அக்டோபர் 1-ல் களமிறங்கும் புது ரெட்மி 5ஜி போன்! பட்ஜெட் விலை.. 50எம்பி கேமரா.. 6000mAh பேட்டரி.. எந்த மாடல்?

ரெட்மி நிறுவனம் தனது புதிய ரெட்மி 17சி 5ஜி (Redmi 17C 5G) ஸ்மார்ட்போனை இந்தியாவில் அறிமுகம் செய்ய உள்ளது. அதாவது இந்த புதிய போன் வரும் அக்டோபர் 1-ம் தேதி அறிமுகம் செய்யப்பட உள்ளது. தற்போது எக்ஸ் தளத்தில் ரெட்மி 17சி 5ஜி போனின் அறிமுக தேதியை வெளியிட்டுள்ளது ரெட்மி நிறுவனம்.

குறிப்பாக அசத்தலான வடிவமைப்பு மற்றும் மேம்பட்ட அம்சங்களுடன் வெளிவரும் இந்த ரெட்மி போன். இப்போது ஆன்லைனில் கசிந்த ரெட்மி 17சி 5ஜி ஸ்மார்ட்போனின் அம்சங்களை சற்று விரிவாகப் பார்க்கலாம்.

ரெட்மி 17சி 5ஜி அம்சங்கள் (Redmi 17C 5G Specifications): ஆக்டா கோர் மீடியாடெக் டைமன்சிட்டி 6300 (Octa Core MediaTek Dimensity 6300) சிப்செட் உடன் புதிய ரெட்மி 17சி 5ஜி ஸ்மார்ட்போன் வெளிவரும். இந்த ஸ்மார்ட்போனில் அனைத்து ஆப்களையும் தடையின்றி பயன்படுத்தலாம். அதாவது இந்த போனுக்கு வழங்கப்பட்ட சிப்செட் ஆனது மேம்பட்ட செயல்திறன் வழங்கும்.

6.9-இன்ச் எச்டி எல்சிடி டிஸ்பிளே உடன் ரெட்மி 17சி 5ஜி ஸ்மார்ட்போன் அறிமுகம் செய்யப்படும். மேலும் இந்த போனின் டிஸ்பிளேவில் 120 ஹெர்ட்ஸ் ரெஃப்ரெஷ் ரேட் (120Hz Refresh Rate), 240Hz டச் சாம்பிளிங் ரேட் (Touch Sampling Rate), 675 நிட்ஸ் பிரைட்னஸ் மற்றும் சிறந்த பாதுகாப்பு வசதி உள்ளது.

50எம்பி ரியர் கேமரா அமைப்புடன் ரெட்மி 17சி 5ஜி ஸ்மார்ட்போன் அறிமுகம் செய்யப்படும். குறிப்பாக இந்த ஸ்மார்ட்போன் மூலம் துல்லியமான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 8எம்பி கேமராவும் இதில் உள்ளது. இதுதவிர பல கேமரா அம்சங்கள் இந்த போனில் உள்ளன.

4ஜிபி ரேம் மற்றும் 128ஜிபி மெமரி ஆதரவுடன் புதிய ரெட்மி 17சி 5ஜி ஸ்மார்ட்போன் வெளிவரும். மேலும் கூடுதலாக மெமரி நீட்டிப்பு ஆதரவு இந்த ஸ்மார்ட்போனில் உள்ளது. அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த போனில் உள்ளது.

ஹைப்பர்ஓஎஸ் 3 (Xiaomi HyperOS 3) மற்றும் ஆண்ட்ராய்டு 16 (Android 16 OS) இயங்குதளத்தை அடிப்படையாகக் கொண்டு இந்த புதிய ரெட்மி 17சி 5ஜி ஸ்மார்ட்போன் அறிமுகம் செய்யப்படும். குறிப்பாக இந்த ஸ்மார்ட்போன் சைடு-மவுண்டெட் ஃபிங்கர்பிரிண்ட் சென்சார் (Side-mounted Fingerprint Sensor) வசதியுடன் வெளிவரும் என்று தெரிவிக்கப்பட்டுள்ளது.

6000எம்ஏஎச் பேட்டரி உடன் ரெட்மி 17சி 5ஜி ஸ்மார்ட்போன் அறிமுகம் செய்யப்படும். எனவே இந்த ஸ்மார்ட்போனை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 33W ஃபாஸ்ட் சார்ஜிங் வசதியும் உள்ளது. பிளாக் (Black), பிரவுண் (Brown) மற்றும் பர்பிள் (Purple) ஆகிய கலர்களில் இந்த போன் வாங்க கிடைக்கும்.

3.5 மிமீ ஆடியோ ஜாக் (3.5mm audio jack), ஸ்ட்ரீயோ ஸ்பீக்கர்கள் (Stereo Speakers) உள்ளிட்ட வசதிகள் இந்த புதிய ரெட்மி 17சி 5ஜி ஸ்மார்ட்போன் அறிமுகம் செய்யப்படும். 5ஜி, 4ஜி வோல்ட்இ, வைஃபை, ஜிபிஎஸ், யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன. ஆன்லைனில் வெளியான தகவலின்படி ரூ.20,000-க்கு கீழ் இந்த புதிய ரெட்மி 5ஜி போன் விற்பனைக்கு வரும் என்று கூறப்படுகிறது.