அறிமுகமானது புதிய சாம்சங் போன்.. 50எம்பி கேமரா.. 6000எம்ஏஎச் பேட்டரி.. எந்த மாடல்? என்ன விலை?

சாம்சங் நிறுவனம் தனது புதிய சாம்சங் கேலக்ஸி ஏ08 (Samsung Galaxy A08) ஸ்மார்ட்போனை இந்தியாவில் அறிமுகம் செய்துள்ளது. அசத்தலான வடிவமைப்புடன் மற்றும் தரமான அம்சங்களுடன் இந்த புதிய சாம்சங் போன் வெளியாகி உள்ளது. இப்போது கேலக்ஸி ஏ08 போனின் விலை மற்றும் அம்சங்களைப் பார்க்கலாம்.

சாம்சங் கேலக்ஸி ஏ08 அம்சங்கள் (Samsung Galaxy A08 Specifications): 6.7-இன்ச் எச்டி பிளஸ் Infinity-U எல்சிடி டிஸ்பிளே உடன் அறிமுகம் செய்யப்பட்டுள்ளது. மேலும் இதன் டிஸ்பிளேவில் 720x1600 பிக்சல்ஸ், 90ஹெர்ட்ஸ் ரெஃப்ரெஷ் ரேட் (90Hz Refresh Rate), கார்னிங் கொரில்லா கிளாஸ் 5 உள்ளிட்ட வசதிகள் உள்ளதாக தெரிவிக்கப்பட்டுள்ளது.

50எம்பி டூயல் ரியர் கேமரா உடன் சாம்சங் கேலக்ஸி ஏ08 ஸ்மார்ட்போன் வெளியாகி உள்ளது. குறிப்பாக இந்த போனின் மூலம் தெளிவான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 8எம்பி கேமராவும் இந்த போனில் உள்ளது. இதுதவிர எல்இடி பிளாஸ் மற்றும் பல்வேறு கேமரா அம்சங்கள் இந்த போனில் உள்ளன.

ஆக்டா கோர் மீடியாடெக் ஹீலியோ ஜி99 பிளஸ் சிப்செட் உடன் சாம்சங் கேலக்ஸி ஏ08 ஸ்மார்ட்போன் அறிமுகம் செய்யப்பட்டுள்ளது. குறிப்பாக இந்த சிப்செட் மேம்பட்ட செயல்திறன் வழங்கும். ஆண்ட்ராய்டு 16 (Android 16) இயங்குதள வசதியுடன் சாம்சங் கேலக்ஸி ஏ08 ஸ்மார்ட்போன் வெளிவந்துள்ளது. ஆனாலும் இந்த போனுக்கு 6 ஓஎஸ் அப்டேட் மற்றும் 6 வருடங்களுக்குப் பாதுகாப்பு அப்டேட்கள் கிடைக்கும்.

4ஜிபி ரேம் மற்றும் 64ஜிபி மெமரி உடன் சாம்சங் கேலக்ஸி ஏ08 ஸ்மார்ட்போன் விற்பனைக்கு வரும். மேலும் கூடுதலாக மெமரி நீட்டிப்பு ஆதரவு இந்த புதிய ஸ்மார்ட்போனில் உள்ளது. அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த புதிய போனில் உள்ளது.

IP64 ரேட்டிங் கொண்ட டஸ்ட் & வாட்டர் ரெசிஸ்டன்ஸ் (Dust & Water Resistance) உடன் சாம்சங் கேலக்ஸி ஏ08 ஸ்மார்ட்போன் வெளிவந்துள்ளது அதேபோல் சைடு மவுண்டெட் ஃபிங்கர்பிரிண்ட் சென்சார் (Side Mounted Fingerprint Sensor) வசதியும் இந்த புதிய போனில் உள்ளது.

6000எம்ஏஎச் பேட்டரி உடன் சாம்சங் கேலக்ஸி ஏ08 ஸ்மார்ட்போன் அறிமுகம் செய்யப்பட்டுள்ளது. எனவே இந்த ஸ்மார்ட்போனை வாங்கினால் சார்ஜ் பற்றிய கவலை இருக்காது. அதாவது இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். மேலும் 4ஜி, வைஃபை, ஜிபிஎஸ், ப்ளூடூத் 5.3 உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன.

சாம்சங் கேலக்ஸி ஏ08 ஸ்மார்ட்போனின் எடை 197 கிராம் ஆகும். குறிப்பாக இந்த புதிய கேலக்ஸி ஏ08 ஸ்மார்ட்போனின் வடிவமைப்பு மற்றும் மென்பொருள் வசதிக்கு அதிக கவனம் செலுத்தியுள்ளது சாம்சங் நிறுவனம். டார்க் ப்ளூ, சில்வர், கிரீன் ஆகிய கலர்கள் இந்த புதிய கேலக்ஸி ஏ08 போன் விற்பனைக்கு வரும்.

4ஜிபி ரேம் மற்றும் 64ஜிபி மெமரி கொண்ட கேலக்ஸி ஏ08 ஸ்மார்ட்போனின் விலை ரூ.18,499-ஆக உள்ளது. சாம்சங்.காம் மற்றும் பல முன்னணி ஆஃப்லைன் கடைகளில் இந்த புதிய சாம்சங் போன் வாங்க கிடைக்கிறது.