மிரட்டலான டிஸைனுடன் சாம்சங் கேலக்ஸி ஏ 82 5 ஜி ரெடி.. எப்போது அறிமுகம் செய்யப்படும்?

சாம்சங் கேலக்ஸி ஏ 80 ஸ்மார்ட்போன்

இது 2019ம் ஆண்டில் வெளியான சாம்சங் கேலக்ஸி ஏ 80 ஸ்மார்ட்போனின் வாரிசு என்றும், இதன் முதல் வெர்ஷன் தென் கொரியாவில் அறிமுகமானது. எதிர்பார்த்தபடி, சாம்சங் கேலக்ஸி ஏ 82 5 ஜி இப்போது பல்வேறு தரப்படுத்தல் மற்றும் சான்றிதழ் தளங்களில் காணப்பட்டுள்ளது என்பதை புளூடூத் எஸ்.ஐ.ஜி உறுதிப்படுத்தியுள்ளது.

ஸ்மார்ட்போனின் மாடல் எண் SM-826S

இந்த ஸ்மார்ட்போனின் மாடல் எண் SM-826S என்று குறிப்பிடப்பட்டு, இது புளூடூத் வி 5 இணக்கத்துடன் வருகிறது என்று குறிப்பிடப்பட்டுள்ளது. இது தவிர மற்ற விவரக்குறிப்புகள் பற்றிய பெரிய விவரங்களை இதுவும் வெளியாகவில்லை என்றாலும், இது உருவாக்கப்பட்டு தயார்நிலைக்கு வந்துகொண்டிருக்கிறது என்று பட்டியல் காட்டுகிறது. சாம்சங் சாம்சங் கேலக்ஸி ஏ 82 5 ஜி பற்றி நமக்குக் கிடைத்துள்ள சில முக்கிய விவரங்களைப் பார்க்கலாம்.

கீக்பெஞ்ச் பட்டியல் தகவல்

கடந்த வாரம், வதந்தியான சாம்சங் கேலக்ஸி ஏ 82 அதே மாதிரி எண்ணுடன் கீக்பெஞ்ச் பட்டியலில் காணப்பட்டது . இந்த பட்டியலில் இது ஆண்ட்ராய்டு 11 மற்றும் 6 ஜிபி ரேம் உடன் காணப்பட்டுள்ளது. இது ஸ்னாப்டிராகன் 855 அல்லது ஸ்னாப்டிராகன் 855 பிளஸ் சிப்செட் உடன் வெளிவரலாம் என்று கூறப்படுகிறது. இருப்பினும், 2019 ஆம் ஆண்டில் வெளியான சாம்சங் கேலக்ஸி ஏ 82, ஸ்னாப்டிராகன் 730 ஜி சிப்செட் உடன் அறிமுகப்படுத்தப்பட்டது என்பது குறிப்பிடத்தக்கது.

டிசைனிற்கு நல்ல வரவேற்பு

சாம்சங் கேலக்ஸி ஏ 80 5ஜி ஸ்மார்ட்போன் தனித்துவமான கேமரா வடிவமைப்பைக் கொண்டுள்ளது, பின்புற கேமராக்கள் முன் கேமராக்களாக மேல்நோக்கி நகரும் விதத்தில் பிலிப்பிங் அம்சத்துடன் வடிவமைக்கப்பட்டுள்ளது. இது ஸ்மார்ட்போனில் நாட்ச் எதுவும் இல்லாமல் முழுத்திரை டிஸ்பிளேவை கொடுத்துள்ளது. சாம்சங் கேலக்ஸி ஏ 82 5ஜி இன் இந்த டிசைனிற்கு நல்ல வரவேற்பு கிடைக்குமென்று எதிர்பார்க்கப்படுகிறது.