மொத்த இந்தியாவும் இந்த Realme போனுக்கு வெயிட்டிங்.. 8000mAh பேட்டரி.. எந்த மாடல்? எப்போது அறிமுகம்?

ரியல்மி நிறுவனம் நேற்று புதிய ரியல்மி நியோ 8 (Realme Neo 8) ஸ்மார்ட்போனை சீனாவில் அறிமுகம் செய்துள்ளது. குறிப்பாக இந்த ஸ்மார்ட்போன் தனித்துவமான வடிவமைப்பு மற்றும் தரமான அம்சங்களுடன் வெளிவந்துள்ளது. இந்நிலையில் ரியல்மி நியோ 8 ஸ்மார்ட்போன் இந்தியாவில் எப்போது அறிமுகமாகும் என்ற தகவலும் வெளியாகி உள்ளது.

அதாவது தற்போது ஆன்லைனில் வெளியான தகவலின்படி, வரும் மார்ச் அல்லது ஏப்ரல் மாதம் இந்த புதிய ரியல்மி நியோ 8 ஸ்மார்ட்போன் இந்தியாவில் அறிமுகமாகும் என்று கூறப்படுகிறது. அதுவும் இந்த புதிய ரியல்மி ஸ்மார்ட்போன் இந்திய சந்தையில் அதிக எதிர்பார்ப்புகளை உருவாக்கியுள்ளது. மேலும் ரியல்மி நியோ 8 போனின் விலை மற்றும் அம்சங்களை இங்கே பார்க்கலாம்.

ரியல்மி நியோ 8 அம்சங்கள் (Realme Neo 8 Specifications): தரமான ஆக்டா கோர் குவால்காம் ஸ்னாப்டிராகன் 8 ஜென் 5 (Octa Core Snapdragon 8 Gen 5 ) சிப்செட் உடன் இந்த புதிய ரியல்மி நியோ 8 ஸ்மார்ட்போன் அறிமுகம் செய்யப்பட்டுள்ளது. கேமிங் பயனர்களைக் கவரும் வகையில் அட்ரினோ 840 ஜிபியு (Adreno 840 GPU) கிராபிக்ஸ் கார்டு வசதியும் இந்த அட்டகாசமான ரியல்மி ஸ்மார்ட்போனில் உள்ளது.

அதேபோல் 6.78-இன்ச் பிளாட் சாம்சங் எம்14 எல்டிபிஎஸ் ஒஎல்இடி டிஸ்பிளே உடன் இந்த புதிய ரியல்மி போன் வெளிவந்துள்ளது. மேலும் இதன் டிஸ்பிளேவில் 165 ஹெர்ட்ஸ் ரெஃப்ரெஷ் ரேட் (165Hz refresh rate), 6500 நிட்ஸ் பீக் பிரைட்னஸ், 3,800Hz இன்ஸ்டன்ட் டச் சாம்பிளிங் ரேட் (Instant Touch Sampling Rate), டிசி டிம்மிங், கிரிஸ்டல் ஆர்மர் கிளாஸ் (Crystal Armor Glass) உள்ளிட்ட பல அம்சங்கள் உள்ளன.

குறிப்பாக 50எம்பி சோனி ஐஎம்எக்ஸ்896 மெயின் கேமரா + 8எம்பி அல்ட்ரா வைடு கேமரா + 50எம்பி டெலிபோட்டோ லென்ஸ் என்கிற ட்ரிபிள் ரியர் கேமரா செட்டப் கொண்டுள்ளது இந்த ரியல்மி போன். அதுவும் இந்த ஸ்மார்ட்போனின் மூலம் 4கே வீடியோ பதிவு செய்ய முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 16எம்பி கேமராவும் இந்த போனில் உள்ளது. இதுதவிர பல கேமரா அம்சங்கள் இந்த போனில் உள்ளன.

அதுவும் 3டி அல்ட்ராசோனிக் இன் டிஸ்பிளே ஃபிங்கர்பிரிண்ட் சென்சார் (3D Ultrasonic In-display Fingerprint Sensor), இன்பிராரெட் சென்சார் (Infrared Sensor), யூ.எஸ்.பி டைப்-சி ஆடியோ (USB Type-C audio), ஸ்டீரியோ ஸ்பீக்கர்கள் (Stereo speakers), ஹை-ரெஸ் ஆடியோ (Hi-Res Audio) உள்ளிட்ட வசதிகளுடன் ரியல்மி நியோ 8 போன் வெளிவந்துள்ளது.

ரியல்மி நியோ 8 ஸ்மார்ட்போன் 8000mAh பேட்டரி உடன் வெளிவந்துள்ளது. ஆகவே இந்த போனை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த போன் இரண்டு அல்லது மூன்று நாட்கள் பேட்டரி பேக்கப் வழங்கும். பின்பு இந்த பேட்டரியை சார்ஜ் செய்ய 80W ஃபாஸ்ட் சார்ஜிங் வசதியும் உள்ளது.

மேலும் IP66, IP68, மற்றும் IP69 தூசி மற்றும் நீர் எதிர்ப்பு ரேட்டிங் பெற்றுள்ளது ரியல்மி நியோ 8 மாடல். 5ஜி, டூயல் 4ஜி வோல்ட்இ, வைஃபை 802.11 பிஇ, ப்ளூடூத் 5.4, ஜிபிஎஸ், என்எப்சி, யுஎஸ்பி டைப்-சி உள்ளிட்ட பல்வேறு கனெக்டிவிட்டி ஆதரவுகள் இந்த ரியல்மி போனில் உள்ளன.

சீனாவில் ரியல்மி நியோ 8 ஸ்மார்ட்போனின் ஆரம்ப விலை 2599 yuan (இந்திய மதிப்பில் ரூ.34,180)-ஆக உள்ளது. அதேபோல் இந்த போன் இந்தியாவிலும் ரூ.35,000 பட்ஜெட்டில் அறிமுகமாகும் என்று எதிர்பார்க்கப்படுகிறது.