நீண்ட காலமாக எதிர்பார்க்கப்பட்ட Realme V15 5G ஸ்மார்ட்போன் ஒருவழியாக அறிமுகம்.. விலை என்ன?

Published: Thursday, January 7, 2021, 17:16 [IST]

நீண்ட காலமாக டீஸர் மற்றும் லீக்ஸ் மூலம் மட்டும் வெளியாகிக்கொண்டிருந்த ரியல்மி நிறுவனத்தின் Realme V15 5G ஸ்மார்ட்போன் பல நாட்களுக்குப் பிறகு இப்போது ஒரு வழியாக ஸ்மார்ட்போன் சந்தையில் அறிமுகம் செய்யப்பட்டுள்ளது.

5 ஜி ஆதரவு கொண்ட Realme V15 5G ஸ்மார்ட்போன்

இந்த புதிய ஸ்மார்ட்போன் முதல் கட்டமாக சீனாவில் அறிமுகப்படுத்தப்பட்டுள்ளது. அடுத்தபடியாக இந்தியா போன்ற மற்ற ஸ்மார்ட்போன் சந்தைகளிலும் அறிமுகம் செய்யப்படும் என்று எதிர்பார்க்கப்படுகிறது. புதிய ரியல்மி ஸ்மார்ட்போன் 50W ஃபாஸ்ட் சார்ஜிங், டிரிபிள் ரியர் கேமரா மற்றும் ஹோல்-பஞ்ச் நாட்ச் டிஸ்பிளே டிசைனுடன் வருகிறது. ரியல்மிவி 15 மீடியாடெக் டைமன்சிட்டி 800 யூ சிப்செட் உடன் வருகிறது. இது ஒரு 5 ஜி ஆதரவு கொண்ட ஸ்மார்ட்போன் என்பது குறிப்பிடத்தக்கது.

டேர் டு லீப் (Dare To Leap)

Realme V15 5G ஸ்மார்ட்போனை நிறுவனம் மூன்று தனித்துவமான வண்ண விருப்பங்களில் வெளியிட்டுள்ளது. அவற்றில் ஒன்று கோய் என்று அழைக்கப்படுகிறது மற்றும் நிறுவனத்தின் டேக்லைன்: 'டேர் டு லீப்' (Dare To Leap) என்ற வசனத்தையும் கொண்டுள்ளது. இந்த ரியல்மி வி 15 5 ஜி ஸ்மார்ட்போன், ஹவாய் நோவா 7 எஸ்இ 5 ஜி யூத் மற்றும் ஐக்யூ யு 3 போன்ற போன்களுடன் நேரடி போட்டியில் களமிறங்கும் என்று கூறப்பட்டுள்ளது.

ரியல்மி வி 15 5 ஜி போனின் விலை
ரியல்மி வி 15 5 ஜி ஸ்மார்ட்போனின் 6 ஜிபி ரேம் வேரியண்ட் மாடல் இந்திய மதிப்பின்படி தோராயமாக ரூ .15,900 ஆக நிர்ணயிக்கப்பட்டுள்ளது, அதே நேரத்தில் இதன் 8 ஜிபி ரேம் வேரியண்ட் மாடல் தோராயமாக ரூ .22,700 என்ற விலையில் அறிமுகம் செய்யப்பட்டுள்ளது. புதிய Realme V15 5G ஸ்மார்ட்போன் கிரசண்ட் சில்வர், கோய் மற்றும் மிரர் லேக் ப்ளூ கலர் விருப்பங்களில் வருகிறது. இதன் விற்பனை ஜனவரி 14 ஆம் தேதி திட்டமிடப்பட்டுள்ளது.