Realme C15 குவால்காம் எடிஷன் அறிமுகம்.. பண்டிகை கால சலுகை விலை என்ன தெரியுமா?

Published: Wednesday, October 28, 2020, 22:45 [IST]

Realme C15 ஸ்மார்ட்போன் ஒரு மாதத்திற்கு முன்பு மீடியாடெக் ஹீலியோ ஜி35 பிராசஸர் உடன் அறிமுகம் செய்யப்பட்டது. அதனைத் தொடர்ந்து தற்பொழுது ரியல்மி நிறுவனம் மீண்டும் இந்த Realme C15 ஸ்மார்ட்போன் மாடலை புதிய பிராசஸர் உடன் புதிய பெயரில் அறிமுகம் செய்துள்ளது.

ரியல்மி சி 15 குவால்காம் எடிஷன்

புதிய Realme C15 ஸ்மார்ட்போன் மாடல் ஸ்னாப்டிராகன் 460 பிராசஸர் உடன் Realme C15 குவால்காம் எடிஷன் என்ற பெயரில் அறிமுகம் செய்யப்பட்டுள்ளது. இந்த புதிய ரியல்மி சி 15 குவால்காம் எடிஷன் போனில் பிராசஸர் மட்டுமே மாற்றம் செய்யப்பட்டுள்ளது, மற்ற சிறப்பம்சங்கள் அனைத்தும் அப்படியே தான் இருக்கிறது என்று நிறுவனம் குறிப்பிட்டுள்ளது. இந்த புதிய புதிய ரியல்மி சி 15 குவால்காம் எடிஷன் போனின் விலை விபரத்தைப் பார்க்கலாம்.

பண்டிகை கால அறிமுக சலுகை

பண்டிகை கால அறிமுக சலுகையாக, புதிய ரியல்மி சி 15 குவால்காம் எடிஷன் ஸ்மார்ட்போன் அக்டோபர் 29ம் தேதி முதல் விற்பனைக்குக் கிடைக்கிறது. புதிய ரியல்மி சி 15 குவால்காம் எடிஷனின் 3 ஜிபி + 32 ஜிபி வேரியண்டின் விலை ரூ .9,499 ஆகவும், 4 ஜிபி + 64 ஜிபி வேரியண்ட் ரூ .10,499 ஆகவும் கிடைக்கும். இது அக்டோபர் 29 ஆம் தேதி மதியம் 12:00 மணி முதல் realme.com, பிளிப்கார்ட் மற்றும் சில்லரை கடைகளில் வாங்கக் கிடைக்கும்.

அசல் விலை

பண்டிகை கால சலுகை நிறைவடைந்ததும் இந்த புதிய ரியல்மி சி 15 குவால்காம் எடிஷன் ஸ்மார்ட்போன் அதன் அசல் விலையில் விற்பனை செய்யப்படும் என்று தெரிவிக்கப்பட்டுள்ளது. ரியல்மி சி 15 குவால்காம் எடிஷன் போனின் 3 ஜிபி / 32 ஜிபி வேரியண்ட் மாடலின் அசல் விலை ரூ .9,999 ஆகவும், இதன் 4 ஜிபி / 64 ஜிபி வேரியண்டின் அசல் விலை ரூ .10,999 ஆகவும் இருக்கும் என்று நிறுவனம் தெரிவித்துள்ளது.