மார்ச் 4: இந்தியாவில் களமிறங்கும் அட்டகாசமான ரெட்மி நோட் 10 ப்ரோ மேக்ஸ் ஸ்மார்ட்போன்.!

மார்ச் 4-ம் தேதி

இந்நிலையில் வரும் மார்ச் 4-ம் தேதி சியோமி ரெட்மி நோட் 10 ப்ரோ மேக்ஸ் சாதனம் இந்தியாவில் அறிமுகம் செய்யப்படும் எனத் தகவல் வெளிவந்துள்ளது. குறிப்பாக ரியல்மி, ஒப்போ, விவோ நிறுவனங்களின் ஸ்மார்ட்போன்களை விட சிறந்த வடிவமைப்பு மற்றும் அதிநவீன மென்பொருள் வசதியுடன்
இந்த அட்டகாசமான ஸ்மார்ட்போன் வெளிவரும் என எதிர்பார்க்கப்படுகிறது.

கேமரா மற்றும் மென்பொருள் வசதி

மேலும் இந்த ரெட்மி நோட் 10 ப்ரோ மேக்ஸ் சாதனத்தின் சில அம்சங்கள் ஆன்லைனில் கசிந்துள்ளது. எனவே வெளிவந்த தகவலின்படி இந்தஸ்மார்ட்போனின் கேமரா மற்றும் மென்பொருள் வசதி போன்றவற்றில் அதிக கவனம் செலுத்தியுள்ளது இந்நிறுவனம்.

6ஜிபி/8ஜிபி ரேம்

ஆன்லைனில் வெளிவந்த தகவலின்படி இந்த ரெட்மி நோட் 10 ப்ரோ மேக்ஸ் ஸ்மார்ட்போன் ஆனது 6ஜிபி/8ஜிபி ரேம் மற்றும் 128ஜிபி உள்ளடக்க மெமரி வசதியுடன் வெளிவரும். மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த சாதனம். அதாவது நீங்கள் மெமரி கார்டை பயன்படுத்த ஒரு ஸ்லாட் வழங்கப்படும்.

அதேபோல் கருப்பு, நீலம் மற்றும் Bronze உள்ளிட்ட நிறங்களில் இந்த ஸ்மார்ட்போன் அறிமுகம் செய்யப்படும் என எதிர்பார்க்கப்படுகிறது. மேலும் ரெட்மி நோட் 10 ப்ரோ மேக்ஸ் சாதனத்தின் இன்-டிஸ்பிளே கைரேகை சென்சார் வசதி இருப்பதாக தகவல் வெளிவந்துள்ளது.

சிப்செட் வசதி

சியோமி ரெட்மி நோட் 10 ப்ரோ மேக்ஸ் சாதனத்தின் குவால்காம் ஸ்னாப்டிராகன் 732ஜி சிப்செட் அல்லது ஸ்னாப்டிராகன் 768ஜி சிப்செட் வசதி இடம்பெறும் என எதிர்பார்க்கப்படுகிறது. இந்த சிப்செட் வசதி கேமிங் உள்ளிட்ட பல்வேறு வசதிகளுக்கு மிக அருமையாக
பயன்படும்.

ரெட்மி நோட் 10 ப்ரோ மேக்ஸ்

ரெட்மி நோட் 10 ப்ரோ மேக்ஸ் ஸ்மார்ட்போனில் மிகவும் எதிர்பார்த்த LCD screens வசதி மற்றும் 120Hz refresh rate வசதி இருக்கும் என்பதால் அதிக எதிர்பார்ப்புகளை உருவாக்கியுள்ளது. மேலும் 5050எம்ஏஎச் பேட்டரி ஆதரவுடன் இந்த ஸ்மார்ட்போன் மாடல் வெளிவரும் என்று தெரிவிக்கப்பட்டுள்ளது.

இந்த ஸ்மார்ட்போனின் கேமரா அமைப்புகளை பற்றி பேசுகையில், 108எம்பி கேமரா சென்சார் உடன் மொத்தம் நான்கு ரியர் கேமராக்கள் இவற்றுள் இடம்பெறும் எனஎதிர்பார்க்கப்படுகிறது. மேலும் பல்வேறு அசத்தலான இணைப்பு ஆதரவுகளுடன் இந்த ஸ்மார்ட்போன் மாடல்
வெளிவரும்.