ரெட்மி நோட் 8 ஸ்மார்ட்போனுக்கு மீண்டும் விலை உயர்வு.!

Published: Monday, July 13, 2020, 10:15 [IST]

சியோமி நிறுவனத்தின் துணை நிறுவனமான ரெட்மி நிறுவனம் தனது புதிய ரெட்மி நோட் 8 ஸ்மார்ட்போன் மாடலுக்கு மீண்டும் விலை உயர்வு அறிவித்துள்ளது. அதன்படி 4ஜிபி ரேம் மற்றும் 64ஜிபி மெமரி கொண்ட ரெட்மி நோட் 8 ஸ்மார்ட்போனின் முந்தைய விலை ரூ.11,999-ஆக இருந்தது, தற்சமயம் அறிவிக்கப்பட்ட விலை உயர்வினால் ரூ.12,499-க்கு விற்பனை செய்யப்படுகிறது.

இந்த புதிய உயர்வு ஆனது மி.காம் வலைதளத்தில் பிரதிபலிக்கிறது. குறிப்பிட்டு சொல்ல வேண்டும் என்றால் 4ஜிபி ரேம் கொண்ட இந்த ரெட்மி நோட் 8 ஸ்மார்ட்போன் மாடல் ரூ.9,999-க்கு அறிமுகம் செய்யப்பட்டது. அதபோல் தற்சமயம் 6ஜிபி ரேம் மற்றும் 128ஜிபி மெமரி கொண்ட ரெட்மி நோட் 8 மாடல் ரூ.14,499-க்கு விற்பனை செய்யப்படுகிறது.

குறிப்பிட்டு சொல்ல வேண்டும் என்றால், தொடர்ச்சியான விலை அதிகரிப்பிற்கு பின்னர் இந்த ஸ்மார்ட்போனின் பட்ஜெட்டே மாறிவிட்டது.
பின்பு தற்சயம் ரியல்மி நார்சோ 10 மற்றும் சாம்சங் கேலக்ஸி எம்11 போன்றவற்றுக்கு எதிராக போட்டியிடுகிறது என்பது குறிப்பிடத்தக்கது.
மேலும் இப்போது சியோமி ரெட்மி நோட் 8 மற்றும் சியோமி ரெட்மி நோட் 8 ப்ரோ சாதனங்களின் சிறப்பம்சங்களைப் பார்ப்போம்.

சியோமி ரெட்மி நோட் 8 சிறப்பம்சம்

6.3' இன்ச் கொண்ட வாட்டர் நாட்ச் டிஸ்பிளே
ஸ்னாப்டிராகன் 665 சிப்செட் பிராசஸர்
4ஜிபி ரேம் 64ஜிபி / 6ஜிபி ரேம் 128ஜிபி
குவாட் கேமரா செட்டப்
48 மெகா பிக்சல் கொண்ட பிரைமரி கேமரா
8 மெகா பிக்சல் கொண்ட வைடு ஆங்கிள் லென்ஸ் கேமரா
2 மெகா பிக்சல் கொண்ட மேக்ரோ லென்ஸ் கேமரா
2 டெப்த் சென்சார்
13 மெகா பிக்சல் கொண்ட முன்பக்க செல்ஃபி கேமரா
4,000 எம்.ஏ.எச் பேட்டரி