எதிர்பார்த்ததை விட குறைவான விலையில் வெளியாகும் "ஐபோன் வில்லன்".!

மொத்தம் மூன்று சேமிப்பு மறுபாடுகளில் வெளியாகும்.!

ஏற்கனவே இந்த ஸ்மார்ட்போன் மிகவும் சக்திவாய்ந்த ஸ்னாப்டிராகன் 845 எஸ்ஓசி கொண்டு இயங்குகிறது என்பது உறுதி செய்யப்பட்டுள்ளது. தற்போது ஒன்ப்ளஸ் 6-ன் மூன்று சேமிப்பு மடல்கள் சார்ந்த விவரங்கள் வெளியாகியுள்ளது. ஒன்ப்ளஸ் நிறுவனத்திடம் இருந்து மொத்தம் மூன்று சேமிப்பு மறுபாடுகளில் வெளியாகும் முதல் ஸ்மார்ட்போன் - ஒன்ப்ளஸ் 6 தான் என்பதும் குறிப்பிடத்தக்கது.

6ஜிபி மற்றும் 8ஜிபி ரேம்

வெளியான தகவலின்படி, ஒன்ப்ளஸ் 6 ஆனது 6ஜிபி மற்றும் 8ஜிபி ரேம் உடனான 64 ஜிபி / 128 ஜிபி / 256 ஜிபி அளவிலான உள்ளடக்க சேமிப்பு மாடல்களில் வெளியாகும். ஆண்ட்ராய்டு ஓரியோ அடிப்படையிலான ஆக்ஸிஜென்ஸ் 5.1 கொண்டு இயங்கும்.

டிஸ்பிளே

ஒரு 6.2 இன்ச் புல் எச்டி ப்ளஸ் (2160x1080 பிக்ஸல்கள்; 19: 9 என்கிற அளவிலான திரை விகிதம்) டிஸ்பிளே கொண்டிருக்கும். அதாவது சமீபத்தில் வெளியான ஆப்பிள் ஐபோன் எக்ஸ் போன்ற டிஸ்பிளேவை கொண்டிருக்கும்.

20எம்பி செல்பீ கேமரா

பின்புறத்தில், ஒரு கைரேகை சென்சார் உடனான எப்1.7 துளை கொண்ட 16எம்பி + 20எம்பி என்கிற டூயல் கேமரா அமைப்பை கொண்டுள்ளது. முன்பக்கத்தில், 20எம்பி செல்பீ கேமராவும் அதில் பேஸ் அன்லாக் அம்சமும் கொண்டுள்ளது.

3450 எம்ஏஎச் பேட்டரி

வயர்லெஸ் சார்ஜிங் அம்சம் கொண்டு வரலாம் என்று எதிர்பார்க்கப்படும் ஒன்ப்ளஸ் 6 ஆனது ஒரு 3450 எம்ஏஎச் பேட்டரி மூலம் சக்தியூட்டப்படும். இதன் டாஷ் சார்ஜ் திறன் ஆனது 30 நிமிடங்களில் 50% வரை சார்ஜ் நிகழ்த்தும் என்பது குறிப்பிடத்தக்கது.

ஆப்பிள் ஐபோன் எக்ஸ் சரியும்

விலை நிர்ணயத்தை பொறுத்தவரை, இதன் 64 ஜிபி, 128 ஜிபி மற்றும் 256 ஜிபி ஆகிய மூன்று சேமிப்பு மாடல்களும் முறையே ரூ.34,132/-க்கும், ரூ.39,305/-க்கும் மற்றும் ரூ.45,510/-க்கும் வெளியாகும். இந்த விலை நிர்ணயம் உண்மையானால், வெளியான உடனேயே ஆப்பிள் ஐபோன் எக்ஸ் மற்றும் கேலக்ஸி எஸ்9, எஸ்9 ப்ளஸ் போன்ற ஸ்மார்ட்போன்களின் சந்தையை சரிக்கும் என்பது மிக உறுதி.