அப்புறம் என்ன நம்பி வாங்கலாம்: இந்தியாவில் தயாரிக்கப்படுகிறது புதிய Nothing போன்.!

லண்டனை சேர்ந்த நிறுவனமான நத்திங் தொடர்ந்து அசத்தலான சாதனங்களை அறிமுகம் செய்து வருகிறது. இந்நிறுவனம் ஏற்கனவே அறிமுகம் செய்த நத்திங் போன் 1 மாடலுக்கு இந்தியாவில் நல்ல வரவேற்பு இருந்தது. இந்நிலையில் நத்திங் போன் 2 மாடலை விரைவில் அறிமுகம் செய்ய இருக்கிறது இந்நிறுவனம்.

அதாவது வரும் மாதங்களில் இந்த நத்திங் போன் 2 மாடல் இந்தியாவில் அறிமுகம் செய்யப்படும் என்று தகவல் தெரிவிக்கப்பட்டுள்ளது. அதேபோல் இந்த புதிய நத்திங் போன் 2 மாடல் ஆனது இந்தியாவில் தயாரிக்கப்படுகிறது என அந்நிறுவனம் தகவல் தெரிவித்துள்ளது. 3மடங்கு அதிக மறுசுழற்சி செய்யப்பட்ட அல்லது பயோ-அடிப்படையிலான பாகங்கள் கொண்டு இந்த நத்திங் போன் 2 உருவாக்கப்பட உள்ளது. குறிப்பாக இந்தியாவில் இந்த போன் அதிக எதிர்பார்ப்புகளை உருவாக்கியுள்ளது.

மேலும் ஆன்லைனில் வெளியான இந்த நத்திங் போன் 2 மாடலின் அம்சங்களை சற்று விரிவாகப் பார்ப்போம்.6.7-இன்ச் ஃபுல் எச்டி பிளஸ் AMOLED டிஸ்பிளே வடிவமைப்பைக் கொண்டுள்ளது நத்திங் போன் 2. பெரிய டிஸ்பிளே என்பதால் பயன்படுத்துவதற்கு மிகவும் அருமையாக இருக்கும். மேலும் 120 ஹெர்ட்ஸ் ரெஃப்ரெஷ் ரேட், 450 நிட்ஸ் ப்ரைட்னஸ் மற்றும் சிறந்த பாதுகாப்பு வசதியுடன் இந்த போன் வெளிவரும் என்று கூறப்படுகிறது.

இந்த நத்திங் போன் 2 (Nothing Phone (2)) மாடலில் ஸ்னாப்டிராகன் 8 பிளஸ் ஜென் 1 சிப்செட் வசதி உள்ளது. எனவே இயக்கத்திற்கு மிகவும் அருமையாக இருக்கும். மேலும் இந்த புதிய போன் சேட்டிலைட் கனெக்டிவிட்டி ஆதரவுடன் அறிமுகமாகும் என்று கூறப்படுகிறது. இதுதவிர NothingOS 1.5 சார்ந்த ஆண்ட்ராய்டு 13 இயங்குதள வசதியுடன் இந்த புதிய போன் அறிமுகமாகும்.

மேலும் இந்த நத்திங் போன் 2 மாடலுக்கு நான்கு ஆண்டுகளுக்கு செக்யூரிட்டி அப்டேட் கிடைக்கும் என்று தெரிவிக்கப்பட்டுள்ளது. எனவே இந்த ஸ்மார்ட்போனை நம்பி வாங்கலாம். பின்பு இந்த போனின் மென்பொருள் வசதி மற்றும் வடிவமைப்புக்கு அதிக கவனம் செலுத்தியுள்ளது அந்நிறுவனம். பிரத்யேக எல்இடி க்லிம்ஃப் டிசைன், சிவப்பு நிற எல்இடி இண்டிகேட்டர் உள்ளிட்ட பல அம்சங்களைக் கொண்டுள்ளது இந்த அட்டகாசமான ஸ்மார்ட்போன்.

நத்திங் போன் 2 மாடல் ஆனது 50எம்பி பிரைமரி கேமரா + அல்ட்ரா வைடு கேமரா + மேக்ரோ கேமரா என்கிற ட்ரிபிள் ரியர் கேமரா அமைப்பைக் கொண்டுள்ளது. எனவே இந்த ஸ்மார்ட்போன் தெளிவான புகைப்படங்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே தரமான கேமராவுடன் இந்த போன் வெளிவரும்.

இணையத்தில் வெளிவந்த தகவலின்படி 4700 எம்ஏஎச் பேட்டரி ஆதரவுடன் இந்த நத்திங் போன் 2 மாடல் வெளிவரும். எனவே சார்ஜ் பற்றிய கவலை இருக்காது. பின்பு பாஸ்ட் சார்ஜிங் வசதி, இன்-டிஸ்பிளே கைரேகை ஸ்கேனர் ஆதரவுடன் இந்த போன் வெளிவரும். மேலும் இந்த போன் குறைந்த எடையுடன் அறிமுகமாகும் என்பது குறிப்பிடத்தக்கது. 5ஜி, 4ஜி வோல்ட்இ, ஜிபிஎஸ், என்எப்சி, யுஎஸ்பி டைப்-சி போர்ட், ஆடியோ ஜாக் உள்ளிட்ட பல கனெக்டிவிட்டி ஆதரவுகளுடன் இந்த நத்திங் போன் 2 மாடல் வெளிவரும் என்று கூறப்படுகிறது.

8ஜிபி/12ஜிபி ரேம் மற்றும் 128ஜிபி/256ஜிபி ஸ்டோரேஜ் ஆதரவைக் கொண்டுள்ளது இந்த புத்தம் புதிய நத்திங் போன் 2 மாடல். குறிப்பாக ஸ்டீரியோ ஸ்பீக்கர்களை கொண்டு இந்த புதிய நத்திங் போன் 2 மாடல் வெளிவரும் என்பது குறிப்பிடத்தக்கது. குறிப்பாக இந்த போன் சிறந்த ஆடியோ அனுபவத்தை வழங்கும். அதேபோல் நத்திங் போன் 2 மாடல் ரூ.4000-க்கு கீழ் அறிமுகமாகும் என்று கூறப்படுகிறது.