ரியல்மி ஜிடி 5ஜி ஸ்மார்ட்போன் அறிமுகம்: விலை எவ்வளவு தெரியுமா?

ரியல்மி நிறுவனம் சர்வதேச சந்தையில் ரியல்மி ஜிடி 5ஜி ஸ்மார்ட்போன் மாடலை அறிமுகம் செய்துள்ளது. குறிப்பாக நேற்று ஒரு மெய்நிகர் மாநாட்டின் வழியாக உலகளவில் அறிமுகப்படுத்தப்பட்டது இந்த புதிய ஸ்மார்ட்போன் மாடல்.

8ஜிபி ரேம் மற்றும் 128ஜிபி மெமரி வசதி கொண்ட ரியல்மி ஜிடி 5ஜி ஸ்மார்ட்போனின் விலை (இந்திய மதிப்பில்) ரூ.39,900-ஆக உள்ளது. அதேபோல் 12ஜிபி ரேம் மற்றும் 256ஜிபி மெமரி கொண்ட ரியல்மி ஜிடி 5ஜி மாடலின் விலை ரூ.49,600-ஆக உள்ளது. மேலும் ரஷ்யா, ஸ்பெயின் மற்றும் தாய்லாந்து உள்ளிட்ட நாடுகளில் இந்த ஸ்மார்ட்போன் முதலில் விற்பனைக்கு வரும் என்றும், அதை தொடர்ந்து பிற நாடுகளில் விற்பனைக்கு வரும் என்று கூறப்பட்டுள்ளது

ரியல்மி ஜிடி 5ஜி ஸ்மார்ட்போன் மாடல் 6.43-இன்ச் full-HD+ AMOLED டிஸ்பிளே வடிவமைப்பைக் கொண்டுள்ளது. பின்பு 1080 x 2400 பிக்சல் தீர்மானம் மற்றும் 20:9 என்ற திரைவிகிதம், 120Hz refresh rate உட்பட பல்வேறு ஆதரவுகளை கொண்டு வெளிவந்துள்ளது இந்த புதிய ஸ்மார்ட்போன்.

இந்த ரியல்மி ஜிடி 5ஜி சாதனத்தில் ஸ்னாப்டிராகன் 888 சிப்செட் வசதி இடம்பெற்றுள்ளது. மேலும் Realme UI 2.0 சார்ந்த ஆண்ட்ராய்டு11 இயங்குதளத்தை அடிப்படையாக கொண்டு இந்த புதிய சாதனம் வெளிவந்துள்ளதால் பயன்படுத்துவதற்கு மிகவும் அருமையாக இருக்கும்.

ரியல்மி ஜிடி 5ஜி ஸ்மார்ட்போனின் பின்புறம் 64எம்பி பிரைமரி கேமரா + 8எம்பி அல்ட்ரா வைடு லென்ஸ்+ 2எம்பி மேக்ரோ சென்சார் என மொத்தம் மூன்று கேமராக்கள் பொருத்தப்பட்டுள்ளது. மேலும் 16எம்பி செல்பீ கேமரா, இன்-டிஸ்பிளே கைரேகை சென்சார் உட்பட பல்வேறு ஆதரவுகள் இவற்றுள் அடக்கம்.

இந்த புதிய ஸ்மார்ட்போனில் 4500 எம்ஏஎச் பேட்டரி பொருத்தப்பட்டுள்ளது. பின்பு 65வாட் பாஸ்ட் சார்ஜிங் ஆதரவு கொண்டுள்ளது இந்த ரியல்மி ஜிடி 5ஜி ஸ்மார்ட்போன். எனவே விரைவில் இந்த ஸ்மார்ட்போனை முழுமையாக சார்ஜ் செய்ய முடியும்.

5ஜி எஸ்ஏ/என்எஸ்ஏ, டூயல் 4ஜி வோல்ட்இ,வைஃபை 802.11 ஏசி, புளூடூத் 5.2, ஜிபிஎஸ், யுஎஸ்பி டைப்-சி போர்ட், 3.5எம்எம் ஆடியோஜாக் உள்ளிட்ட பல்வேறு இணைப்பு ஆதரவுகள் இவற்றுள் அடக்கம். மேலும் ரேசிங் மஞ்சள், டாஷிங் சில்வர் மற்றும் டாஷிங் ப்ளூபோன்ற நிறங்களில் இந்த சாதனம் வெளிவந்துள்ளது.