சாம்சங் கேலக்ஸி எம் 12 விலை இவ்வளவு கம்மியா? அப்போ நாமளும் ஒரு போன் வாங்கலாம் போலயே..

Published: Thursday, March 11, 2021, 14:20 [IST]

சாம்சங் நிறுவனம் தனது சமீபத்திய சாம்சங் கேலக்ஸி எம்-சீரிஸ் ஸ்மார்ட்போனை இன்று இந்தியாவில் அறிமுகப்படுத்தியுள்ளது. சாம்சங் கேலக்ஸி எம் 12 என்ற புதிய ஸ்மார்ட்போன் மாடலை நிறுவனம் 6,000 எம்ஏஎச் பேட்டரியுடன், 6.5' இன்ச் டிஸ்பிளேவுடன் 90 ஹெர்ட்ஸ் புதுப்பிப்பு வீகிதம் மற்றும் 48 எம்பி குவாட் ரியர் கேமராவுடன் வருகிறது. இந்த புதிய ஸ்மார்ட்போன் பற்றிய முழு விபரம் மற்றும் விலை பற்றி இந்த பதிவின் மூலம் தெரிந்துகொள்ளலாம்.

சாம்சங் கேலக்ஸி எம் 12 விலை

சாம்சங் கேலக்ஸி எம் 12 ஸ்மார்ட்போனின் 4 ஜிபி ரேம் மற்றும் 64 ஜிபி ஸ்டோரேஜ் வேரியண்ட் கொண்ட மாடலின் விலை ரூ. 10,999 ஆக நிர்ணயம் செய்யப்பட்டுள்ளது. அதேபோல், இதன் 6 ஜிபி ரேம் மற்றும் 128 ஜிபி ஸ்டோரேஜ் வேரியண்ட் மாடலின் விலை ரூ. 13,499 ஆக நிர்ணயம் செய்யப்பட்டுள்ளது. இந்த புதிய சம்சுங்க ஸ்மார்ட்போன் அமேசான் மற்றும் சாம்சங் வலைத்தளம் வழியாக மார்ச் 18 முதல் ஆஃப்லைனில் தேர்ந்தெடுக்கப்பட்ட சில்லறை கடைகளில் கிடைக்கும் என்று அறிவிக்கப்பட்டுள்ளது.

புதிய சாம்சங் கேலக்ஸி எம் 12 சிறப்பம்சம்

புதிய சாம்சங் கேலக்ஸி எம் 12 ஸ்மார்ட்போன் பிளாக், ப்ளூ மற்றும் வைட் வண்ண விருப்பங்களில் வருகிறது. இந்த புதிய ஸ்மார்ட்போன் அட்டகாசமான வடிவமைப்புடன் உருவாக்கப்பட்டுள்ளது. இந்த புதிய சாம்சங் கேலக்ஸி எம் 12 சிறப்பம்சம் பற்றி இப்போது பார்க்கலாம். சாம்சங் கேலக்ஸி எம் 12 ஸ்மார்ட்போன், 6.5' இன்ச் 1600 x 720 பிக்சல்கள் கொண்ட எச்டி பிளஸ் இன்ஃபினிட்டி-வி டிஸ்பிளே உடன் வருகிறது. இதன் டிஸ்பிளே 20: 9 விகித விகிதம் மற்றும் 90 ஹெர்ட்ஸ் புதுப்பிப்பு வீதத்தைக் கொண்டுள்ளது.

ஸ்டோரேஜ் விருப்பம்

இந்த புதிய சாம்சங் கேலக்ஸி எம் 12 ஸ்மார்ட்போன் 2GHz ஆக்டா கோர் செயலி மூலம் இயக்கப்படுகிறது, இது எக்ஸினோஸ் 850 என்று கூறப்பட்டுள்ளது. சாம்சங் கேலக்ஸி எம் 12 ஸ்மார்ட்போன் 4 ஜிபி / 6 ஜிபி ரேம் மற்றும் 64 ஜிபி / 128 ஜிபி இன்டர்னல் ஸ்டோரேஜுடன் வருகிறது. கூடுதல் உள் சேமிப்பிடத்தை தருவதற்கு நிறுவனம் மைக்ரோ எஸ்.டி வழியாக 1TB வரை எக்ஸ்டர்னல் ஸ்டோரேஜ் வழங்கியுள்ளது.

கேமரா அம்சம்

சாம்சங் கேலக்ஸி எம் 12 ஸ்மார்ட்போனின் கேமரா அம்சத்தை பொறுத்தவரையில், இந்த சாதனம் குவாட்-கேமரா அமைப்புடன் 48 மெகாபிக்சல் பிரைமரி கேமராவுடன் வருகிறது. இரண்டாவது கேமராவாக 5 மெகாபிக்சல் அல்ட்ரா-வைட்-ஆங்கிள் லென்ஸ் வழங்கப்பட்டுள்ளது. மூன்றாவது கேமராவகை 2 மெகாபிக்சல் டெப்த் சென்சார் மற்றும் நான்காவது கேமராவாக 2 மெகாபிக்சல் மேக்ரோ கேமரா வழங்கப்பட்டுள்ளது. முன்பக்கத்தில் 8 மெகாபிக்சல் செல்பி ஷூட்டர் வழங்கப்பட்டுள்ளது.

பேட்டரி மற்றும் இணைப்பு அம்சம்

சாம்சங் கேலக்ஸி எம் 12 ஸ்மார்ட்போனில் ஒரு பக்க-பொருத்தப்பட்ட கைரேகை ஸ்கேனருடன் வருகிறது. சாதனம் 15W அடாப்டிவ் ஃபாஸ்ட் சார்ஜிங்கிற்கான ஆதரவுடன் 6000 எம்ஏஎச் பேட்டரியை பேக் செய்கிறது. சாம்சங் கேலக்ஸி எம் 12 ஸ்மார்ட்போன் ஆண்ட்ராய்டு 11 இயக்க முறைமையில் இயங்குகிறது. அதன் மேல் ஒன்யூஐ 3.0 இயங்குகிறது. இணைப்பு விருப்பங்களைப் பொறுத்த வரையில் டூயல் சிம், புளூடூத் 5.0, வைஃபை, ஜி.பி.எஸ், யூ.எஸ்.பி டைப்-சி மற்றும் 3.5 மிமீ ஆடியோ ஜாக் ஆகியவை அடங்கும்.