Redmi K40 கேமிங் எடிஷன் சீரிஸில் புதிய புரூஸ் லீ ஸ்பெஷல் எடிஷன் மாடல் அறிமுகம்.. விலை இது தானா?

ரெட்மி கே 40 கேமிங் எடிஷன் விலை

ரெட்மி கே 40 கேமிங் எடிஷன் 6 ஜிபி + 128 ஜிபி மாடலில் வழங்கப்படுகிறது. இது சிஎன்ஒய் 1,999 என்ற விலையில் அறிமுகம் செய்யப்பட்டுள்ளது. இது இந்திய மதிப்பின் படி தோராயமாக ரூ. 23,000 ஆகும். அதேபோல், இதன் 8 ஜிபி + 128 ஜிபி மாடல் சிஎன்ஒய் 2,199 என்ற விலையில் அறிமுகம் செய்யப்பட்டுள்ளது. இது தோராயமாக ரூ. 25,300 ஆகும். இதன் 8 ஜிபி + 256 ஜிபி விலை தோராயமாக ரூ .27,600, இறுதியாக 12 ஜிபி + 256 ஜிபி மாடல் தோராயமாக ரூ. 31,100 விலையில் கிடைக்கிறது.

புரூஸ் லீ ஸ்பெஷல் போன்

இந்த புதிய ரெட்மி கே 40 கேமிங் எடிஷன் ஸ்மார்ட்போன் பிளாக், சில்வர், வைட் மற்றும் புரூஸ் லீ ஸ்பெஷல் எடிஷன் ஆகிய மூன்று வண்ண விருப்பங்களில் வருகிறது. புரூஸ் லீ ஸ்பெஷல் போனின் 12 ஜிபி + 256 ஜிபி ஸ்டோரேஜ் மாடல் ஒரு ஸ்டோரேஜ் வேரியண்ட் விருப்பத்தில் மட்டுமே கிடைக்கிறது என்பது குறிப்பிடத்தக்கது. இந்த புதிய புரூஸ் லீ ஸ்பெஷல் ரெட்மி கே 40 கேமிங் போன் சிஎன்ஒய் 2,799 விலையில் அறிமுகம் செய்யப்பட்டுள்ளது. இது இந்திய மதிப்பின் படி தோராயமாக ரூ. 32,300 ஆகும்.

ரெட்மி கே 40 கேமிங் போனின் முன்பதிவு

ரெட்மி கே 40 கேமிங் பதிப்பிற்கான முன்பதிவு இன்று ஏப்ரல் 30 முதல் விற்பனைக்குத் தொடங்கும். இப்போது வரை, ரெட்மி கே 40 கேமிங் பதிப்பிற்கான சர்வதேச கிடைக்கும் தன்மை குறித்து எந்த தகவலும் வெளியிடப்படவில்லை. ரெட்மி கே 40 கேமிங் எடிஷன் ஸ்மார்ட்போன் பற்றிய சிறப்பம்ச விபரங்களை இப்போது பார்க்கலாம். ரெட்மி கே 40 கேமிங் எடிஷன் ஆண்ட்ராய்டு 11 ஐ அடிப்படையாகக் கொண்ட MIUI 12.5 உடன் இயக்குகிறது.

ரெட்மி கே 40 கேமிங் எடிஷன் சிறப்பம்சம்

இது 6.67 இன்ச் ஃபுல்-எச்டி பிளஸ் உடன் கூடிய 1,080 x 2,400 பிக்சல்கள் கொண்ட ஓஎல்இடி டிஸ்பிளேவை ஆதரிக்கிறது. இது HDR10 பிளஸ், 120 ஹெர்ட்ஸ் புதுப்பிப்பு வீதத்தையும், 480 ஹெர்ட்ஸ் டச் சாம்பிளிங் விகிதத்தையும் கொண்டுள்ளது. இந்த ஸ்மார்ட்போன் மீடியாடெக் டைமன்சிட்டி 1200 சிப்செட் மூலம் இயக்கப்படுகிறது. இது 12 ஜிபி வரை எல்பிடிடிஆர் 4 எக்ஸ் ரேம் மற்றும் 256 ஜிபி வரை யுஎஃப்எஸ் 3.1 ஸ்டோரேஜ் அம்சத்துடன் அறிமுகம் செய்யப்பட்டுள்ளது.

ரெட்மி கே 40 கேமிங் எடிஷன் ஸ்மார்ட்போன் கேமரா

ரெட்மி கே 40 கேமிங் எடிஷன் ஸ்மார்ட்போன் மூன்று பின்புற கேமரா அமைப்பைக் கொண்டுள்ளது. இதில் 64 மெகாபிக்சல் முதன்மை சென்சார், 8 மெகாபிக்சல் சென்சார் அல்ட்ரா-வைட்-ஆங்கிள் லென்ஸ், 2 மெகாபிக்சல் டெப்த் சென்சாரும் கொடுக்கப்பட்டுள்ளது. முன்பக்கத்தில், 16 மெகாபிக்சல் செல்பி ஷூட்டர் மையமாக அமைந்துள்ள பஞ்ச் ஹோல் கட்அவுட் வடிவமைப்பில் கேமரா வைக்கப்பட்டுள்ளது.

இணைப்பு விருப்பங்கள் மற்றும் பேட்டரி விபரம்

இணைப்பு விருப்பங்களைப் பொறுத்த வரையில், இந்த சாதனம் வைஃபை, 5 ஜி, ஜி.பி.எஸ், என்.எஃப்.சி மற்றும் சார்ஜ் செய்வதற்கான யூ.எஸ்.பி டைப்-சி போர்ட் ஆகியவை அடங்கும். பக்கவாட்டில் பொருத்தப்பட்ட கைரேகை ஸ்கேனரும் உள்ளது. இது 67W பாஸ்ட் கேமிங் சார்ஜ் ஆதரவுடன் ஒரு 5065 mAh பேட்டரி உடன் வருகிறது. ரெட்மி கே 40 கேமிங் எடிஷன் IP53 டஸ்ட் மற்றும் வாட்டர் ரெசிஸ்டன்ஸ் சான்றிதழுடன் வருகிறது. ரெட்மி கே 40 கேமிங் எடிஷன் லிக்விட் கூல் தொழில்நுட்பத்தை வெள்ளை கிராபெனுடன் கொண்டுள்ளது.