சாம்சங் கேலக்ஸி குடும்பத்தில் இணையும் புதியதொரு போன்

Posted By: Karthikeyan
சாம்சங் கேலக்ஸி குடும்பத்தில் இணையும் புதியதொரு போன்

சாம்சங்கின் கேலக்ஸி சாதனங்கள் மிகவும் பிரபலமானவை. அந்த வகையில் சாம்சங் இந்த கேலக்ஸி பிரிவில் புதிய புதிய சாதனங்களை ஒவ்வொன்றாக அறிமுகம் செய்து வருகிறது. அந்த வகையில் தற்போது கேலக்ஸி ஒய் டூவோஸ் லைட் என்ற ஒரு புதிய கேலக்ஸி போனை இந்தியாவில் அறிமுகம் செய்ய இருக்கிறது.

இந்த போன் நாளை இந்திய சந்தைக்கு விற்பனைக்கு வந்துவிடும் என்று தெரிகிறது. டூவல் சிம் வசதி கொண்ட இந்த போனை வாங்க சாம்சங்கின் இஸ்டோரில் ரூ.1000 முன்பணம் செலுத்தி விண்ணப்பிக்கலாம்.

இந்த புதிய போன் ஆன்ட்ராய்டு 2.3 அல்லது ஜிஞ்சர் ப்ரீடு இயங்கு தளத்தில் வரும் என்று தெரிகிறது. அதோடு 832 மெகா ஹெர்ட்ஸ் சிங்கிள் கோர் ப்ராசஸரைத் தாங்கி வருகிறது. இதன் 2.8 இன்ச் க்யுவிஜிஎ எல்சிடி டிஸ்ப்ளே மிகவும் துல்லியமாக இருக்கும். மேலும் இந்த போன் 2எம்பி கேமரா, 2ஜிபி சேமிப்பு மற்றும் மைக்ரோ எஸ்டி கார்டு சப்போர்ட் ஆகிய வசதிகளுடன் வருகிறது.

இதன் பேட்டரி இந்த போனுக்கு நீடித்த இயங்கு நேரத்தை வழங்குகிறது. இணைப்பு வசதிக்காக இந்த போன் வைபை சப்போர்ட்டைக் கொண்டுள்ளது. இதன் விலை ரூ.6000 முதல் ரூ.7000க்குள் இருக்கும் என்று தெரிகிறது.

Please Wait while comments are loading...

சமூக வலைதளம்