பட்ஜெட் விலையில் 50எம்பி கேமரா, 5000 எம்ஏஎச் பேட்டரியுடன் கேலக்ஸி எஃப்23 5ஜி ஸ்மார்ட்போன் அறிமுகம்.!

4ஜிபி ரேம் மற்றும் 128ஜிபி மெமரி கொண்ட சாம்சங் கேலக்ஸி எஃப்23 5ஜி ஸ்மார்ட்போனின் விலை ரூ.17,499-ஆக உள்ளது. பின்பு இதன் 6ஜிபி
ரேம் வேரியண்டின் விலை ரூ.18,499-ஆக உள்ளது. குறிப்பாக மார்ச் 16-ம் தேதி பிளிப்கார்ட் தளத்தில் இந்த ஸ்மார்ட்போன் விற்பனைக்குவரும் என்று தெரிவிக்கப்பட்டுள்ளது.

அதேபோல் அறிமுக சலுகையாக 4ஜிபி ரேம் கொண்ட கேலக்ஸி எஃப்23 5ஜி மாடலை ரூ.14,999-விலையிலும், 6ஜிபி ரேம் வேரியண்டை ரூ.15,999-விலையிலும் வாங்க முடியும். குறிப்பாக அக்வா ப்ளூ மற்றும் ஃபாரஸ்ட் கிரீன் நிறங்களில் இந்த ஸ்மார்ட்போன் அறிமுகம் செய்யப்பட்டுள்ளது.

சாம்சங் கேலக்ஸி எஃப்23 5ஜி ஸ்மார்ட்போன் மாடல் ஆனது 6.6-இன்ச் ஃபுல் எச்டி பிளஸ் இன்பினிட்டி-யு டிஸ்பிளே வடிவமைப்புடன் வெளிவந்துள்ளது.மேலும் 120 ஹெர்ட்ஸ் ரெஃப்ரெஷ் ரேட், கார்னிங் கொரில்லா கிளாஸ் 5 பாதுகாப்பு உள்ளிட்ட பல முக்கியமான அம்சங்களுடன் இந்த ஸமார்ட்போன்அறிமுகம் செய்யப்பட்டுள்ளது.

சாம்சங் கேலக்ஸி எஃப்23 5ஜி ஸ்மார்ட்போனில் குவால்காம் ஸ்னாப்டிராகன் 750ஜி சிப்செட் வசதி உள்ளது. எனவே இந்த ஸமார்ட்போன் இயக்கத்திற்கு மிகவும் அருமையாக இருக்கும். மேலும் One UI 4.1சார்ந்த ஆண்ட்ராய்டு 12 இயங்குதளத்தை கொண்டு இந்த ஸ்மார்ட்போன் வெளிவந்துள்ளது. இந்தஸ்மார்ட்போன் இரண்டு வருட OS மேம்படுத்தல்கள் மற்றும் நான்கு வருட பாதுகாப்பு புதுப்பிப்புகளைப் பெறும் என உறுதியளிக்கப்பட்டுள்ளது.

சாம்சங் கேலக்ஸி எஃப்23 5ஜி ஸ்மார்ட்போனின் பின்புறம் 50எம்பி பிரைமரி கேமரா + 8எம்பி அல்ட்ரா வைடு லென்ஸ் + 2எம்பி மேக்ரோ லென்ஸ் என மொத்தம் மூன்று கேமராக்கள் உள்ளன.பின்பு செல்பீகளுக்கும், வீடியோகால் அழைப்புகளுக்கும் என்றே 8எம்பி கேமரா ஆதரவுடன் கேலக்ஸி எஃப்23 5ஜி ஸ்மார்ட்போன் அறிமுகம் செய்யப்பட்டுள்ளன. பின்பு பல்வேறு கேமரா அம்சங்கள் மற்றும் எல்இடி பிளாஷ் ஆதரவு கொண்டுள்ளது இந்த அட்டகாசமான ஸ்மார்ட்போன்.

இந்த சாம்சங் கேலக்ஸி எஃப்23 5ஜி ஸ்மார்ட்போனில் 5000 எம்ஏஎச் பேட்டரி ஆதரவு உள்ளது. எனவே நீண்ட நேரம் கேம் விளையாட முடியும். பின்பு 25 வாட் பாஸ்ட் சார்ஜிங் ஆதரவு, Dolby Atmos ஆதரவு, அடாப்டிவ் பவர் சேவிங் டெக்னாலஜி உள்ளிட்ட பல அம்சங்களுடன் இந்த ஸ்மார்ட்போன் வெளிவந்துள்ளது.

5ஜி, 4ஜி எல்டிஇ, வைஃபை, புளூடூத், ஜிபிஎஸ்/ஏ-ஜிபிஎஸ், என்எப்சி, யுஎஸ்பி டைப்-சி போர்ட், 3.5எம்எம் ஆடியோ ஜாக் உள்ளிட்ட பல இணைப்பு ஆதரவு கொண்டுள்ளது இந்த சாம்சங் கேலக்ஸி எஃப்23 5ஜி ஸ்மார்ட்போன் மாடல்.