Xiaomi ரெட்மி நோட் 9 போனின் முதல் விற்பனை சலுகையுடன் துவங்கியது! விலை என்ன தெரியுமா?

| Published: Thursday, July 30, 2020, 13:03 [IST]

சியோமி தனது புதிய பட்ஜெட் விலை ஸ்மார்ட்போன் மாடலான ரெட்மி நோட் 9 சாதனத்தை இந்த மாத தொடக்கத்தில் நாட்டில் அறிமுகப்படுத்தியது. புதிய ஸ்மார்ட்போன் இப்போது ரெட்மி நோட் 9 ப்ரோ மற்றும் நோட் 9 புரோ மேக்ஸ் என்று மூன்று மாடல்களை அறிமுகம் செய்துள்ளது. தற்பொழுது புதிய ரெட்மி நோட் 9 ஸ்மார்ட்போனுக்கான விற்பனை அமேசான் தளத்தில் துவங்கியுள்ளது.

ரெட்மி நோட் 9 ப்ரோ மேக்ஸ் மற்றும் ரெட்மி நோட் 9 ப்ரோ விற்பனை எப்பொழுது?

இந்த புதிய ஸ்மார்ட்போனின் சிறப்பம்சமாக அதன் பின்புறத்தில் குவாட்-கேமரா அமைப்பு கொடுக்கப்பட்டுள்ளது. ஒரு பெரிய 5,020 எம்ஏஎச் பேட்டரி மற்றும் மீடியாடெக் ஹீலியோ ஜி 85 பிராசஸர் உடன் அறிமுகப்படுத்திய இந்தியாவின் முதல் ஸ்மார்ட்போன் இதுவாகும். ரெட்மி நோட் 9 விற்பனையைத் தொடர்ந்து வரும் ஆகஸ்ட் 6ம் தேதி ரெட்மி நோட் 9 ப்ரோ மேக்ஸ் விற்பனை நடக்கிறது. அதனைத் தொடர்ந்து ஆகஸ்ட் 14ம் தேதி ரெட்மி நோட் 9 ப்ரோ விற்பனை நடைபெறும்.

ரெட்மி நோட் 9 ஸ்மார்ட்போனின் விலை என்ன?

அமேசான் மற்றும் சியோமி அதிகாரப்பூர்வ தளத்தில் விற்பனைக்கு வந்துள்ள ரெட்மி நோட் 9 ஸ்மார்ட்போனின் 4 ஜிபி ரேம் + 64 ஜிபி ஸ்டோரேஜ் வேரியண்ட் ரூ .11,999 என்ற விலையில் விற்பனை ஆகிறது. அதேபோல், இதன் 6 ஜிபி ரேம் + 128 ஜிபி ஸ்டோரேஜ் வேரியண்ட் விலை ரூ. 14,999 என்ற விலையில் கிடைக்கிறது. ரெட்மி நோட் 9 போனில், 4 ஜிபி ரேம் + 128 ஜிபி ஸ்டோரேஜ் வேரியண்ட்டும் உள்ளது, ஆனால் விலை வெளியிடப்படவில்லை.

10,000 ஆண்டுகளுக்கு முன்பு வாழ்ந்த ராட்சஸ மாமூத்தின் எலும்புகள் கண்டுபிடிப்பு! இதில் டிவிஸ்ட் இருக்கு!

சிறப்பு சலுகை மற்றும் தள்ளுபடி

இந்த ஸ்மார்ட்போன் அமேசான் மற்றும் மி.காம் வழியாக இன்று மதியம் 12 மணி முதல் விற்பனைக்கு வந்துள்ளது. விற்பனை சலுகைகளில் எச்எஸ்பிசி கேஷ்பேக் கார்டுகளில் 5 சதவீத உடனடி தள்ளுபடி, அமேசான் பே, ஐசிஐசிஐ வங்கி கிரெடிட் கார்டு பயனர்களுக்கு பிரைம் சந்தாவுடன் 5 சதவீத கேஷ்பேக் மற்றும் பிரைம் அல்லாத அட்டைதாரர்களுக்கு 3 சதவீத கேஷ்பேக் ஆகியவை கிடைக்கிறது. தேர்ந்தெடுக்கப்பட்ட கார்டுகளுக்கு விலை இல்லாத ஈ.எம்.ஐ வசதியும் உள்ளது.