வாங்குனா இந்த Realme போன் வாங்கனும்.. சோனி கேமரா.. IP69 ரேட்டிங்.. 80W சார்ஜிங்.. எந்த மாடல்?

ரியல்மி நிறுவனம் இந்தியாவில் நிட்ரோ ஆரஞ்சு (Nitro Orange) நிறத்தில் ரியல்மி நார்சோ 80 ப்ரோ 5ஜி (Realme Narzo 80 Pro 5G) மாடலை இன்று அறிமுகம் செய்துள்ளது. ஏற்கனவே ஸ்பீடு சில்வர் (Speed Silver) மற்றும் ரேசிங் கிரீன் (Racing Green) நிறங்களில் இந்த போன் விற்பனைக்கு வந்தது. தற்போது புதிய நிறத்திலும் நிட்ரோ ஆரஞ்சு நிறத்திலும் இந்த போன் வாங்க கிடைக்கும். இப்போது ரியல்மி நார்சோ 80 ப்ரோ 5ஜி போனின் விலை மற்றும் அம்சங்களைப் பார்க்கலாம்.

8ஜிபி ரேம் + 128ஜிபி மெமரி கொண்ட ரியல்மி நார்சோ 80 ப்ரோ 5ஜி போனின் விலை ரூ.19,999 விலையில் வாங்க முடியும். மேலும் இதன் 8ஜிபி ரேம் + 256ஜிபி மெமரி கொண்ட வேரியண்ட் ரூ.21,499 விலையிலும், 12ஜிபி ரேம் + 256ஜிபி மெமரி கொண்ட வேரியண்ட் ரூ.23,499 விலையிலும் வாங்க கிடைக்கும் என்று தெரிவிக்கப்பட்டுள்ளது.

இந்த ரியல்மி நார்சோ 80 ப்ரோ 5ஜி ஸ்மார்ட்போன் ரியல்மி இந்திய இ-ஸ்டோர் மற்றும் அமேசான் தளத்தில் விற்பனைக்கு வருகிறது. தேர்வு செய்யப்பட்ட வங்கி கார்டுகளை பயன்படுத்தி இந்த போனை வாங்கினால் குறிப்பிட்ட தள்ளுபடியும் உள்ளது என்பது குறிப்பிடத்தக்கது.

ரியல்மி நார்சோ 80 ப்ரோ 5ஜி அமங்கள் (Realme Narzo 80 Pro 5G Specifications): 6.7 இன்ச் ஃபுல் எச்டி பிளஸ் அமோலெட் (AMOLED) டிஸ்பிளே வசதியுடன் இந்த ரியல்மி போன் வெளிவந்துள்ளது. மேலும் இதன் டிஸபிளேவில் 2392 x 1080 பிக்சல்ஸ், 4500 நிட்ஸ் பீக் பிரைட்னஸ், 120 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதி உள்ளது. குறிப்பாக இந்த போனின் டிஸ்பிளே சிறந்த திரை அனுபவத்தை வழங்கும்.

அதேபோல் மீடியாடெக் டைமன்சிட்டி 7400 (MediaTek Dimensity 7400) சிப்செட் உடன் இந்த ரியல்மி போன் அறிமுகம் செய்யப்பட்டது. குறிப்பாக இந்த சிப்செட் ஆனது மேம்பட்ட வேகம் மற்றும் செயல்திறன் வழங்கும். பின்பு ரியல்மி யுஐ 6.0 (Realme UI 6.0) சார்ந்த ஆண்ட்ராய்டு 15 (Android 15) மூலம் இந்த போன் இயங்குகிறது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும்.

50 எம்பி சோனி ஐஎம்எக்ஸ்882 (Sony IMX882) சென்சார் + 2 எம்பி மோனோகுரோம் கேமரா என்கிற டூயல் ரியர் கேமரா அமைப்புடன் இந்த ரியல்மி நார்சோ 80 ப்ரோ 5ஜி ஸ்மார்ட்போன் வெளிவந்துள்ளது. மேலும் செல்பிகளுக்கும், வீடியோகால் அழைப்புகளுக்கும் என்றே 16எம்பி கேமரா இதில் உள்ளது. குறிப்பாக 4K வீடியோ ரெக்கார்டிங் சப்போர்ட் ஆதரவு கொண்டுள்ளது இந்த போன்.

IP69 ரேட்டிங் டாப்-டயர் (IP69 Top-Tier Waterproof) வாட்டர்ப்ரூஃப் ஆதரவுடன் வெளிவந்துள்ள இந்த ரியல்மி போன். மேலும் நைட் மோட் (Night Mode), ஏஐ இமேஜ் என்ஹான்ஸ்மெண்ட் (AI Image Enhancement), ஏஐ எரைஸ் 2.0 (AI Erase 2.0)உள்ளிட்ட பல ஏஐ அம்சங்கள் இந்த ரியல்மி போனில் உள்ளன.

6000mAh பேட்டரி உடன் ரியல்மி நார்சோ 80 ப்ரோ 5ஜி ஸ்மார்ட்போன் வெளிவந்துள்ளது. எனவே இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். பின்பு இந்த பேட்டரியை சார்ஜ் செய்ய 80W சூப்பர்வூக் ஃபாஸ்ட் சார்ஜிங் வசதியும் உள்ளது. அதேபோல் MIL-STD 810H மிலிட்டரி கிரேடு சான்றிதழ் பெற்றுள்ளது இந்த ரியல்மி போன்.