோஸ் தொழில்நுட்பத்துடன் வரக்கூடும்.

சாம்சங் கேலக்ஸி ஏ 32 5 ஜி, பின்புறத்தில் குவாட்-கேமரா அமைப்புடன் 48 எம்பி பிரைமரி சென்சார், 8 எம்பி அல்ட்ரா-வைட்-ஆங்கிள் லென்ஸ், 5 எம்பி மேக்ரோ சென்சார் மற்றும் 2 எம்பி டெப்த் சென்சார் உடன் இணைக்கப்படும் என்று எதிர்பார்க்கப்படுகிறது. செல்ஃபிக்காக மற்றும் வீடியோ அழைப்புக்காக, முன்பக்கத்தில் 13MP சென்சார் கொடுக்கப்பட்டுள்ளது.

எதிர்பார்க்கப்படும் விலை
இந்த சாதனத்தின் 64 ஜிபி அடிப்படை வேரியண்ட் மாடல் தோராயமாக ரூ.25,000-க்கு அறிமுகப்படுத்தப்படலாம் என்று எதிர்பார்க்கப்படுகிறது. இதன் 8 ஜிபி ரேம் + 128 ஜிபி வேரியண்டின் விலை தோராயமாக ரூ.27,000 ஆக இருக்கலாம். ஐரோப்பா சந்தையில் ஆஸம் ப்ளூ, ஆஸம் வைட், ஆஸம் வயலட் மற்றும் ஆஸம் பிளாக் வண்ணங்களில் எதிர்பார்க்கப்படுகிறது. இவை அனைத்தும் ஐரோப்பாவில் வெளியான மாடலை வைத்து கணிக்கப்பட்டுள்ளது.