ருத்ர தாண்டவம் ஆடும் புது Realme 5ஜி போன்.. ரூ.15000 க்கு 8000mAh பேட்டரி, 45W சார்ஜிங், IP65.. எந்த மாடல்?

ரியல்மி (Realme) நிறுவனம், நாளை, ஜூன் 10 ஆம் தேதிஅன்று 8000mAh பேட்டரி + 45W பாஸ்ட் சார்ஜிங் + ஐபி65 ரேட்டிங் + 50எம்பி டூயல் கேமரா ஆகிய முக்கிய அம்சங்களை காம்பினேஷன் ஆக கொண்ட பட்ஜெட் விலை 5ஜி ஸ்மார்ட்போன் ஒன்றை, இந்திய சந்தையில் அறிமுகம் செய்கிறது. அது ரியல்மி பி4ஆர் 5ஜி (Realme P4R 5G) ஸ்மார்ட்போனாகும்.

ரியல்மி பி4ஆர் ஸ்மார்ட்போனில் என்னென்ன அம்சங்கள் உறுதி செய்யப்பட்டுள்ளன? இந்த ஸ்மார்ட்போன், டைட்டேனியம் க்ளேர் (Titanium Glare), சில்வர் க்ளேர் (Silver Glare) மற்றும் லாவெண்டர் க்ளேர் (Lavender Glare) ஆகிய 3 கலர்களில் அறிமுகம் செய்யப்படும் என்று ரியல்மி உறுதிப்படுத்தியுள்ளது.

மேலும், இந்த ரியல்மி ஸ்மார்ட்போனில் கஸ்டமைசபிள் பல்ஸ் லைட் (Customizable Pulse Light) மற்றும் ஏஐ பவர் லைட் சிஸ்டம் (AI Power Light system) இடம்பெறும். இது கேமிங், மியூசிக் மற்றும் இன்கம்மிங் அலெர்ட்களுக்கு இன்டர்ஆக்டிவ் நோட்டிபிகேஷன்களை (Interactive notifications) வழங்கும்.

ரியல்மி பி4ஆர் ஸ்மார்ட்போனின் மிகப்பெரிய சிறப்பம்சம் - அதன் பெரிய 8000mAh டைட்டேனியன் பேட்டரி ஆகும். இது ஒரே சார்ஜில் மூன்று நாட்கள் வரை பேட்டரி பயன்பாட்டை வழங்கும் என்று ரியல்மி கூறுகிறது. இந்த ஸ்மார்ட்போன் 45W ஃபாஸ்ட் சார்ஜிங்கையும் ஆதரிக்கிறது.

மேலும், இது ஏஐ அடிப்படையிலான பவர் மேனேஜ்மென்ட் அம்சங்கள் மற்றும் பேட்டரி ஹெல்த் இன்ஜின் ஆகியவற்றையும் கொண்டுள்ளது. ரியல்மி நிறுவனத்தின் கூற்றுப்படி, இந்த தொழில்நுட்பங்கள் ஏழு வருட பயன்பாட்டிற்கு பிறகும் 80 சதவீதம் வரை பேட்டரி ஆரோக்கியத்தை பராமரிக்கும் வகையில் வடிவமைக்கப்பட்டுள்ளன.

இந்த ஸ்மார்ட்போன் பைபாஸ் சார்ஜிங்கையும் ஆதரிக்கிறது. இது கேமிங் அமர்வுகளின் போது பேட்டரிக்கு அதிகப்படியான அழுத்தம் கொடுக்காமல், டிவைஸிற்கு நேரடியாக பவர் வழங்க அனுமதிக்கிறது. மேலும், ரிவர்ஸ் சார்ஜிங் ஆதரவு, மற்ற டிவைஸ்களை சார்ஜ் செய்ய, இந்த ஸ்மார்ட்போனை ஒரு பவர் பேங்காக செயல்பட வைக்கிறது.

ரியல்மி பி4ஆர் ஸ்மார்ட்போனின் கேமராக்களை பொறுத்தவரை இது 50 மெகாபிக்சல் ஏஐ தொழில்நுட்பத்தில் இயங்கும் கேமராவை கொண்டிருக்கும் என்பது உறுதி செய்யப்பட்டுள்ளது. இந்த ஸ்மார்ட்போன், முன்புற மற்றும் பின்புற கேமராக்கள் இரண்டிலும் மோஷன் போட்டோ (Motion Photo) செயல்பாட்டை ஆதரிக்கும். கடைசியாக இது மிலிட்டரி கிரேட் சர்பிட்டிபிகேட் மற்றும் ஐபி65 ரேட்டிங் உடன் வருவதும் உறுதி செய்யப்பட்டுள்ளது.

ரியல்மி பி4ஆர் ஸ்மார்ட்போன் என்ன விலைக்கு அறிமுகம் செய்யப்படலாம்? முன்னதை லீக் ஆன இந்த ஸ்மார்ட்போனின் பாக்ஸ் ப்ரைஸ் குறித்த விவரங்கள் ஆனது இது ரூ.44,999 க்கு அறிமுகம் செய்யப்படலாம் என்று கூறி பகீர் கிளப்பியது. இந்த பாக்ஸ் ப்ரைஸ் உண்மையானதாக இருக்காது என்கிற கருத்துக்களும் நிலவுகின்றன.

சிலர் இது ரூ.30,000 க்குள் என்கிற பட்ஜெட்டில் வரும் என்றும், இது ரியல்மி 16டி ஸ்மார்ட்போனின் ரீபிராண்டட் வெர்ஷன் ஆக இருக்கலாம் என்று கூறுகின்றனர். சிலர் இந்தியாவில் ரியல்மி பி4ஆர் ஸ்மார்ட்போனின் விலை ரூ.15,000 முதல் ரூ.20,000 வரை இருக்கும் என்று கூறுகின்றனர். இருப்பினும் அசல் விலை ஜூன் 10 ஆம் தேதி அன்று நடைபெறும் அதிகாரப்பூர்வ வெளியீட்டின் போது அறிவிக்கப்படும்.