திடீரென்று மலிவு விலை போனை களமிறக்கும் சாம்சங்

Posted By: Karthikeyan
திடீரென்று மலிவு விலை போனை களமிறக்கும் சாம்சங்

புதுமைக்கு பெயர் பெற்ற சாம்சங் ஓய்வில்லாமல் உழைத்து வருவதால் மேலும் ஒரு புதிய ஸ்மார்ட்போனை விரைவில் களமிறக்க இருக்கிறது. கேலக்ஸி வரிசையில் வரும் இந்த போனுக்கு சேம்ப் நியோ டூவோஸ் (ஜிடி-சி3262) என்று பெயர் சூட்டப்பட்டிருக்கிறது.

பார்ப்பதற்கு ஸ்டைலாக இருக்கும் இந்த போன் டூவல் சிம் வசதியை வழங்குகிறது. குறைந்த எடையில் வந்தாலும் க்யுவிஜிஎ ரிசலூசன் கொண்ட 2.4 இன்ச் அளவில் ஒரு டிஎப்டி தொடுதிரையைக் கொண்டிருக்கிறது. மேலும் டச்விஸ்-லைட் 2.0 யூசர் இன்டர்பேசையும் இந்த போன் வழங்குகிறது.

சேமிப்பைப் பொறுத்த வரை இந்த போன் 20எம்பி மெமரியைக் கொண்டிருந்தாலும் இந்த மெமரியை எஸ்டி கார்டு மூலம் 32ஜிபி வரை விரிவுபடுத்த முடியும்.

மேலும் இந்த போன் ப்ளூடூத், மைக்ரோ யுஎஸ்பி மற்றும் இயர்போன் ஜாக் போன்ற இணைப்பு வசதிகளையும் வழங்குகிறது. இதன் பேட்டரி 14 மணி நேர டாக் டைமை வழங்கும்.

குறைந்த விலையில் வரும் இந்த போன் ரூ.3,260க்கு விற்கப்படுகிறது. இந்தியாவில் உள்ள சாம்சங் ஸ்டோர்களில் இந்த போனை வாங்கலாம். அதோடு இந்த போன் சாம்சங்கின் அப்ளிகேசன்களான சேட்ஆன், யாகூ, எம்எஸ்என், ஜிடாக், புஷ் மெயில், பேஸ்புக் மற்றும் டிவிட்டர் போன்றவற்றையும் தனது ரசிகர்களுக்கு வழங்குகிறது.

Please Wait while comments are loading...

சமூக வலைதளம்