Price Cut-னா இப்படி இருக்கணும்! இரவோடு இரவாக ரூ.10,000 விலை குறைந்த Samsung போன்!

Published: Thursday, November 3, 2022, 10:31 [IST]

சாம்சங் நிறுவனம் (Samsung) அதன் மிகவும் பிரபலமான ஸ்மார்ட்போன் ஒன்றின் மீது "பொசுக்குன்னு" ரூ.10,000 என்கிற விலைக்குறைப்பை (Price Cut) அறிவித்துள்ளது.

அதென்ன ஸ்மார்ட்போன்? அதன் பழைய மற்றும் புதிய விலை நிர்ணயம் என்ன? ரூ.10,000 என்கிற Price Cut-க்கு பின்பும் கூட அதை நம்பி வாங்கலாமா? வாருங்கள் விரிவாக பார்க்கலாம்!

அதென்ன ஸ்மார்ட்போன்?

சாம்சங் நிறுவனம் தனது அடுத்த தலைமுறை கேலக்ஸி எஸ்23 சீரீஸ் ஸ்மார்ட்போன்களை அறிமுகப்படுத்த தயாராகி வருகிறது.

அதனொரு பகுதியாக, இந்நிறுவனம் அதன் கேலக்ஸி S22 ஸ்மார்ட்போனின் விலையை "தாறுமாறாக" குறைத்துள்ளது. நினைவூட்டும் வண்ணம், கேலக்ஸி எஸ்22 ஆனது இந்த ஆண்டின் தொடக்கத்தில் அறிமுகப்படுத்தப்பட்டது.

இரண்டின் மீதும் ரூ.10,000 விலைக்குறைப்பு!

முன்னரே குறிப்பிட்டபடி, Samsung Galaxy S22 ஆனது தற்போது ரூ.10,000 என்கிற "நம்ப முடியாத" விலைக் குறைப்பை பெற்றுள்ளது.

இன்னொரு சுவாரசியமான விடயம் என்னவென்றால், இந்த ஸ்மார்ட்போன் மொத்தம் இரண்டு ஸ்டோரேஜ் வகைகளின் கீழ் வருகிறது மற்றும் அந்த இரண்டுமே ரூ.10,000 என்கிற விலைக் குறைப்பை பெற்றுள்ளன.

பழைய விலை VS புதிய விலை:

சாம்சங் Galaxy S22 ஸ்மார்ட்போன் இரண்டு ஸ்டோரேஜ் வகைகளின் கீழ் வாங்க கிடைக்கிறது: அது 8GB + 128GB மற்றும் 8GB + 256GB ஆகும்.

அவைகள் முறையே ரூ.72,999 மற்றும் ரூ.76,999 க்கு வாங்க கிடைத்தன. ஆனால் ரூ.10,000 விலைக் குறைப்புக்கு பிறகு, 128ஜிபி ஆப்ஷன் ஆனது ரூ.62,999 க்கும் மற்றும் 256ஜிபி ஆப்ஷன் ஆனது ரூ.66,999 க்கும் விற்பனை செய்யப்படுகிறது.

விலைக்குறைப்பு மட்டுமல்ல இன்னும் இருக்கிறது!

பாண்டம் ஒயிட், பாண்டம் பிளாக் மற்றும் க்ரீன் என்கிற 3 கலர் ஆப்ஷன்களின் கீழ் விற்பனை செய்யப்படும் எஸ்22 மீது ரூ.10,000 என்கிற ப்ரைஸ் கட் மட்டுமல்ல, வேறு சில சலுகைகளும் அணுக கிடைக்கிறது!

இந்த ஸ்மார்ட்போனை, சாம்சங் ஷாப் ஆப் வழியாக நீங்கள் வாங்கும் பட்சத்தில் ரூ.2,000 வரையிலான வெல்கம் பெனிஃபிட்டை பெறுவீர்கள்.

மேலும் இந்த ஸ்மார்ட்போனை வாங்கும் அனைவருமே, ஆறு மாத காலத்திற்கு 100ஜிபி அளவிலான ஒன்ட்ரைவ் (OneDrive) கிளவுட் ஸ்டோரேஜையும் இலவசமாகப் பெறுவார்கள்.

யாரெல்லாம் வாங்கலாம்,, யாரெல்லாம் வாங்க வேண்டாம்!

நிறை குறைகளை பற்றி பேசும் போது, முதலில் யாரெல்லாம் இந்த ஸ்மார்ட்போனை வாங்கலாம் என்பதை பற்றி பாப்போம்.

நீங்களொரு போட்டோகிராஃபி லவ்வர் என்றால், கண்களை மூடிக்கொண்டு நீங்கள் வாங்கும் ஸ்மார்ட்போன்களில் எஸ்22 மாடலும் ஒன்றாகும்.

ஏனென்றால் இதன் கேமரா செட்டப் மிகவும் வலுவானதாக உள்ளது, அற்புதமான புகைப்படங்களை கைப்பற்றுவதில் கில்லாடியாக உள்ளது.

டிசைன் மற்றும் பெர்ஃபார்மென்ஸ்

சாம்சங் கேலக்ஸி எஸ்22 ஆனது நிறுவனத்தின் லேட்டஸ்ட் பிளாக்ஷிப் ஸ்மார்ட்போன் ஆகும் என்பதால், இதன் டிசைனில் ஒரு குறையையும் உங்களால் கண்டுபிடிக்க முடியாது.

அதே போல பெர்ஃபார்மென்ஸ் என்று வரும் போதும் கூட, இந்த ஸ்மார்ட்போன் உங்களை நிச்சயம் இம்ப்ரெஸ் செய்யும். ஆக தரமான கேமரா, ஸ்டைலான டிசைன் மற்றும் வெயிட்டான பெர்ஃபார்மென்ஸ் தான் - உங்களின் 3 முக்கிய தேவைகள் என்றால் கேலக்ஸி எஸ்22 ஸ்மார்ட்போனை நீங்கள் நம்பி வாங்கலாம்!

குறைகளை பொறுத்தவரை..

சாம்சங் கேலக்ஸி எஸ்22 ஆனது சொல்லிக் கொள்ளும்படியான பேட்டரி லைஃப்-ஐ வழங்கவில்லை. எனவே லாங் லாஸ்டிங் பேட்டரி லைஃப்-ஐ தேடும் எவருக்குமே இந்த ஸ்மார்ட்போனை நாங்கள் பரிந்துரைக்க மாட்டோம்.

அதே போல், எஸ்22 ஆனது அளவில் சற்றே சிறியதாக இருப்பதால், பெரிய கைகளை கொண்டவர்களுக்கு இது பொருத்தமில்லாத ஒரு ஸ்மார்ட்போனாக மாறவும் வாய்ப்பு உள்ளது, இதை தவிர்த்து, இந்த ஸ்மார்ட்போனில் வேறு எந்த பெரிய குறைகளையும் சுட்டிக்காட்ட முடியாது!