ரியல்மி C15, ரியல்மி C12 இந்தியாவில் அறிமுகம்! விலை என்ன தெரியுமா?

Published: Wednesday, August 12, 2020, 14:24 [IST]

ரியல்மி சி15 மற்றும் ரியல்மி சி12 ஸ்மார்ட்போன்களை அறிமுகப்படுத்த ரியல்மி இந்தியா அதிகாரப்பூர்வ அழைப்புகளை தற்பொழுது வெளியிட்டுள்ளது. இந்த ஸ்மார்ட்போனின் வெளியீட்டு நிகழ்வு வரும் ஆகஸ்ட் 18ம் தேதி, பிற்பகல் 12:30 மணிக்கு ரியல்மி நிறுவனத்தின் சமூக ஊடக தளங்களில் ட்விட்டர், பேஸ்புக் மற்றும் யூடியூப் வழியாக நேரலை செய்யப்படும் என்று நிறுவனம் அறிவித்துள்ளது.

ரியல்மி சி12 மற்றும் ரியல்மி சி15

ரியல்மி சி12 பற்றிய தகவல்கள் மிகக் குறைவாகவே அறியப்பட்டாலும், சி15 சமீபத்தில் இந்தோனேசியாவில் வெளியிடப்பட்டது. ரியல்மி சி15 இன் முக்கிய சிறப்பம்சங்கள் 6,000 எம்ஏஎச் பேட்டரி, மீடியா டெக் ஹீலியோ ஜி 35 சிப்செட் மற்றும் 6.5' இன்ச் டிஸ்ப்ளே ஆகியவை அடங்கும். குவாட் ரியர் கேமரா அமைப்புடன் வெளியாகும் பிராண்டின் மற்றொரு ஸ்மார்ட்போன் சாதனம் இது.

மேலும் 6,000 எம்ஏஎச் பேட்டரியுடன் வெளிவரும் முதல் ஸ்மார்ட்போன் இதுவாகும். ரியல்மி சி15 இந்தோனேசியாவில் மூன்று வேரியண்ட் மாடலாக அறிமுகம் செய்யப்பட்டுள்ளது. இதன் 3 ஜிபி + 64 ஜிபி வேரியண்ட் தோராயமாக ரூ .10,300 விலையில் அறிமுகம் செய்யப்பட்டுள்ளது. இதன் 4 ஜிபி + 64 ஜிபி வேரியண்ட் தோராயமாக ரூ .11,300 என்ற விலையிலும், 4 ஜிபி ரேம் + 128 ஜிபி வேரியண்ட் தோராயமாக ரூ .12,800 என்ற விலையிலும் அறிமுகம் செய்யப்படும் என்று எதிர்பார்க்கப்படுகிறது.

சமீபத்தில், RMX2189 மற்றும் RMX2180 என்ற குறியீட்டுப் பெயரைக் கொண்ட இரண்டு ரியல்மி ஸ்மார்ட்போன்கள் இந்தியத் தர நிர்ணய பணியகம் (BIS) தரவுத்தளத்தில் காணப்பட்டுள்ளது. இந்த இரண்டும் குறியீட்டு எண்களும் ரியல்மி சி15 மற்றும் ரியல்மி சி12 ஸ்மார்ட்போன்களின் மாடல் எண்கள் என்று நம்பப்படுகிறது.