அமேசான் அதிர போகுது.. 8000எம்ஏஎச் பேட்டரி.. 50எம்பி கேமரா.. வருகிறது புது ரெட்மி 5ஜி போன்.. எந்த மாடல்?

அமேசான் தளத்தில் ரெட்மி நிறுவனத்தின் புதிய நோட் சீரிஸ் ஸ்மார்ட்போன்களின் டீசர் வெளியாகி உள்ளது. அதாவது ரெட்மி நோட் 17 5ஜி (Redmi Note 17 5G) மற்றும் ரெட்மி நோட் 17 ப்ரோ 5ஜி (Redmi Note 17 Pro 5G) ஆகிய இரண்டு போன்களும் விரைவில் இந்தியாவில் அறிமுகமாகும் என்று கூறப்படுகிறது. ஆனால் தற்போது இந்த போன்களின் டீசர் மட்டுமே வெளியாகி உள்ளது. விரைவில் இந்த போன்களின் அறிமுக தேதி வெளியாகும்.

கடந்த மாதம் ரெட்மி நோட் 17 மாடல் சீனாவில் அறிமுகம் செய்யப்பட்டது. இதே மாடல் தான் விரைவில் இந்தியாவிலும் அறிமுகமாகும் என்று கூறப்படுகிறது. இப்போது அந்த ரெட்மி நோட் 17 மாடலின் சிறப்பு அம்சங்களை சற்று விரிவாகப் பார்க்கலாம்.

ரெட்மி நோட் 17 அம்சங்கள் (Redmi Note 17 specifications): ஸ்னாப்டிராகன் 4 ஜென் 4 சிப்செட் (Snapdragon 4 Gen 4 chipset) உடன் ரெட்மி நோட் 17 போன் அறிமுகம் செய்யப்படும். இந்த சிப்செட் மேம்பட்ட வேகம் மற்றும் செயல்திறன் வழங்கும். அதுவும் கேமிங் ஆப்களை இந்த போனில் தடையின்றி பயன்படுத்த முடியும்.

7-இன்ச் ஒஎல்இடி டிஸ்பிளே உடன் புதிய ரெட்மி நோட் 17 ஸ்மார்ட்போன் அறிமுகம் செய்யப்படும். மேலும் இதன் டிஸ்பிளேவில் 120 ஹெர்ட்ஸ் ரெஃப்ரெஷ் ரேட் (120Hz Refresh Rate), 1200 நிட்ஸ் பீக் பிரைட்னஸ் மற்றும் சிறந்த பாதுகாப்பு வசதி உள்ளது. மற்ற போன்களை விட பெரிய டிஸ்பிளே உடன் இந்த போன் வெளிவரும் என்பதால் பயன்படுத்துவதற்கு மிகவும் அருமையாக இருக்கும்.

HyperOS 3 சார்ந்த ஆண்ட்ராய்டு 16 (Android 16) இயங்குதளத்தை அடிப்படையாகக் கொண்டு ரெட்மி நோட் 17 ஸ்மார்ட்போன் அறிமுகம் செய்யப்படும். ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். குறிப்பாக இந்த ஸ்மார்ட்போனின் வடிவமைப்பு மிகவும் அருமையாக உள்ளது.

8ஜிபி வரை ரேம் மற்றும் 256ஜிபி வரை மெமரி ஆதரவுடன் இந்த போன் வெளிவரும் என்று கூறப்படுகிறது. மேலும் கூடுதலாக மெமரி நீட்டிப்பு ஆதரவு இந்த ஸ்மாார்ட்போனில் இருக்கும். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த போனில் உள்ளது.

50எம்பி சிங்கிள் ரியர் கேமரா உடன் ரெட்மி நோட் 17 ஸ்மார்ட்போன் விற்பனைக்கு வரும். எனவே இந்த ஸ்மார்ட்போன் மூலம் அசத்தலான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 8எம்பி கேமரா இடம்பெறும் என தெரிவிக்கப்பட்டுள்ளது. இதுதவிர எல்இடி பிளாஸ் மற்றும் பல கேமரா அம்சங்கள் இந்த போனில் உள்ளன.

8000எம்ஏஎச் பேட்டரி உடன் ரெட்மி நோட் 17 ஸ்மார்ட்போன் அறிமுகம் செய்யப்படும். எனவே இந்த ஸ்மார்ட்போனை வாங்கினால் சார்ஜ் பற்றிய கவலை இருக்காது. அதாவது இந்த ஸ்மார்ட்போன் இரண்டு நாட்களுக்கு பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 45W ஃபாஸ்ட் சார்ஜிங் வசதியும் உள்ளது. இதுதவிர ரிவர்ஸ் வயர்டு சார்ஜிங் வசதியும் உள்ளது.

சைடு மவுண்டெட் ஃபிங்கர்பிரிண்ட் சென்சார் (Side mounted Fingerprint Sensor) ஆதரவுடன் இந்த புதிய போன் வெளிவரும் என்று கூறப்படுகிறது. மேலும் இந்த ஸ்மார்ட்போனில் ஸ்டீரியோ ஸ்பீக்கர்கள் (Stereo Speakers) இருக்கும். ஆகவே இந்த ஸ்மார்ட்போன் சிறந்த ஆடியோ அனுபவத்தை வழங்கும்.

5ஜி, 4ஜி வோல்ட்இ, வைஃபை, ஜிபிஎஸ், யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன. அனைத்து சிறப்பான அம்சங்களுடன் இந்த ரெட்மி நோட் 17 போன் பட்ஜெட் விலையில் வெளியாகும் என்று கூறப்படுகிறது.