Redmi 9 Power இப்போது 6ஜிபி + 128ஜிபி ஸ்டோரேஜ் இல் கிடைக்கிறது.. விலை இவ்வளவு தானா?

Published: Monday, February 22, 2021, 14:04 [IST]

சியோமி இந்தியாவின் துணை பிராண்டான ரெட்மி இந்தியா, தற்போது புதிய ரெட்மி 9 பவர் என்ற ஸ்மார்ட்போன் மாடலை 6ஜிபி ரேம் மற்றும் 128 ஜிபி ஸ்டோரேஜ் வேரியண்ட் மாடலுடன் இன்று அறிமுகம் செய்துள்ளது. இந்த புதிய ஸ்மார்ட்போன் பற்றிய கூடுதல் விபரங்களை இந்த பதிவில் பார்க்கலாம்.

ரெட்மி 9 பவர் ஸ்மார்ட்போன் மைட்டி பிளாக், பிளேஸிங் ப்ளூ, ஃபியரி ரெட் மற்றும் எலக்ட்ரிக் கிரீன் ஆகிய நான்கு வண்ண வகைகளில் வெறும் ரூ .12,999 என்ற விலையில் கிடைக்கிறது. இது பிப்ரவரி 22, 2021 அன்று நண்பகல் 12:00 மணி முதல் Mi.com, அமேசான் இந்தியா, மி ஹோம்ஸ் மற்றும் மி ஸ்டுடியோஸ் மூலம் வாங்குவதற்குக் கிடைக்கும் என்று நிறுவனம் கூறியுள்ளது. இது விரைவில் 10,000+ சில்லறை கடைகளிலும் கிடைக்கும் என்று கூறப்பட்டுள்ளது.

புதிய ரெட்மி 9 பவர் முன்னதாக இந்தியாவில் கடந்த ஆண்டு டிசம்பரில் இரண்டு வகைகளில் அறிமுகப்படுத்தப்பட்டது. அப்போது, ரெட்மி 9 பவர் ஸ்மார்ட்போனின் 4 ஜிபி ரேம் மற்றும் 64 ஜிபி ஸ்டோரேஜ் வேரியண்ட் மாடலின் விலை ரூ .10,999 முதல் தொடங்குகிறது. அதேபோல், ரெட்மி நிறுவனத்தின் ரெட்மி 9 பவர் ஸ்மார்ட்போனின் 128 ஜிபி ஸ்டோரேஜ் வேரியண்ட் மாடல் ரூ.11,999 க்கு வாங்க கிடக்கிறது.