Amazon தள்ளுபடி: ரூ. 15,000 விலைக்கு குறைந்த மாஸ் Realme போன்.. உடனே வாங்குங்க.. என்ன மாடல்?

ரியல்மி (Realme) நிறுவனம் அதன் புதிய ரியல்மி நர்ஸோ 70 ப்ரோ 5ஜி (Realme Narzo 70 Pro 5G) ஆனது இந்திய சந்தையில் ரூ.20,000 விலைக்கும் குறைவான ஸ்மார்ட்போன்களுக்கு இடையில் தனித்து நிற்கிறது. அதன் ஈர்க்கக்கூடிய விவரக்குறிப்புகள் மற்றும் நேர்த்தியான வடிவமைப்பு அதை சிறந்த தேர்வாக ஆக்குகிறது. Realme இப்போது இந்த சாதனத்தில் குறிப்பிடத்தக்க தள்ளுபடியை வழங்கி அசத்தியுள்ளது. இதன் ஆரம்ப விலையை ரூ 4,000 குறைத்துள்ளது.

ரியல்மி நர்ஸோ 70 ப்ரோ 5ஜி (Realme Narzo 70 Pro 5G) ஆனது 8ஜிபி ரேம் மற்றும் 128ஜிபி ஸ்டோரேஜ் உடன் முதலில் ரூ.19,999 விலையில் வந்தது. ஆனால், இப்போது வெறும் ரூ.15,999 விலைக்கு வாங்க கிடைக்கிறது. இந்த தள்ளுபடி அமேசான் கூப்பனின் சலுகையாக கிடைக்கிறது. இது, 8ஜிபி ரேம் மற்றும் 256ஜிபி ஸ்டோரேஜ் உடன் கூடிய மாடலுக்கு இன்னும் பெரிய தள்ளுபடி ரூ.5,000 கிடைக்கும். இதன் விலை வழக்கமான ரூ.21,999 இல் இருந்து ரூ.16,999 விலைக்கு குறைக்கப்பட்டுள்ளது.

Realme Narzo 70 Pro 5G சிறப்பம்சம்:
ரியல்மி நர்ஸோ 70 ப்ரோ 5ஜி (Realme Narzo 70 Pro 5G) சாதனம் 120 ஹெர்ட்ஸ் ரெஃப்ரஷ் ரேட் வீதத்துடன் கூடிய 6.67" இன்ச் FHD+ AMOLED டிஸ்ப்ளேவை கொண்டுள்ளது. இது மீடியாடெக் டைமென்சிட்டி 7050 (MediaTek Dimensity 7050 SoC) சிப்செட் மூலம் இயக்கப்படுகிறது. இந்த சாதனம் LPDDR4x ரேம் மற்றும் UFS 3.1 ஸ்டோரேஜ் உடன் வருகிறது. இந்த சாதனம் VC லிக்விட் கூலிங் மோட் உடன் வருகிறது.

ஆண்ட்ராய்டு 14 அடிப்படையிலான Realme UI 5.0 இல் இயங்கும். இது 67W பாஸ்ட் சார்ஜிங் உடன் 5,000mAh பேட்டரியைக் கொண்டுள்ளது. பயனர்கள் தங்கள் சாதனங்களை விரைவாக சார்ஜ் செய்துகொள்ளக்கூடிய அம்சத்தை இது இப்போது குறைந்த விலையில் வழங்குகிறது. இந்த ஸ்மார்ட்போன் ட்ரிபிள் ரியர் கேமரா அமைப்பை வழங்குகிறது.

இதில் பிரைமரி 50 MP OIS உடன் Sony IMX890 சென்சார், 8 MP அல்ட்ராவைடு லென்ஸ் மற்றும் 2 MP இன் மேக்ரோ லென்ஸ் ஆகியவை அடங்கும். முன் கேமரா செல்ஃபிகள் மற்றும் வீடியோ அழைப்புகளுக்கு 16 எம்பி செல்பி கேமராவை கொண்டிருக்கும். இதில் மைக்ரோ எஸ்டி கார்டு ஸ்லாட் மற்றும் ஹெட்ஃபோன் ஜாக் போன்ற சில அம்சங்கள் இல்லை என்பது கவனிக்கத்தக்கது. இது Dolby Atmos ஆதரவுடன் டூயல் ஸ்டீரியோ ஸ்பீக்கர்களை கொண்டுள்ளது.

Realme Narzo 70 Pro 5G விலை:
இந்த ஸ்மார்ட்போன் சாதனம் டூயல் சிம் ஆதரவு, வைஃபை 6, புளூடூத் பதிப்பு 5.2, ஜிஎன்எஸ்எஸ் மற்றும் சார்ஜிங் மற்றும் டேட்டா பரிமாற்றத்திற்கான யூஎஸ்பி டைப்-சி போன்ற பல்வேறு இணைப்பு விருப்பங்களுடன் வருகிறது. இது டூயல் சிம் செயல்பாட்டை கொண்டுள்ளது. இப்போது இந்த ஸ்மார்ட்போன் தற்போது ரூ. 15,999 விலை வரை குறைந்துள்ளது எனபது குறிப்பிடத்தக்கது. இதுவொரு அட்டகாசமான சலுகையாகும்.