4 மாத காத்திருப்புக்கு பிறகு விற்பனை வரும் Realme X50 pro 5G- அட்டகாச அம்சங்கள்!

ரியல்மி எக்ஸ் 50 ப்ரோ 5ஜி

ரியல்மி எக்ஸ் 50 ப்ரோ 5ஜி ஸ்மார்ட்போனானது நீண்ட காத்திருப்புக்கு பிறகு ஜூலை 13 ஆம் தேதி விற்பனைக்கு வர உள்ளது. இந்த ஸ்மார்ட்போனானது பிப்ரவரி மாதம் அறிமுகம் செய்யப்பட்டது. இந்த ஸ்மார்ட்போனுக்கான பிளாஷ் விற்பனை தொடங்கி நடத்தப்பட்டது.

நான்கு மாதங்களாக பிறகு விற்பனை

அதேபோல் இதன் விற்பனை மார்ச் மாதம் தொடங்கப்பட்டது. ஆனால் இந்த ஸ்மார்ட்போன் நான்கு மாதங்களாக கிடைக்காத நிலையில் தற்போது விற்பனைக்கு வருகிறது. ரியல்மி எக்ஸ் 50 ப்ரோ 5 ஜி ஸ்மார்ட்போனானது ஜிஎஸ்டி வீத உயர்வு காரணமாக 12 சதவீதத்திலிருந்து 18 சதவீதமாக அதிகரிக்கப்பட்டுள்ளது.

MWC 2020 நிகழ்ச்சி ரத்து

ரியல்மி நிறுவனத்தின் Realme X50 pro 5G ஸ்மார்ட் போனானது பார்சிலோனாவில் நடக்க இருந்த MWC 2020 நிகழ்ச்சியில் அறிவித்து வெளியிட திட்டமிடப்பட்டு இருந்தது. ஆனால் கொரோனா வைரஸ் பதற்றம் காரணமாக MWC 2020 இந்த ஆண்டு ரத்து செய்யப்படுவதாக அறிவிக்கப்பட்டது. இதையடுத்து இந்த நிகழ்வில் வெளியிடப்பட இருந்த Realme X50 pro 5G ஸ்மார்ட் போனானது ஆன்லைன் மூலம் உலகளவில் வெளியிடப்பட்டது.

பல்வேறு சிறப்பம்சங்களோடு அறிமுகம்

ரியல்மி நிறுவனத்தின் எக்ஸ்50 ஸ்மார்ட்போன் பல்வேறு சிறப்பம்சங்களோடு அறிமுகம் செய்யப்பட்டது. இந்த ஸ்மார்ட்போன் வாடிக்கையாளர்களிடம் பெரும் வரவேற்பு பெற்றது. இதையடுத்து ரியல்மி எக்ஸ் 50 ப்ரோ 5 ஜி ஸ்மார்ட்போன் வாடிக்கையாளர்களிம் பெரும் வரவேற்பு கிடைக்கும் என எதிர்பார்க்கப்படுகிறது.

ரியல்மே எக்ஸ் 50 ப்ரோ 5 ஜி விலை, விற்பனை

இந்தியாவில் ரியல்மி எக்ஸ் 50 ப்ரோ 5 ஜி ஸ்மார்ட்போனானது மூன்று வேரியண்ட்களில் கிடைக்கிறது. இது 6 ஜிபி + 128 ஜிபி சேமிப்பு வசதியோடு கூடிய ஸ்மார்ட்போன் விலை ரூ.39,999 ஆகும். அதோடு 8ஜிபி ரேம் மற்றும் 128 ஜிபி சேமிப்பு வசதி கொண்ட இந்த ஸ்மார்ட்போன் ரூ.41,999 ஆக நிர்ணயிக்கப்பட்டுள்ளது. கூடுதலாக 12 ஜிபி + 256 ஜிபி சேமிப்பு வசதி கொண்ட இந்த ஸ்மார்ட்போன் ரூ.47,999 ஆக விற்கப்படுகிறது.

ஜூலை 13 ஆம் தேதி மதியம் 12 மணிக்கு

இந்த ஸ்மார்ட்போன் ஜூலை 13 ஆம் தேதி மதியம் 12 மணிக்கு பிளிப்கார்ட் மற்றும் ரியல்மி.காம் வழியாக கிடைக்கும். இது மோஸ் கிரீன் மற்றும் ரஸ்ட் ரெட் ஆகிய இரண்டு வண்ண விருப்பங்களில் கிடைக்கிறது.

ஆண்ட்ராய்டு 10 ஆதரவு

Realme X50 Pro 5G விவரக்குறிப்புகள்
ரியல்மி எக்ஸ் 50 ப்ரோ 5 ஜி ஆண்ட்ராய்டு 10 மூலம் இயக்கப்படுகிறது. அதோடு 6.44 இன்ச் முழு எச்டி + (1,080x2,400 பிக்சல்கள்) டிஸ்ப்ளே 90 ஹெர்ட்ஸ் புதுப்பிப்பு வீதத்தையும், கார்னிங் கொரில்லா கிளாஸ் 5 பாதுகாப்பையும் கொண்டுள்ளது. ஆக்டா கோர் குவால்காம் ஸ்னாப்டிராகன் 865 SoC, அட்ரினோ 650 ஜி.பீ.யு மற்றும் 12 ஜிபி ரேம் வரை இணைக்கப்பட்டுள்ளது.

64 மெகாபிக்சல் முதன்மை ஷூட்டர்

ரியல்மே எக்ஸ் 50 ப்ரோ 5 ஜி-ல் குவாட் ரியர் கேமரா அமைப்பு உள்ளது. இதில் 64 மெகாபிக்சல் முதன்மை ஷூட்டர் எஃப் / 1.8, 8 மெகாபிக்சல் அல்ட்ரா-வைட்-ஆங்கிள் ஷூட்டர், 12 மெகாபிக்சல் டெலிஃபோட்டோ ஷூட்டர் மற்றும் 2 மெகாபிக்சல் போர்ட்ரெய்ட் கேமரா வசதியும் கொண்டுள்ளது. ஸ்மார்ட்போனில் முன்பக்கத்தில் இரட்டை செல்ஃபி கேமரா அமைப்பு உள்ளது, இதில் 32 மெகாபிக்சல் சோனி ஐஎம்எக்ஸ் 616 முதன்மை சென்சார் எஃப் / 2.5 லென்ஸும், 8 மெகாபிக்சல் செகண்டரி சென்சார் அல்ட்ரா-வைட்-ஆங்கிள் லென்ஸும் உள்ளது.

65W சூப்பர் சார்ஜிங் ஆதரவு

ரியல்மே எக்ஸ் 50 ப்ரோ 5 ஜி 65W சூப்பர் சார்ஜிங் ஆதரவோடு 4,200 எம்ஏஎச் பேட்டரி வசதியும் உள்ளது. இணைப்பு விருப்பங்களில் 5 ஜி, 4 ஜி வோல்டிஇ, வைஃபை 6, புளூடூத் வி 5.1, யூ.எஸ்.பி டைப்-சி போர்ட் ஆகியவை அடங்கும். இதில் டிஸ்ப்ளே கைரேகை சென்சார் அம்சம் பொருத்தப்பட்டுள்ளது.