அடுத்தடுத்து 5ஜி போன்களை இறக்கிவிட்டு அதிரடி காட்டும் போக்கோ: வருகிறது புதிய 5G போன்.!

போக்கோ நிறுவனம் சமீபத்தில் தான் போக்கோ எக்ஸ்5 5ஜி மற்றும் போக்கோ எக்ஸ்5 ப்ரோ ஸ்மார்ட்போன்களை சர்வதேச சந்தையில் அறிமுகம் செய்தது.
இந்நிலையில் போக்கோ நிறுவனம் புதிய போக்கோ எக்ஸ்5 ஜிடி எனும் ஸ்மார்ட்போன் மாடலை கூட அறிமுகம் செய்ய உள்ளது.

அதாவது தற்போது வெளிவந்த தகவலின்படி, போக்கோ எக்ஸ்5 ஜிடி ஸ்மார்ட்போனின் மாடல் நம்பர் 23049PCD8G என்று தெரிவிக்கப்பட்டுள்ளது. மேலும் இந்த புதிய போன் சர்வதேச சந்தையில் மிட் ரேன்ஜ் பிரிவில் அறிமுகம் செய்யப்பட உள்ளதாகத் தெரிவிக்கப்பட்டுள்ளது. IMDA வலைத்தளத்தில் போக்கோ எக்ஸ்5 ஜிடி ஸ்மார்ட்போனின் அம்சங்கள் வெளிவந்துள்ளன. இப்போது அதைப் பற்றி சற்று விரிவாகப் பார்ப்போம்.

பெரிய டிஸ்பிளே

போக்கோ எக்ஸ்5 ஜிடி ஸ்மார்ட்போன் ஆனது 6.67-இன்ச் ஃபுல் எச்டி பிளஸ் OLED டிஸ்பிளே வசதியைக் கொண்டு வெளிவரும். பின்பு 120 ஹெர்ட்ஸ் ரெஃப்ரெஷ் ரேட், 450 நிட்ஸ் ப்ரைட்னஸ், 240 ஹெர்ட்ஸ் டச் சாம்ப்ளிங் ரேட் மற்றும் சிறந்த பாதுகாப்பு வசதியை அடிப்படையாக கொண்டு இந்த புதிய போன் அறிமுகமாகும். குறிப்பாக போக்கோ எக்ஸ்5 5ஜி மற்றும் போக்கோ எக்ஸ்5 ப்ரோ மாடல்களை விட தனித்துவமான வடிவமைப்பைக் கொண்டுள்ளது இந்த போக்கோ எக்ஸ்5 ஜிடி ஸ்மார்ட்போன்.

விரைவில் அறிமுகமாகும் போக்கோ எக்ஸ்5 ஜிடி ஸ்மார்ட்போன் ஆனது சக்திவாய்ந்த ஸ்னாப்டிராகன் 7 ஜென் 2 பிராசஸர் வசதியைக் கொண்டுள்ளது.
எனவே இந்த ஸ்மார்ட்போனை இயக்குவதற்கு மிகவும் அருமையாக இருக்கும். பின்பு சிப்செட் சிறந்த செயல்திறன் வழங்கும் என்பத குறிப்பிடத்தக்கது. அதேபோல் ஆண்ட்ராய்டு 13 இயங்குதள வசதியுடன் இந்த போன் அறிமுகமாகும்.

அட்டகாசமான கேமரா

குறிப்பாக போக்கோ எக்ஸ்5 ஜிடி ஸ்மார்ட்போன் 50எம்பி பிரைமரி கேமரா+ 8எம்பி அல்ட்ரா வைடு கேமரா + 2எம்பி மேக்ரோ என்கிற ட்ரிபிள் ரியர் கேமரா
அமைப்பைக் கொண்டுள்ளது. எனவே இந்த போன் உதவியுடன் தரமான புகைப்படங்கள் மற்றும் வீடியோக்களை எடுக்க முடியும். மேலும் செல்பிகளுக்கும்,
வீடியோகால் அழைப்புகளுக்கும் என்றே 16எம்பி செல்பி கேமராவைக் கொண்டுள்ளது இந்த போக்கோ போன். பின்பு எல்இடி பிளாஷ் மற்றும் பல
கேமரா அம்சங்களுடன் இந்த போன் அறிமுகமாகும்.

8ஜிபி/12ஜிபி ரேம் மற்றும் 128ஜிபி/256ஜிபி ஸ்டோரேஜ் வசதியைக் கொண்டுள்ளது இந்த போக்கோ எக்ஸ்5 ஜிடி ஸ்மார்ட்போன். பின்பு கூடுதலாக மெமரி நீட்டிப்பு ஆதரவு கொண்டுள்ளது இந்த போக்கோ சாதனம். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவைக் கொண்டு இந்த போன் வெளிவரும்.

பாஸ்ட் சார்ஜிங் வசதி?

போக்கோ எக்ஸ்5 ஜிடி ஸ்மார்ட்போன் 5500 எம்ஏஎச் பேட்டரி வசதியைக் கொண்டுள்ளது. எனவே சார்ஜ் பற்றிய கவலை இருக்காது. நீண்ட நேரம் பேட்டரி
பேக்கப் கிடைக்கும். பின்பு 67 வாட்ஸ் பாஸ்ட் சார்ஜிங் வசதி, கைரேகை ஸ்கேனர் உள்ளிட்ட பல சிறப்பு அம்சங்களைக் கொண்டுள்ளது இந்த போக்கோ எக்ஸ்5 ஜிடி ஸ்மார்ட்போன்.

5ஜி, வைஃபை, புளூடூத், என்எப்சி, 3.5எம்எம் ஆடியோ ஜாக் உள்ளிட்ட பல கனெக்டிவிட்டி ஆதரவுகளுடன் இந்த போக்கோ எக்ஸ்5 ஜிடி ஸ்மார்ட்போன்
அறிமுகமாகும் என்று தெரிவிக்கப்பட்டுள்ளது. குறிப்பாக இந்த போன் பட்ஜெட் விலையில் அறிமுகமாகும் என்று கூறப்படுகிறது. அதேபோல் இந்தியச் சந்தையில் அதிக எதிர்பார்ப்புகளை உருவாக்கியுள்ளது இந்த போக்கோ எக்ஸ்5 ஜிடி ஸ்மார்ட்போன்.