Redmi களமிறக்கும் புதிய 5ஜி போன்.. 8500mAh பேட்டரி.. 50எம்பி கேமரா.. எந்த மாடல்? என்ன விலை?

ரெட்மி நிறுவனம் புதிய ரெட்மி கே90 அல்ட்ரா ஸ்மார்ட்போனை சீனாவில் அறிமுகம் செய்ய உள்ளது. கடந்த வருடம் ஜூன் 26-ம் தேதி ரெட்மி கே80 அல்ட்ரா ஸ்மார்ட்போன் அறிமுகம் செய்யப்பட்டது. அதேபோல் இந்த மாதம் இறுதியில் இந்த ரெட்மி கே90 அல்ட்ரா ஸ்மார்ட்போன் அறிமுகமாகும் என்று தகவல்கள் வெளியாகி உள்ளது.

குறிப்பாக இந்த மாதம் இறுதியில் ரெட்மி கே90 அல்ட்ரா ஸ்மார்ட்போன் சீனாவில் அறிமுகமானதும் அடுத்த மாதம் இந்த போன் உலக சந்தையில் அறிமுகமாகும் என்று கூறப்படுகிறது. மேலும் ஆன்லைனில் வெளியான இந்த புதிய ரெட்மி போனின் அம்சங்களை இங்கே பார்க்கலாம்.

ரெட்மி கே90 அல்ட்ரா அம்சங்கள் (Redmi K90 Ultra specification): ஸ்னாப்டிராகன் 8 எலைட் (Snapdragon 8 Elite chipset) சிப்செட் உடன் இந்த ரெட்மி கே90 அல்ட்ரா ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. குறிப்பாக இந்த போனில் வீடியோ எடிட்டிங் மற்றும் கேமிங் ஆப்ஸ்களை தடையின்றி பயன்படுத்தலாம். குறிப்பாக இந்த போனுக்கு வழங்கப்பட்ட சிப்செட் ஆனது மேம்பட்ட செயல்திறன் வழங்கும்.

குறிப்பாக 6.8-இன்ச் பிளாட் ஒஎல்இடி டிஸ்பிளே வசதியைக் கொண்டுள்ளது இந்த ரெட்மி கே90 அல்ட்ரா ஸ்மார்ட்போன். மேலும் 165 ஹெர்ட்ஸ் ரெஃப்ரெஷ் ரேட், 4500 நிட்ஸ் ப்ரைட்னஸ் மற்றும் சிறந்த பாதுகாப்பு வசதியைக் கொண்டுள்ளது இந்த போனின் டிஸ்பிளே. குறிப்பாக இந்த போனின் டிஸ்பிளே சிறந்த திரை அனுபவத்தை வழங்கும்.

அதுவும் 50எம்பி மெயின் கேமரா + 8எம்பி அல்ட்ரா வைடு லென்ஸ் என்கிற டூயல் ரியர் கேமரா அமைப்புடன் இந்த ரெட்மி கே90 அல்ட்ரா ஸ்மார்ட்போன் வெளிவரும். எனவே இந்த ஸ்மார்ட்போன் உதவியுடன் அசத்தலான புகைப்படங்கள் மற்றும் வீடியோக்களை எடுக்க முடியும். மேலும் இந்த போனில் 20எம்பி செல்பி கேமரா உள்ளதாகக் கூறப்படுகிறது.

12ஜிபி ரேம் + 256ஜிபி மெமரி மற்றும் 16ஜிபி ரேம் + 512ஜிபி மெமரி என இரண்டு வேரியண்ட்களில் ரெட்மி கே90 அல்ட்ரா ஸ்மார்ட்போன் விற்பனைக்கு வரும். மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த போன். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இதில் உள்ளது.

அதேபோல் 8500mAh பேட்டரி உடன் ரெட்மி கே90 அல்ட்ரா ஸ்மார்ட்போன் அறிமுகமாகும். ஆகவே இந்த போனை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த போன் நீண்ட நேரம் பேட்டரி பேக்கப் வழங்கும். மேலும் 100W ஃபாஸ்ட் சார்ஜிங் வசதியைக் கொண்டுள்ளது இந்த அசத்தலான ஸ்மார்ட்போன். எனவே இந்த போனை விரைவாக சார்ஜ் செய்துவிட முடியும்.

இந்த ரெட்மி கே90 அல்ட்ரா ஸ்மார்ட்போனில் 5ஜி, 4ஜி வோல்ட்இ, வைஃபை 802.11 ஏசி, புளூடூத் 5.4, ஜிபிஎஸ், யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் உள்ளன. மேலும் IP68/IP69 தர டஸ்ட் மற்றும் வாட்டர் ரெசிஸ்டன்ட் (Dust & Water Resistant) கொண்டுள்ளது இந்த ரெட்மி போன். அதேபோல் அல்ட்ராசோனிக் ஃபிங்கர் பிரிண்ட் சென்சார் (in-display ultrasonic fingerprint sensor) வசதியும் இந்த போனில் உள்ளது.

மேலும் ரெட்மி கே90 அல்ட்ரா ஸ்மார்ட்போன் CNY 2,999 (இந்திய மதிப்பில் ரூ.40,000) விலையில் அறிமுகமாகும். ஆனாலும் விலைக்குத் தகுந்த அனைத்து அம்சங்களும் இந்த போனில் உள்ளது.