Realme C11: மீடியாடெக் ஹீலியோ ஜி 35 சிப்செட் உலகின் முதல் ஸ்மார்ட்போன் அறிமுகம்!

| Published: Tuesday, July 14, 2020, 15:54 [IST]

ரியல்மி நிறுவனத்தின் ரியல்மி சி 11 ஸ்மார்ட்போன் இந்தியாவில் இன்று அறிமுகம் செய்யப்பட்டுள்ளது. சமீபத்திய மீடியாடெக் ஹீலியோ ஜி 35 சிப்செட் உடன் வெளிவந்துள்ள உலகின் முதல் ஸ்மார்ட்போன் மாடல் இதுவாகும். இந்த புதிய ரியல்மி சி 11 ஸ்மார்ட்போனின் விலை மற்றும் முழு விபரத்தைத் தெரிந்துகொள்ளலாம்.

ரியல்மி நிறுவனம் தனது சமீபத்திய ஸ்மார்ட்போனான ரியல்மே சி 11 மாடலை இந்தியா சந்தையில் இன்று அறிமுகம் செய்துள்ளது. Realme C11 முதல் முறையாக மீடியாடெக் ஹீலியோ ஜி 35 சிப்செட் உடன் அறிமுகம் செய்யப்பட்டுள்ளது. மலிவு விலையில் சிறப்பான அம்சங்களுடன் ரியல்மி நிறுவனம் இந்த புதிய ஸ்மார்ட்போன் மாடலை அறிமுகம் செய்துள்ளது.

ரியல்ம் சி 11 ஸ்மார்ட்போனின், 2 ஜிபி ரேம் மற்றும் 32 ஜிபி இன்டர்னல் ஸ்டோரேஜ் வேரியண்ட் மாடலின் விலை வெறும் ரூ .7,499 என்று அறிவிக்கப்பட்டுள்ளது. இந்த புதிய ரியல்ம் சி 11 ஸ்மார்ட்போன் ரிச் கிறீன் மற்றும் ரிச் க்ரெய் என்ற வண்ண விருப்பங்களில் கிடைக்கிறது. புதிய ஸ்மார்ட்போன் பிளிப்கார்ட் மற்றும் ரியல்மி.காம் ஆகிய தளங்களில் ஜூலை 22ம் தேதி பிற்பகல் 12:00 மணி முதல் விற்பனைக்குக் கிடைக்கிறது.