ஏற்கனவே பட்ஜெட் ஸ்மார்ட்போன்களை களமிறக்கி இந்திய ஸ்மார்ட்போன் சந்தையை வெளிப்படையாக ஆளும் சியோமி நிறுவனமானது மென்மேலும் அதன் ஆளுமையை விரிவுபடுத்தும் நோக்கத்தில் அதன் 2018-ஆம் ஆண்டிற்கான சூப்பர் பட்ஜெட் ஸ்மார்ட்போனை இந்தியாவில் வருகிற பிப்ரவரி 14 அன்று அறிமுகம் செய்யவுள்ளது.
நிறுவனத்தின் அடுத்த சூப்பர் பட்ஜெட் ஸ்மார்ட்போன் மற்றும் இந்தியாவின் அடுத்த பெஸ்ட் செல்லிங் ஸ்மார்ட்போன் சியோமி ரெட்மீ 5 தான் என்று கூறியதுமே நம்பும் உங்களால் அதன் அம்சங்களையும், விலை நிர்ணயத்தையும் கூறினால் நம்ப முடியுமா என்பது சந்தேகமே.!
ஒரு பெரிய '5' லோகோ
2018 ஆம் ஆண்டுக்கான இந்தியாவின் முதல் உற்பத்தியை அறிமுகப்படுத்துவதற்காக சியோமி நிறுவனம் ரெட்மீ 5 வெளியீடு சார்ந்த செய்தி ஊடக அழைப்பிதழ்களை அனுப்பியுள்ளது. இந்த அழைப்பில் ஒரு பெரிய '5' லோகோ இடம்பெற்றுள்ளது. அது சியோமியின் சமீபத்திய பட்ஜெட் ஸ்மார்ட்போன் ரெட்மீ 5 இந்தியாவில் வெளியிடப்படும் என்பதை வெளிப்படுத்துகிறது.
மூன்று மாறுபாடுகள்
எதிர்வரும் சியோமி ரெட்மீ 5 ஸ்மார்ட்போனின் 2ஜிபி ரேம் / 16ஜிபி சேமிப்பு, 3ஜிபி ரேம் / 32ஜிபி சேமிப்பு, மற்றும் 4 ஜிபிரேம் / 32ஜிபி சேமிப்பு ஆகிய மூன்று மாறுபாடுகளும் இந்தியாவில் விற்கப்படும். மறுகையில் உள்ள ரெட்மீ 5 ப்ளஸ் இந்நிகழ்வில் வெளியாகுமா என்பது பற்றிய வார்த்தைகள் இல்லை.
நிற வகைகள்
வருகிற பிப்ரவரி 14-ஆம் தேதி இந்தியாவில் அறிமுகமாகும் ரெட்மீ 5 ஆனது கடந்த டிசம்பரில் - கருப்பு, தங்கம், லைட் ப்ளூ மற்றும் ரோஸ் கோல்ட் ஆகிய நிற வகைகளில் சீனாவில் அறிமுகப்படுத்தப்பட்டது.
ரெட்மீ 5 மற்றும் ரெட்மீ 5 ப்ளஸ் அம்சங்கள்
ரெட்மீ 5 மற்றும் ரெட்மீ 5 ப்ளஸ்ஆகிய இரு கருவிகளும் டூயல் சிம் (நானோ) ஸ்மார்ட்போன்கள் ஆகும். மேலும் அவைகள் ஆண்ட்ராய்டு நௌவ்கட் உடனாக மியூஐ 9 கொண்டு இயங்குகின்றன.
திரை விகிதம் மற்றும் டிஸ்பிளே
ரெட்மீ 5 ஆனது 5.7 அங்குல எச்டி ப்ளஸ் (720x1440 பிக்சல்கள்) டிஸ்பிளேவை கொண்டுருக்க, அதே நேரத்தில் பெரிய மாறுபாடான ரெட்மீ 5 ப்ளஸ் ஆனது 5.99 அங்குல முழு எச்டி ப்ளஸ் (1080x2160 பிக்சல்கள்) மற்றும் ஒரு 18: 9 என்கிற திரை விகிதம் கொண்ட டிஸ்பிளேவை கொண்டுள்ளது.
ரெட்மீ 5 மெமரி
ரெட்மீ 5 ஆனது முன்னணி க்வால்காம் ஸ்னாப்டிராகன் 450 எஸ்ஓசி மூலம் இயக்கப்படுகிறது முன்னர் கூறியபடி, 2ஜிபி/ 3ஜிபி மற்றும் 4ஜிபி ரேம் கொண்டு முறையே 16ஜிபி / 32ஜிபி ஆகிய உள்ளடக்கிய சேமிப்பு கொண்டுள்ளது.
ரெட்மீ 5 ப்ளஸ்
மறுகையில் உள்ள ரெட்மீ 5 ப்ளஸ் ஆனது ஒரு ஸ்னாப்டிராகன் 625 எஸ்ஓசி மூலம் இயக்கப்படுகிறது. இது 3ஜிபி மற்றும் 4ஜிபி ரேம் மாறுபாடுகள் கீழ் முறையே 32ஜிபி மற்றும் 64ஜிபி அளவிலான உள்ளடக்கிய சேமிப்புத்திறன்கள் கொண்டுள்ளது.
கேமரா
கேமராவை பொறுத்தமட்டில் இரண்டு தொலைபேசிகளுமே, எப்/ 2.2 துளை மற்றும் பிடிஏஎப் உடனான 12 மெகாபிக்சல் பின்புற சென்சார் மற்றும் மென்மையான பிளாஷ் கொண்ட ஒரு 5 மெகாபிக்சல் செல்பீ கேமராவும் கொண்டுள்ளது.
கைரேகை சென்சார்
இரு கருவிகளுமே பின்புறம்-ஏற்றப்பட்ட கைரேகை சென்சார் கொண்டுள்ளது மற்றும் இணைப்பு விருப்பங்களை பொறுத்தமட்டில் 4ஜி வோல்ட், வைஃபை, ப்ளூடூத் 4.2, ஜிபிஎஸ், 3.5மிமீ ஹெட்ஜாக் மற்றும் மைக்ரோ-யுஎஸ்பி ஆகியவைகளை கொண்டுள்ளது.
பேட்டரி
மேலும் இந்த தொலைபேசிகளானது ஆம்பியண்ட் லைட் சென்சார், பராக்ஸிமிட்டி சென்சார், ஜியோர்ஸ்கோப், மற்றும் அக்செலரோமீட்டர் ஆகியவைகளையும் கொண்டுள்ளது. ரெட்மீ 5 ஆனது ஒரு 3300எம்ஏஎச் பேட்டரி கொண்டிருக்க மறுகையில் உள்ள ரெட்மீ 5 ப்ளஸ் ஆனது 4000எம்ஏஎச் பேட்டரி கொண்டுள்ளது.
ரெட்மீ 5 விலை நிர்ணயம்
விலை நிர்ணயத்தை பொறுத்தமட்டில் இக்கருவியின் 2 ஜிபி ரேம் மாறுபாடானது ரூ.8,100/-க்கும், இதன் 3ஜிபி ரேம் மாறுபாடானது சுமார் ரூ.9,100/-க்கும் மற்றும் 4ஜிபி மாறுபாடானது சுமார் ரூ.11,200/-க்கும் இந்திய சந்தையில் விற்பனைக்கு வரலாம்.
ரெட்மீ 5 ப்ளஸ் விலை நிர்ணயம்
மறுகையில் உள்ள சியோமி ரெட்மீ 5 ப்ளஸ் ஸ்மார்ட்போனின் விலை நிர்ணயத்தை பொறுத்தமட்டில், அதன் 4ஜிபி ரேம் மாறுபாடுனது சுமார் ரூ.10,200/-க்கும், மற்றும் 4 ஜிபி ரேம் மாறுபாடானது கிட்டத்தட்ட ரூ.13,200/-க்கும் இந்திய சந்தையைஅடையலாம்.
துல்லியமான விலை விவரங்கள்
இந்த இரு கருவிகளின் கிடைக்கும்தன்மை மற்றும் துல்லியமான விலை விவரங்கள் தற்போது தெரியவில்லை, அது தொடக்க நிகழ்வில் உறுதிப்படுத்தப்படுமென எதிர்பார்க்கலாம். அது சார்ந்த அப்டேட்ஸ்களுக்கு தமிழ் கிஸ்பாட் வலைத்தளத்துடன் இணைந்திருக்கவும்.
