மலிவு விலைனா இதுதான்: ரூ.8,999 மட்டுமே., மூன்று கேமராவோடு அட்டகாச Samsung Galaxy M11, Galaxy M01!

இரண்டு புதிய ஸ்மார்ட்போன்கள்

சாம்சங் அறிவித்தப்படி தனது இரண்டு புதிய ஸ்மார்ட்போன்களை வெளியிட்டுள்ளது. வெளியான தகவலின்படியே நிறுவனம் எம்-சீரிஸ் கேலக்ஸி எம் 11 மற்றும் எம் 01 ஆகியவை இந்தியாவில் அறிமுகப்படுத்தியுள்ளது. இந்த ஸ்மார்ட்போனானது பக்கா மலிவு விலையில் அறிமுகப்படுத்தப்பட்டுள்ளது.

சாம்சங் கேலக்ஸி M01 விவரக்குறிப்புகள்

சாம்சங் கேலக்ஸி எம் 01 5.71 இன்ச் எச்டி+ டிஸ்ப்ளே, 1560 x 720 பிக்சல் திலை தெளிவுத்திறனுடன் வருகிறது. குவால்காம் ஸ்னாப்டிராகன் 439 ஆக்டா கோர் செயலி மூலம் இயக்கப்படுகிறது, இது 3 ஜிபி ரேம் மற்றும் 32 ஜிபி உள் சேமிப்புடன் இணைக்கப்பட்டுள்ளது. 512 ஜிபி வரை விரிவாக்க வசதி இதில் உள்ளது. இருப்பினும் ஒரு சிறிய குறைபாடாக கைரேகை சென்சார் இதில் இல்லை.

செல்பி கேமரா வசதி

கேலக்ஸி M01 இல் இரட்டை கேமரா அமைப்பு 13 மெகாபிக்சல் பிரைமரி லென்ஸுடன் எஃப் / 2.2 துளை மற்றும் 2 மெகாபிக்சல் ஆழ சென்சார் ஆகியவை இதில் உள்ளது. முன்பக்கத்தைப் பொறுத்தவரை, இது 5 மெகாபிக்சல் செல்பி கேமரா வசதி உள்ளது.

ஆண்ட்ராய்டு 10 மூலம் இயக்கப்படுகிறது

தொலைபேசி ஆண்ட்ராய்டு 10 மூலம் இயக்கப்படுகிறது. மேலும் இதில் 4000 எம்ஏஹெச் பேட்டரி வசதியும் இதில் உள்ளது. அதோடு 4 ஜி வோல்டிஇ, வைஃபை, புளூடூத், ஜிபிஎஸ், எஃப்எம் ரேடியோ, மைக்ரோ-யூ.எஸ்.பி ஆகியவை இதில் அடக்கம்.

3 ஜிபி ரேம் + 32 ஜிபி இன்டர்னல் ஸ்டோரேஜ்

கேலக்ஸி எம் 11 3 ஜிபி ரேம் + 32 ஜிபி இன்டர்னல் ஸ்டோரேஜுக்கு ரூ .10,999 விலையுடனும், 4 ஜிபி ரேம் + 64 ஜிபி இன்டர்னல் ஸ்டோரேஜ் விலையானது ரூ .12,999 எனவும் அறிமுகப்படுத்தப்பட்டுள்ளது. கேலக்ஸி எம் 01 விலை 3 ஜிபி ரேம் + 32 ஜிபி இன்டர்னல் ஸ்டோரேஜ் வேரியண்டிற்கு ரூ.8999 ஆகும்.

கேலக்ஸி எம் 11 மற்றும் கேலக்ஸி எம் 01 ஸ்மார்ட்போன்கள்

கேலக்ஸி எம் 11 மற்றும் கேலக்ஸி எம் 01 ஸ்மார்ட்போன்கள் இரண்டும் டால்பி ஏடிஎம்ஓஎஸ் தொழில்நுட்பத்துடன் வருகின்றன, இது பயனர்களுக்கு சரவுண்ட் ஒலி அனுபவத்தை அளிக்கிறது. இந்த சாதனங்களில் சாம்சங் ஹெல்த் பயன்பாடும் நிறுவப்பட்டிருக்கிறது இது பயனர்களின் ஆரோக்கியத்தை 24/7 மணி நேரங்களும் கண்காணிக்க முடியும்.

சாம்சங் கேலக்ஸி எம் 11 விவரக்குறிப்புகள்

சாம்சங் கேலக்ஸி எம் 11 6.4 இன்ச் எச்டி + இன்ஃபினிட்டி-ஓ எல்சிடி டிஸ்ப்ளே 1560 x 720 பிக்சல்கள் திரை தெளிவுத்திறனுடன் கிடைக்கிறது. அதோடு இடது மூலையில் பஞ்ச் ஹோல் வசதியும் உள்ளது. இந்த தொலைபேசி 1.8GHz ஆக்டா-கோர் ஸ்னாப்டிராகன் 450 செயலி மூலம் இயக்கப்படுகிறது, இது 4 ஜிபி வரை ரேம் கொண்டது. சேமிப்பை மைக்ரோ எஸ்டி வழியாக 512 ஜிபி வரை விரிவாக்க முடியும்.

கேலக்ஸி எம் 11 டிரிபிள் ரியர் கேமரா

கேலக்ஸி எம் 11 டிரிபிள் ரியர் கேமரா அமைப்பைக் கொண்டுள்ளது, இதில் 13 மெகாபிக்சல் முதன்மை சென்சார் எஃப் / 1.8 துளை, 5 மெகாபிக்சல் அல்ட்ரா-வைட்-ஆங்கிள் லென்ஸ் ஆகிய கேமரா வசதி உள்ளது. குறிப்பாக பின்புற கேமராக்கள் 1080p வரை வீடியோ பதிவை ஆதரிக்கின்றன. முன்பக்கத்தில் 8 மெகாபிக்சல் சென்சார் கேமரா வசதியும் உள்ளது. இது திரையின் மேல் இடது மூலையில் அமைந்துள்ள ஒரு துளை-பஞ்சில் வைக்கப்பட்டுள்ளது.

15W ஃபாஸ்ட் சார்ஜிங்

இந்த ஸ்மார்ட்போனில் 5,000 எம்ஏஎச் பேட்டரி வரை ஆதரிக்கிறது, இதில் 15 வாட்ஸ் சார்ஜிங் வசதியும் உள்ளது. தொலைபேசி ஆண்ட்ராய்டு 10 ஆதரவோடு இயக்கப்படுகிறது. கேலக்ஸி எம் 11 பின்புறத்தில் கைரேகை சென்சார் ஆதரவும் உள்ளது. 4 ஜி, வைஃபை, புளூடூத், ஜிபிஎஸ் ஆகியவை இதில் உள்ளது.

இகாமர்ஸ் வலைதளம் மற்றும் ஆஃப்லைன் கடைகளில் கிடைக்கும்

இரண்டு தொலைபேசிகளும் அனைத்து சாம்சங் ஆஃப்லைன் கடைகளிலும், சாம்சங்.காம், அமேசான்.இன் மற்றும் பிளிப்கார்ட் போன்ற இ-காமர்ஸ் போர்ட்டல்களிலும் ஜூன் 2, 2020 முதல் கிடைக்கும் என தெரிவிக்கப்பட்டுள்ளது. சாம்சங் கேலக்ஸி எம் 01 ஸ்மார்ட்போனானது கருப்பு, நீலம் மற்றும் சிவப்பு வண்ண விருப்பங்களில் கிடைக்கிறது. சாம்சங் கேலக்ஸி எம் 11 கருப்பு, வயலட் மற்றும் நீல வண்ணங்களில் வருகிறது.