108 எம்பி கேமராவுடன் வெளிவர தயாராகும் ரியல்மி 8 ஸ்மார்ட்போன்.. சுவாரசியமான டீசர் தகவல்..

ரியல்மி 8 ஸ்மார்ட்போன் பற்றிய இந்தியா டீசரை ட்விட்டரில் ரியல்மி தலைவர் மாதவ் ஷெத் பதிவிட்டுள்ளார். ரியல்மி பட்ஸ் ஏர் 2 உடன் இணைந்து நாட்டில் நார்சோ 30 ப்ரோ மற்றும் நார்சோ 30 ஏ ஸ்மார்ட்போன்களை நிறுவனம் சமீபத்தில் தான் அறிமுகம் செய்தது என்பதும் குறிப்பிடத்தக்கது. ரியல்மி 8 ஸ்மார்ட்போன் 108 எம்.பி கேமராவுடன் வெளிவரலாம் என்று கருதப்படுகிறது.

மற்றொரு புறம் டாப்-எண்ட் ரியல்மி 8 ப்ரோ ஸ்மார்ட்போனில் இந்த 108 மெகா பிக்சல் கேமரா சென்சார் பொருத்தப்பட்டிருக்கலாம் என்றும் கூறப்படுகிறது. இந்த ட்வீட்டில் ரியல்மி 8 ஐ சரியாக குறிப்பிடவில்லை, ஆனால் அதில் #InfiniteLeapWith8 என்று குறிப்பிட்டு 108 என்கிற ரகசிய படத்துடன் டீசர் 108 எம்.பி சென்சாரைக் குறிக்கிறது. அந்த ட்வீட்டில் "108 என்றால் என்ன என்று உங்களுக்குத் தெரியுமா?" என்று கேட்கப்பட்டுள்ளது.

அவரது ட்வீட்டின் படி, ரியல்மி 8 பற்றிய கூடுதல் விவரங்கள் நாளை வெளிப்படும் என்று தெரிகிறது. வரவிருக்கும் ரியல்மி 8 தொடர்களைப் பற்றி மேலும் அறிய நாளை வரை நாம் காத்திருக்க வேண்டும். அதேபோல், சமீபத்திய கீக்பெஞ்ச் பட்டியலிலும் ரியல்மி 8 சாதனம் RMX3092 என்ற மாடல் எண்ணுடன் காணப்பட்டுள்ளது.

இதில், இந்த போன் மீடியாடெக் டைமன்சிட்டி 720 ஆக்டா கோர் சிப்செட் மூலம் இயக்கப்படும் என்றும், இது 8 ஜிபி ரேம் உடன் இணைக்கப்படும் என்றும் கூறப்பட்டுள்ளது. இந்த சாதனம் ஆண்ட்ராய்டு 11 இல் இயங்கக்கூடிய ரியல்மி யுஐ 2.0 உடன் வெளிவரும். மேலும் இதில் 65W பாஸ்ட் சார்ஜிங்கை கொண்டிக்கும் என்று குறிப்பிடப்பட்டுள்ளது.