Realme 8 5G மற்றும் Realme 8 5G Pro இந்தியாவில் அறிமுகமா? என்ன சொல்றீங்க உண்மையாவ?

Published: Monday, March 29, 2021, 11:38 [IST]

Realme நிறுவனம் ரியல்மி 5G ஸ்மார்ட்போன் மாடலை இந்தியாவில் அதன் Realme 8 வரிசையின் கீழ் விரைவில் அறிமுகம் செய்யுமென்று அந்நிறுவனத்தின் தலைமை நிர்வாக அதிகாரி மாதவ் செத் உறுதிப்படத் தெரிவித்துள்ளார். Realme 8 தொடர் மார்ச் 24 இல் ஒரு வாரத்திற்கு முன்பு அறிமுகம் செய்யப்பட்டது. இப்போது, நிறுவனம் அதே மாடலில் 5G வெர்ஷன்களை உருவாக்கி வருவதாக உறுதியான தகவல் வெளியாகியுள்ளது. 5 ஜி மாடல்கள் மேம்படுத்தப்பட்ட விவரக்குறிப்புகளின் பட்டியலுடன் வரும் என்று எதிர்பார்க்கப்படுகிறது.

ரியல்மி 8 5 ஜி

ரியல்மி நிறுவனத்தின் உறுதிப்படுத்தல் தவிர, ரியல்மி 8 5 ஜி தாய்லாந்தின் என்டிபிசி வலைத்தளத்திலும் காணப்பட்டுள்ளது. இது உடனடி அறிமுகம் குறித்துச் சுட்டிக்காட்டுகிறது. ஸ்மார்ட்போன் மாடல் எண் RMX3241 என்ற மாதிரி எண்ணுடன் பட்டியலிடப்பட்டுள்ளது, இது RMX3085 மாதிரி எண்ணைக் கொண்ட 4G- இயக்கப்பட்ட ரியல்மி 8 இலிருந்து வேறுபட்டுள்ளது என்பது குறிப்பிடத்தக்கது. இந்த செய்தியின் மூலம் ரியல்மி மாறுபட்ட வேரியண்ட் மாடலை 5 ஜி தொழில்நுட்பத்துடன் அறிமுகம் செய்ய தயாராகி வருகிறது என்பது தெளிவாகத் தெரிகிறது.

புதிய 5ஜி வேரியண்ட் ஸ்மார்ட்போன்

ரியல்மி இந்தியா மற்றும் ஐரோப்பா தலைமை நிர்வாக அதிகாரி, ரியல்மி நிறுவனம் ரியல்மி 8 தொடரின் 5 ஜி வகைகளைச் சோதிக்கும் இறுதிக் கட்டத்தில் உள்ளது என்பதை உறுதிப்படுத்தியுள்ளார். இது விரைவில் சமர்ட்போன் சந்தையில் அறிமுகப்படுத்தப்படும் என்று கூறியுள்ளார். சாதனங்கள் தொடர்பான விவரங்கள், அவை எந்த செயலியில் வெளியாகும் என்பது போன்ற தகவலை அவர் வெளியிடவில்லை. இந்த புதிய 5ஜி வேரியண்ட் ஸ்மார்ட்போன் அறிமுக தேதி இன்னும் தெரியவிக்கப்படவில்லை.

Realme 8 4G ஸ்மார்ட்போனின் விவரக்குறிப்புகள்

ஆனால், இதேபோன்ற மாதிரி எண் RMX3242 ஐக் கொண்ட ஒரு ஸ்மார்ட்போன் இந்தியாவின் BIS இல் சான்றிதழைப் பெற்றுள்ளதாகக் கூறப்படுகிறது, இது புதிய மாடலை பரிந்துரைக்கிறது விரைவில் நாட்டில் அறிமுகமாகும் என்று தெரிவிக்கப்பட்டுள்ளது. Realme 8 4G ஸ்மார்ட்போனின் விவரக்குறிப்புகள் மற்றும் அம்சங்கள் பற்றி பார்க்கலாம், இந்த ஸ்மார்ட்போன் 6.4 இன்ச் முழு எச்டி + 1080 x 2400 பிக்சல்கள் கொண்ட AMOLED டிஸ்பிளேவை கொண்டுள்ளது. இந்த ஸ்மார்ட்போன் 8GB ரேம் மற்றும் 128GB வரை ஸ்டோரேஜ்ஜை ஆதரிக்கிறது.

கேமரா அம்சம்

இது ஒரு அக்டா கோர் மீடியாடெக் ஹெலியோ G95 சிப்செட் உடன் மாலி-G76 MC4 ஜி.பீ. ஜோடியாக செயல்படுகிறது. இதில் மைக்ரோ எஸ்டி கார்டு வழியாக விரிவாக்கக்கூடிய ஸ்டோரேஜ் அம்சமும் உள்ளது. இது ஒரு குவாட் ரியர் கேமரா அமைப்பையும் கொண்டுள்ளது, இது 64 எம்.பி முதன்மை சென்சார், 8 எம்பி மோனோக்ரோம் சென்சார் உடன் அல்ட்ரா-வைட்-ஆங்கிள். முன்பக்கத்தில், இது செல்ஃபிக்காக 16MP சென்சார் கொண்டுள்ளது. இது கூகிளின் ஆண்ட்ராய்டு 11 இயங்குதளத்துடன் நிறுவனத்தின் சொந்த ரியல்மி யுஐ 2.0 ஸ்கின் உடன் இயங்குகிறது.

5000 எம்ஏஎச் பேட்டரி

இந்த ஸ்மார்ட்போன் 5000 எம்ஏஎச் பேட்டரி மூலம் ஆதரிக்கப்படுகின்றது, 30W டார்ட் சார்ஜ் தொழில்நுட்பத்திற்கான ஆதரவுடன் வருகிறது. இந்த விவரக்குறிப்புகள் அனைத்தும் ரியல்மி 8 இல் ரூ. 14,999 விலையில் நிரம்பியுள்ளன. ரியல்மே 8 ப்ரோ இதேபோன்ற சிறப்பம்சத்தைக் கொண்டுள்ளது, ஆனால் ஸ்னாப்டிராகன் 720 ஜி சிப்செட், 50W ஃபாஸ்ட் சார்ஜ் ஆதரவுடன் 4500 எம்ஏஎச் பேட்டரி மற்றும் பின்புறத்தில் 108 எம்.பி முதன்மை சென்சார் கேமராவை கொண்டுள்ளது.