ரெட்மி நோட் 9 ப்ரோ ஓபன் விற்பனை! இனிமேல் யாரும் காத்திருக்கத் தேவையில்லை!

Published: Thursday, September 17, 2020, 12:48 [IST]

ரெட்மி நோட் 9 ப்ரோ ஸ்மார்ட்போன் இப்போது Amazon மற்றும் Mi.com வழியாக திறந்த விற்பனைக்கு கிடைக்கிறது என்று நிறுவனம் தற்பொழுது அறிவித்துள்ளது. அதாவது வாரத்தின் எந்த நாளிலும் நீங்கள் இப்போது ரெட்மி நோட் 9 ப்ரோ ஸ்மார்ட்போன் சாதனத்தை வாங்கலாம். இப்போது வரை, நிறுவனம் வாராந்திர ஃபிளாஷ் விற்பனையில் மட்டுமே ரெட்மி நோட் 9 ப்ரோவை விற்பனை செய்து வந்தது என்பது குறிப்பிடத்தக்கது.

இனி காத்திருக்க தேவையில்லை

ரெட்மி இந்தியா நிறுவனம் தனது டிவிட்டர் பக்கத்தில் ரெட்மி நோட் 9 ப்ரோ திறந்த விற்பனைக்கு கிடைக்கும் என்பதை அறிவித்துள்ளது. இனிமேல் வாடிக்கையாளர்கள் அடுத்த ஃபிளாஷ் சேல்ஸ் விற்பனைக்காக காத்திருக்க தேவையில்லை, மேலும் ஸ்மார்ட்போனை Amazon.in வழியாகவும், Mi.com, Mi ஹோம் ஸ்டோர்ஸ் மற்றும் பிற கூட்டாளர் சில்லறை கடைகள் வழியாகவும் நேரடியாக வாங்கிக்கொள்ளலாம் என்று நிறுவனம் அறிவித்துள்ளது.

ரெட்மி நோட் 9 ப்ரோ ஸ்மார்ட்போனின் விலை

ரெட்மி நோட் 9 ப்ரோ ஸ்மார்ட்போனின், 4 ஜிபி + 64 ஜிபி ஸ்டோரேஜ் வேரியண்ட் ரூ.13,999 என்ற விலையிலும், 4 ஜிபி + 128 ஜிபி ஸ்டோரேஜ் மாடல் ரூ.15,999 என்ற விலையிலும், அதன் 6 ஜிபி + 128 ஜிபி ஸ்டோரேஜ் வேரியண்ட் மாடல் ஸ்மார்ட்போன் ரூ.16,999 என்ற விலையிலும் இப்பொழுது விற்பனைக்கு கிடைக்கிறது.