பெஸல்லெஸ், டூயல் செல்பீ கேம் என் வேற லெவலில் கேலக்ஸி ஏ8 (2018).!

உறுதிப்படுத்தும் புகைப்படம்

கேலக்ஸி ஏ8 (2018) ஆனது ஒரு இரட்டை செல்பீ கேமரா கொண்டு வரும் என்பதை உறுதிப்படுத்தும் இந்த புகைப்படமானது கிஸ்மோசீனா வழியாக கசிந்துள்ளது. சுவாரஸ்யமாக, அசுஸ் மற்றும் லெனோவா போன்ற நிறுவனங்கள் அதன் கருவிகளில் முன்பக்கம் எதிர்கொள்ளும் டூயல் கேமரா சென்சார்களை கொண்டு வந்திருந்தாலும் கூட சாம்சங் அதன் வன்பொருள் மாற்றங்களை கொண்டு வராமலேயே இருந்தது.

டூயல் செல்பீ கேமரா

சாம்சங் அதன் கேலக்ஸி நோட் 8 கருவியின் ஒரு இரட்டை பின்புற கேமரா அமைப்புடன் வெளியிட்டது. மேலும் செப்டம்பரில் வெளியான ஒரு மலிவான இரட்டை கேமரா ஸ்மார்டானாக கேலக்ஸி ஜே+ களமிறங்கியது. அதனை தொடர்ந்து சாம்சங் கேலக்ஸி ஏ8 (2018) ஸ்மார்ட்போனில் முன்பக்கம் உட்பொதிக்கப்ட்ட டூயல் செல்பீ கேமரா எதிர்பார்க்கப்படுகிறது.

உண்மையான வடிவம்

கேலக்ஸி ஏ8 (2018) கருவியின் கசிந்த பேனல்களின் வழியே, அதன் இடது மற்றும் வலது பக்கத்தில் மெல்லிய பெஸல்களை வெளிப்படுத்துகின்றன. சமீபத்திய பெஸல்லெஸ் ஸ்மார்ட்போன்களில் காணப்படும் வளைவான முனைகளை கொண்டிருக்கவில்லை என்றாலும் கூட இதுவொரு மேலோட்டமான பார்வை தான், கருவியின் உண்மையான வடிவம் வெளியான பின்னரே தெரியவரும் என்பதும் குறிப்பிடத்தக்கது.

கேலக்ஸி ஏ7 (2018)

இந்த மாத தொடக்கத்தில், கேலக்ஸி ஏ5 (2018) மற்றும் கேலக்ஸி ஏ7 (2018) ஆகிய இரு கருவிகளும் சான்றிதழ் வலைத்தளத்தில் காணப்பட்டன. இந்த புதிய கேலக்ஸி ஏ தொடர் ஸ்மார்ட்போன்களை சாம்சங் நிறுவனம் அதன் அதிகாரப்பூர்வ ஆதரவு பக்கங்களின் மூலம் வெளிப்படுத்தியது. வெளியான விவரங்களின்படி, கேலக்ஸி ஏ5 (2018) மற்றும் கேலக்ஸி ஏ7 (2018) ஆகிய இரண்டுமே ஆண்ட்ராய்டு 7.1 நௌவ்கட் கொண்டு இயங்கும் மற்றும் இரட்டை-பேண்ட் வைஃபை ஆதரவைக் கொண்டுருக்கும்.

கேலக்ஸி ஏ5 (2018)

முன்னர் வெளியான சில லீக்ஸ் தகவலின்படி, கேலக்ஸி ஏ5 (2018) முந்தைய கருவிகளை போலின்றி ஒரு மெல்லிய-பெஸல்லெஸ் டிஸ்பிளே மற்றும் பின்புறம் எதிர்கொள்ளும் கைரேகை சென்சார் கொண்டிருக்கும். சமீபத்திய அறிக்கைகள் கேலக்ஸி ஏ5 (2018) ஆனது ஒரு 5.5 அங்குல முழு எச்டி+ டிஸ்ப்ளே மற்றும் ஒரு எக்சிநோஸ் 7885 சிப் உடனான 4 ஜிபி ரேம் உடன் இணைக்கப்படும் என்று தெரிவிக்கின்றன.