Xiaomi ரெட்மி நோட் 9 புரோ மேக்ஸ் போனின் முதல் விற்பனை எப்பொழுது தெரியுமா?

Published: Tuesday, July 28, 2020, 11:22 [IST]

சியோமி நிறுவனம் இறுதியாக தனது சியோமி ரெட்மி நோட் 9 புரோ மேக்ஸ் ஸ்மார்ட்போனின் 8 ஜிபி ரேம் வேரியண்ட்டை இந்தியாவில் விற்பனைக்குக் கொண்டு வருகிறது. சியோமி நோட் 9 புரோ மேக்ஸ் ஸ்மார்ட்போனின் புதிய 8 ஜிபி ரேம் வேரியண்ட்டின் முதல் விற்பனை இந்த ஜூலை 29 புதன்கிழமை நடைபெறும் என்று தனது டிவீட்டில் பக்கத்தில் அறிவித்துள்ளது.

சியோமி ரெட்மி நோட் 9 புரோ மேக்ஸ்

சியோமி ரெட்மி நோட் 9 புரோ மேக்ஸ் மார்ச் மாதத்தில் ஊரடங்கிற்கு முன்பு இந்தியாவில் முதன்முதலில் அறிமுகப்படுத்தப்பட்டது. இதுவரை 6 ஜிபி + 64 ஜிபி மற்றும் 6 ஜிபி + 128 ஜிபி ஆகிய இரண்டு வகைகளை மட்டுமே விற்பனைக்குக் கொண்டு வந்த நிறுவனம், தற்பொழுது அதன் 8 ஜிபி ரேம் கொண்ட மாடல் வேரியண்ட்டை வெளியிட தயாராகிவிட்டது.

சியோமி ரெட்மி நோட் 9 ப்ரோ மேக்ஸ் விலை

நோட் 9 புரோ மேக்ஸ் சமீபத்தில் ரூ .500 விலை உயர்வு பெற்றது. 8 ஜிபி ரேம் மற்றும் 128 ஜிபி ஸ்டோரேஜ் கொண்ட மாடலின் விலை ரூ .19,999 என்ற விலையில் விற்பனைக்குக் கிடைக்கும் என்று தெரிவிக்கப்பட்டுள்ளது. மேலும் இந்த புதிய ஸ்மார்ட்போன் வரும் ஜூலை 29ம் தேதி மதியம் 12 மணிக்கு Mi.com இல் விற்பனைக்குக் கிடைக்குமென்று அறிவிக்கப்பட்டுள்ளது. அதேபோல், இதன் மற்ற இரண்டு வேரியண்ட் மாடல்கள் அமேசான் மற்றும் சியோமி கடைகளில் கிடைக்கிறது.

சியோமி ரெட்மி நோட் 9 ப்ரோ மேக்ஸ் இந்த மற்ற வேரியண்ட்

சியோமி ரெட்மி நோட் 9 ப்ரோ மேக்ஸ், 8 ஜிபி ரேம் மற்றும் 128 ஜிபி ஸ்டோரேஜ் கொண்ட மாடலின் விலை ரூ .19,999 ஆகும். இதன் 6 ஜிபி ரேம் மற்றும் 64 ஜிபி இன்டர்னல் ஸ்டோரேஜ் கொண்ட அடிப்படை மாடல் ரூ .16,999 என்ற விலைக்கு கிடைக்கிறது. ரெட்மி நோட் 9 ப்ரோ மேக்ஸ் இன் 6 ஜிபி ரேம் மற்றும் 128 ஜிபி கொண்ட வேரியண்ட் ரூ.18,499 என்ற விலையில் கிடைக்கிறது.