அசத்தலான அம்சங்களுடன் விரைவில் களமிறங்கும் ரியல்மி ஜிடி நியோ பிளாஷ்.!

ரியல்மி நிறுவனம் தனது புதிய ரியல்மி ஜிடி நியோ பிளாஸ் ஸ்மார்ட்போன் மாடலை விரைவில் அறிமுகம் செய்ய திட்டமிட்டுள்ளது. குறிப்பாக இந்த ஸ்மார்ட்போன் மாடல் பட்ஜெட் விலையில் அசத்தலான அம்சங்களுடன் வெளிவரும் என்பது குறிப்பிடத்தக்கது.

தற்சமயம் இந்த சாதனத்தின் பல்வேறு அம்சங்கள் ஆன்லைனில் வெளிவந்துள்ளது, அதைப் பற்றி சற்று விரிவாகப் பார்ப்போம். ரியல்மி ஜிடி நியோ பிளாஸ் சாதனம் 65 வாட் பாஸ்ட் சார்ஜிங் ஆதரவைக் கொண்டு வெளிவரும் தகவல் வெளிவந்துள்ளது.

குறிப்பாக ரியல்மி ஜிடி நியோ பிளாஸ் சாதனத்தில் 6.43-இன்ச் எப்எச்டி பிளஸ் AMOLED டிஸ்பிளே,120 ஹெர்ட்ஸ் ரெஃப்ரெஷ் ரேட் வசதியும் இடம்பெற்றுள்ளது. மேலும் மீடியாடெக் Dimensity 1200 SoC சிப்செட், ஆண்ட்ராய்டு 11 இயங்குதளம், 12ஜிபி ரேம், 256ஜிபி
மெமரி உள்ளிட்ட பல்வேறு சிறப்பான அம்சங்களை கொண்டு ரியல்மி ஜிடி நியோ பிளாஸ் மாடல்.

ரியல்மி ஜிடி நியோ பிளாஸ் ஸ்மார்ட்போனின் பின்புறம் 64எம்பி பிரைமரி கேமரா உட்பட மொத்தம் மூன்று கேமராக்கள் இடம்பெறும். மேலும் 16எம்பி செல்பீ கேமரா, 4500 எம்ஏஎச் டூயல்-செல் பேட்டரி, 65 வாட் பாஸ்ட் சார்ஜிங் ஆதரவு உள்ளிட்ட பல்வேறு முக்கியமான அம்சங்களை கொண்டுள்ளது ரியல்மி ஜிடி நியோ பிளாஸ் மாடல். மேலும் இதற்கு முன்பு அறிமுகம் செய்யப்பட்ட ரியல்மி ஜிடி நியோ சாதனத்தின் சிறப்பம்சங்களைப் பார்ப்போம்.

ரியல்மி ஜிடி நியோ ஸ்மார்ட்போன் ஆனது 6.43-இன்ச் ஃபுல் எச்டி பிளஸ் AMOLED டிஸ்பிளே வடிவமைப்பைக் கொண்டுள்ளது. பின்பு 2400 x 1080 பிக்சல் தீர்மானம்,120 ஹெர்ட்ஸ் ரெஃப்ரெஷ் ரேட், 360 ஹெர்ட்ஸ் டச் சாம்ப்ளிங் ரேட், 120:9 என்ற திரைவிகிதம் உள்ளிட்ட பல்வேறு சிறப்பான அம்சங்களை கொண்டுள்ளது இந்த அட்டகாசமான ஸ்மார்ட்போன் மாடல்..

ரியல்மி ஜிடி நியோ ஸ்மார்ட்போனில் 6ஜிபி/8ஜிபி/12ஜிபி ரேம் மற்றும் 128ஜிபி/256ஜிபி உள்ளடக்க மெமரி வசதி இடம்பெற்றுள்ளது. மேலும் கூடுதலாக மெமரி நீட்டிப்பு கொண்டுள்ளது இந்த புதிய ஸ்மார்ட்போன். அதாவது நீங்கள் மெமரி கார்டை பயன்படுத்த ஒரு ஸ்லாட்
வழங்கப்படும். குறிப்பாக பேண்டஸி, சில்வர், பிளாக் நிறங்களில் வெளிவந்துள்ளது இந்த புதிய சாதனம்.

ரியல்மி ஜிடி நியோ ஸ்மார்ட்போனில் மீடியாடெக் Dimensity 1200 SoC பிராசஸர் வசதி இடம்பெற்றுள்ளது. எனவே பயன்படுத்துவதற்கு மிகவும் அருமையாக இருக்கும். மேலும் Realme UI 2.0 சார்ந்த ஆண்ட்ராய்டு 11 இயங்குதளத்தை அடிப்படையாக கொண்டு வெளிவந்துள்ளது இந்த புதிய ஸ்மார்ட்போன்.

ரியல்மி ஜிடி நியோ சாதனத்தின் பின்புறம் 64எம்பி பிரைமரி Sony IMX682 சென்சார் + 8எம்பி அல்ட்ரா வைடு ஆங்கிள் லென்ஸ் + 2எம்பி மேக்ரோ லென்ஸ் என மொத்தம் மூன்றுகேமராக்கள் பொருத்தப்பட்டுள்ளன. மேலும் வீடியோ கால் அழைப்புகளுக்கு என்றே இந்த
ஸ்மார்ட்போனில் 16எம்பி செல்பீ கேமரா ஆதரவு உள்ளது.

ரியல்மி ஜிடி நியோ சாதனத்தில் 4500 எம்ஏஎச் பேட்டரி பொருத்தப்பட்டுள்ளது. மேலும் 50 வாட் பாஸ்ட் சார்ஜிங் ஆதரைவைக் கொண்டு இந்த ஸ்மார்ட்போன் வெளிவந்துள்ளது. எனவே 16 நிமிடங்களில் 50 சதவிகிதம் சார்ஜ் செய்ய முடியும். குறிப்பாக இன்-டிஸ்பிளே கைரேகை
சென்சார் ஆதரவைக் கொண்டுள்ளது இந்த புதிய ஸ்மார்ட்போன்.

இரட்டை சிம் 5ஜி, வைஃபை 6 802.11 ax, புளூடூத் 5.1, ஜி.பி.எஸ் / க்ளோனாஸ், யூ.எஸ்.பி டைப்-சி, என்.எஃப்.சி மற்றும் 3.5 மிமீ ஆடியோ ஜாக் உள்ளிட்ட பல்வேறு இணைப்பு ஆதரவுகளை கொண்டுள்ளது ரியல்மி ஜிடி நியோ ஸ்மார்ட்போன். பின்பு டூயல் ஸ்டீரியோ ஸ்பீக்கர்கள்
மற்றும் டால்பி ஆடியோ ஆதரவைக் கொண்டுள்ளது இந்த அட்டகாசமான ஸ்மார்ட்போன் மாடல்.