ஒரு மாதத்திற்கு 40 ஆயிரம் கேலக்ஸி நோட் ஸ்மார்ட்போன்கள் விற்பனை!

Posted By: Staff
ஒரு மாதத்திற்கு 40 ஆயிரம் கேலக்ஸி நோட் ஸ்மார்ட்போன்கள் விற்பனை!

சாம்சங் கேலக்ஸி நோட் ஸ்மார்ட்போன் ஒரு மாதத்திற்கு 40,000 போன்கள் விற்பனையாவதாக புதிய தகவல் வெளியாகி உள்ளது.

இந்த கேலக்ஸி நோட் ஸ்மார்ட்போன் கடந்த 2011-ஆம் ஆண்டு சர்வதேச சந்தையில் செப்டம்பர் மாதம் அறிமுகமானது.

நம் நாட்டில் நவம்பர் மாதம் வெளியிடப்பட்ட இந்த ஸ்மார்ட்போன் சிறப்பான தொழில் நுட்ப சேவையை வழங்கி, வாடிக்கையாளர்களின் பாராட்டுகளையும் பெற்றது. ஆனால் இன்னும் ஒரு மாதத்திற்கு 40,000 போன் விற்பனையாகிறது.

சாம்சங் நிறுவனம் வெளியிட்டதிலேயே கேலக்ஸி எஸ்-3 ஸ்மார்ட்போன் அறிமுகமாகும் வரை, இந்த கேலக்ஸி நோட் ஸ்மார்ட்போன் தான் அதிக விலை கொண்டதாக இருந்தது.

கேலக்ஸி நோட் மெலிந்த கவர்ச்சிகரமான தோற்றத்தினால் அனைவரையும் கவர்ந்த ஒரு ஸ்மார்ட்போன். இந்த ஸ்மார்ட்போன் வெளியான 5 மாதத்திலேயே 50 லட்சம் ஸ்மார்ட்போன்கள் விற்பனையாகிவிட்டதாகவும் ஒரு தகவலை பார்த்தோம்.

அதன் பிறகு இன்னும் ஒரு மாதத்திற்கு 40,000 ஸ்மார்ட்போன் விற்பனையாகின்றது என்பது இந்த ஸ்மார்ட்போனின் சிறந்த தொழில் நுட்பத்தையும், வாடிக்கையாளர்களின் வரவேற்பினையுமே குறிக்கிறது.

இந்த ஸ்மார்ட்போன் ரூ. 34,990 விலை கொண்டது. சாம்சங் நிறுவனத்தின் வலைத்தளத்தில் இந்த ஸ்மார்ட்போன் 32,990 விலையை கொண்டது.

அடுத்ததாக அனைவரும் எதிர்பார்க்கும் கேலக்ஸி நோட்-II ஸ்மார்ட்போன் வருகிற ஆகஸ்டு மாதம் அறிமுகமாக உள்ளது.

Please Wait while comments are loading...

சமூக வலைதளம்