நவராத்திரி சலுகையின்கீழ் அதிரடி விலைகுறைப்பு : கேலக்ஸி எஸ்8 & எஸ்8 ப்ளஸ்.!

நவராத்திரி விழாவை முன்னிட்டு இந்தியாவில் சாம்சங் கேலக்ஸி எஸ்8 மற்றும் சாம்சங் கேலக்ஸி எஸ்8 ப்ளஸ் ஸ்மார்ட்போன்களுக்கு அதிரடி விலைகுறைப்பு நிகழ்த்தப்பட்டுள்ளது. இந்த சிறப்பு சலுகையின் கீழ், கேலக்ஸி எஸ்8 மற்றும் கேலக்ஸி எஸ்8 ப்ளஸ் ஆகிய இரண்டு கருவிகளுமே ரூ.4,000/- என்ற விலைக்குறைப்பை பெற்று தற்போது முறையே ரூ.53,990/- மற்றும் ரூ.60,990/- என்ற விலைக்கு வாங்க கிடைக்கிறது.

கூடுதலாக, எச்டிஎஃப்சி. வங்கி வாடிக்கையாளர்கள் ரூ.4,000/- கேஷ்பேக் சலுகையும் கிடைக்கிறது. குறிப்பிடத்தக்க வகையில், இந்த புதுப்பிக்கப்பட்ட விலை நிர்ணயம் நிறுவனத்தின் ஆன்லைன் ஸ்டோரில் காட்டப்படவில்லை.

சாம்சங் கேலக்ஸி எஸ்8 ப்ளஸ் சாதனத்தின் 6 ஜிபி ரேம் + 128ஜிபி மாறுபாடு ரூ.1,000/- என்ற விலைகுறைப்பை பெற்று ரூ.64.900/-க்கு வாங்க கிடைக்கிறது. உடன் கூடுதலாக, எச்டிஎஃப்சி. வங்கி வாடிக்கையாளர்கள் ரூ.4,000/- கேஷ்பேக் சலுகையும் கிடைக்கிறது. கேலக்ஸி எஸ்8 ப்ளஸ் சாதனத்தின் 6 ஜிபி ரேம் மாறுபாடானது இரண்டு வெவ்வேறு விலை குறைப்புகளைப் பெற்றுள்ளது.

கடந்த ஏப்ரல் மாதத்தில் இந்தியாவில் அறிமுகப்படுத்தப்பட்டதில் இருந்து, சாம்சங் கேலக்ஸி எஸ்8 மற்றும் கேலக்ஸி எஸ்8 ப்ளஸ் ஆகிய அக்கருவிகளுக்கு நிகழ்த்தப்பட்ட மிகவும் குறிப்பிடத்தக்க விலை குறைப்பு இதுவாகும். கடந்த வாரம் வெளியான சாம்சங் நிறுவனத்தின் கேலக்ஸி நோட் 8 ஆனது இந்தியாவில் முன்பதிவிற்கு திறந்து விடப்பட்டுள்ளது மற்றும் வருகிற செப்டம்பர் 21 முதல் இக்கருவிகளின் ஷிப்பிங் தொடங்குகிறது.

ரூ.67,900/- என்ற விலைக்கு இந்தியாவில் அறிமுகமாகியுள்ள (64ஜிபி மாறுபாடு) சாம்சங் கேலக்ஸி நோட் 8 ஆனது மேப்பிள் கோல்ட் மற்றும் மிட்நைட் பிளாக் ஆகிய வண்ண மாறுபாடுகளில் கிடைக்கிறது.