தலைவன் தனி ரகம்.. 7 OS அப்டேட்.. IP68 ரேட்டிங்.. 50எம்பி கேமரா.. புது Samsung 5ஜி போன்.. எந்த மாடல்?

சாம்சங் நிறுவனம் தனது புதிய சாம்சங் கேலக்ஸி எஸ்26 எப்இ (Samsung Galaxy S26 FE) ஸ்மார்ட்போனை இன்று அறிமுகம் செய்துள்ளது. அசத்தலான வடிவமைப்பு மற்றும் மேம்பட்ட அம்சங்களுடன் இந்த போன் வெளியாகி உள்ளது. இப்போது இந்த சாம்சங் கேலக்ஸி எஸ்26 எப்இ ஸ்மார்ட்போனின் விலை மற்றும் அம்சங்களைச் சற்று விரிவாகப் பார்க்கலாம்.

சாம்சங் கேலக்ஸி எஸ்26 எப்இ அம்சங்கள் (Samsung Galaxy S26 FE Specifications): 6.7-இன்ச் ஃபுல் எச்டி பிளஸ் இன்பினிட்டி-ஓ-டைனாமிக் அமோலெட் ( Infinity-O Dynamic AMOLED) டிஸ்பிளே உடன் சாம்சங் கேலக்ஸி எஸ்26 எப்இ ஸ்மார்ட்போன் அறிமுகம் செய்யப்பட்டுள்ளது. மேலும் இதன் டிஸ்பிளேவில் 2340×1080 பிக்சல்ஸ், 1900 நிட்ஸ் பீக் பிரைட்னஸ் உள்ளிட்ட பல சிறப்பான வசதிகள் உள்ளன.

3.2ஜிகாஹெர்ட்ஸ் ஜிபியு டெகா-கோர் சாம்சங் எக்ஸினோஸ் 2500 3என்எம் பிராசஸர் (3.2GHz GPU Deca-Core Samsung Exynos 2500 3nm processor) உடன் சாம்சங் கேலக்ஸி எஸ்26 எப்இ ஸ்மார்ட்போன் அறிமுகம் செய்யப்பட்டுள்ளது. குறிப்பாக இந்த பிராசஸர் மேம்பட்ட செயல்திறன் வழங்கும். கேமிங் பயனர்களை கவரும் வகையில் சாம்சங் Xclipse 950 GPU கிராபிக்ஸ் கார்டு ஆதரவும் இந்த புதிய போனில் உள்ளது.

One UI 9 சார்ந்த ஆண்ட்ராய்டு 17 இயங்குதளத்தை அடிப்படையாகக் கொண்டு சாம்சங் கேலக்ஸி எஸ்26 எப்இ ஸ்மார்ட்போன் வெளிவந்துள்ளது. ஆனாலும் இந்த போனுக்கு 7 ஓஎஸ் அப்டேட்கள் மற்றும் 7 வருட பாதுகாப்பு அப்டேட்கள் கிடைக்கும் என்று தெரிவிக்கப்பட்டுள்ளது. குறிப்பாக இந்த போனின் வடிவமைப்பு மிகவும் அருமையாக உள்ளது.

OIS ஆதரவு கொண்ட 50எம்பி பிரைமரி கேமரா + 12எம்பி அல்ட்ரா வைடு சென்சார் + 8எம்பி டெலிபோட்டோ கேமரா என ட்ரிபிள் ரியர் கேமரா செட்டப் உடன் இந்த போன் அறிமுகம் செய்யப்பட்டுள்ளது. அதுவும் 3X ஆப்டிகல் ஜூம் ஆதரவும் இந்த போனில் உள்ளது. மேலும் செல்பிகளுக்கும், வீடியோகால் அழைப்புகளுக்கும் என்றே 12எம்பி கேமராவும் இந்த போனில் உள்ளது. இதுதவிர எல்இடி பிளாஸ் மற்றும் பல கேமரா அம்சங்கள் இந்த போனில் உள்ளன.

IP68 ரேட்டிங் கொண்ட டஸ்ட் & வாட்டர் ரெசிஸ்டன்ஸ் (Dust & Water Resistance) உடன் சாம்சங் கேலக்ஸி எஸ்26 எப்இ போன் அறிமுகம் செய்யப்பட்டுள்ளது. அதேபோல் இன்-டிஸ்பிளே ஃபிங்கர்பிரிண்ட் சென்சார் (In-display Fingerprint Sensor) வசதியும் இந்த புதிய சாம்சங் போனில் உள்ளது.

8ஜிபி வரை ரேம் மற்றும் 512ஜிபி வரை மெமரி ஆதரவுடன் சாம்சங் கேலக்ஸி எஸ்26 எப்இ ஸ்மார்ட்போன் அறிமுகம் செய்யப்பட்டுள்ளது. யூ.எஸ்.பி டைப்-சி ஆடியோ (USB Type-C audio), டால்பி அட்மோஸ் (Dolby Atmos), ஸ்டீரியோ ஸ்பீக்கர்கள் (Stereo speakers) போன்ற பல சிறப்பான வசதிகளுடன் இந்த போன் வெளிவந்துள்ளது.

4900எம்ஏஎச் பேட்டரி உடன் சாம்சங் கேலக்ஸி எஸ்26 எப்இ ஸ்மார்ட்போன் வெளிவந்துள்ளது. எனவே இந்த போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 45W ஃபாஸ்ட் சார்ஜிங் வசதி உள்ளது. இதுதவிர 15W வயர்லெஸ் சார்ஜிங் மற்றும் வயர்லெஸ் பவர்ஷேர் வசதிகளுடன் இந்த போன் வெளியாகி உள்ளது.

5ஜி, 4ஜி வோல்ட்இ, வைஃபை 6இ 802.11ஏஎக்ஸ், புளூடூத் 5.4, ஜிபிஎஸ், குளோனாஸ் (GLONASS), யுஎஸ்பி டைப்-சி போர்ட், என்எப்சி உள்ளிட்ட பல்வேறு கனெக்டிவிட்டி ஆதரவுகள் கேலக்ஸி எஸ்26 எப்இ ஸ்மார்ட்போனில் உள்ளன. மேலும் இந்த போனின் எடை 193 கிராம் ஆகும்.

குறிப்பாக சாம்சங் கேலக்ஸி எஸ்26 எப்இ ஸ்மார்ட்போன் தற்போது உலக சந்தையில் அறிமுகம் செய்யப்பட்டுள்ளது. வரும் செப்டம்பர் 4-ம் தேதி சாம்சங் ஆன்லைன் ஸ்டோர் வழியாகத் தேர்ந்தெடுக்கப்பட்ட நாடுகளில் விற்பனைக்கு வரும் என்று தெரிவிக்கப்பட்டுள்ளது. புளூபெர்ரி ( Blueberry), கிராஃபைட் (Graphite) மற்றும் Pistachio ஆகிய கலர்களில் இந்த போனை வாங்க முடியும். குறிப்பாக சாம்சங் கேலக்ஸி எஸ்26 எப்இ போனின் ஆரம்ப விலை EUR 799 (இந்திய மதிப்பில் ரூ.89,000)-ஆக உள்ளது.