அவசரப்பட்டு எந்த போனும் வாங்காதீங்க.. ஆகஸ்ட் 4-ல் களமிறங்கும் புது போக்கோ 5ஜி போன்.. எந்த மாடல்?

போக்கோ எம்8 பவர் 5ஜி ஸ்மர்ட்போன் வரும் ஆகஸ்ட் 4-ம் தேதி இந்தியாவில் அறிமுகம் செய்யப்படும். இந்நிலையில் இந்த போக்கோ போனின் படங்கள் விவரக்குறிப்புகள் மற்றும் விலை குறித்த வெளியாகி உள்ளன. இது குறித்த விரிவான தகவல்களைப் பார்க்கலாம்.

டூயல் ரியர் கேமரா அமைப்பைக் கொண்டுள்ளது போக்கோ எம்8 பவர் 5ஜி ஸ்மர்ட்போன். மேலும் பன்ச் ஹோல் டிஸ்பிளே (Punch Hole Display) டிஸ்பிளே வசதியும் இந்த போக்கோ ஸ்மார்ட்போனில் உள்ளது. மின்ட் கிரீன், பிளாக் மற்றும் ஆரஞ்சு நிறங்களில் இந்த புதிய போக்கோ எம்8 பவர் 5ஜி போக்கோ போன் வெளியாகும்.

போக்கோ எம்8 பவர் 5ஜி அம்சங்கள் (Poco M8 Power 5G specifications): ஸ்னாப்டிராகன் 4 ஜென் 4 சிப்செட் (Snapdragon 4 Gen 4 chipset) உடன் போக்கோ எம்8 பவர் 5ஜி போன் அறிமுகம் செய்யப்படும். இந்த சிப்செட் மேம்பட்ட வேகம் மற்றும் செயல்திறன் வழங்கும். அதுவும் கேமிங் ஆப்களை இந்த போனில் தடையின்றி பயன்படுத்த முடியும்.

7-இன்ச் AMOLED டிஸ்பிளே உடன் புதிய போக்கோ எம்8 பவர் 5ஜி ஸ்மார்ட்போன் அறிமுகம் செய்யப்படும். மேலும் இதன் டிஸ்பிளேவில் 120 ஹெர்ட்ஸ் ரெஃப்ரெஷ் ரேட் (120Hz Refresh Rate), 1200 நிட்ஸ் பீக் பிரைட்னஸ் மற்றும் சிறந்த பாதுகாப்பு வசதி உள்ளது. மற்ற போன்களை விட பெரிய டிஸ்பிளே உடன் இந்த போன் வெளிவரும் என்பதால் பயன்படுத்துவதற்கு மிகவும் அருமையாக இருக்கும்.

HyperOS 3 சார்ந்த ஆண்ட்ராய்டு 16 (Android 16) இயங்குதளத்தை அடிப்படையாகக் கொண்டு போக்கோ எம்8 பவர் 5ஜி ஸ்மார்ட்போன் அறிமுகம் செய்யப்படும். ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். குறிப்பாக இந்த ஸ்மார்ட்போனின் வடிவமைப்பு மிகவும் அருமையாக உள்ளது.

8ஜிபி வரை ரேம் மற்றும் 256ஜிபி வரை மெமரி ஆதரவுடன் இந்த போன் வெளிவரும் என்று கூறப்படுகிறது. மேலும் கூடுதலாக மெமரி நீட்டிப்பு ஆதரவு இந்த ஸ்மாார்ட்போனில் இருக்கும். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த போனில் உள்ளது.

50எம்பி ரியர் கேமரா உடன் போக்கோ எம்8 பவர் 5ஜி ஸ்மார்ட்போன் விற்பனைக்கு வரும். எனவே இந்த ஸ்மார்ட்போன் மூலம் அசத்தலான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும என்றே 8எம்பி கேமரா இடம்பெறும் என தெரிவிக்கப்பட்டுள்ளது. இதுதவிர எல்இடி பிளாஸ் மற்றும் பல கேமரா அம்சங்கள் இந்த போனில் உள்ளன.

8000எம்ஏஎச் பேட்டரி உடன் போக்கோ எம்8 பவர் 5ஜி ஸ்மார்ட்போன் அறிமுகம் செய்யப்படும். எனவே இந்த ஸ்மார்ட்போனை வாங்கினால் சார்ஜ் பற்றிய கவலை இருக்காது. அதாவது இந்த ஸ்மார்ட்போன் 3 நாட்களுக்கு பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 45W ஃபாஸ்ட் சார்ஜிங் வசதியும் உள்ளது. இதுதவிர ரிவர்ஸ் வயர்டு சார்ஜிங் வசதியும் உள்ளது.

இந்த புதிய போன் சைடு மவுண்டெட் ஃபிங்கர்பிரிண்ட் சென்சார் (Side mounted Fingerprint Sensor) ஆதரவுடன் வெளிவரும் என்று கூறப்படுகிறது. மேலும் இந்த ஸ்மார்ட்போனில் ஸ்டீரியோ ஸ்பீக்கர்கள் (Stereo Speakers) இருக்கும். ஆகவே இந்த ஸ்மார்ட்போன் சிறந்த ஆடியோ அனுபவத்தை வழங்கும்.

5ஜி, 4ஜி வோல்ட்இ, வைஃபை, ஜிபிஎஸ், யுஎஸ்பி டைப்-சி போர்ட் உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன. அனைத்து சிறப்பான அம்சங்களுடன் இந்த போக்கோ எம்8 பவர் 5ஜி போன் ரூ.20,000-க்கு கீழ் அறிமுகமாகும் என்று கூறப்படுகிறது.

Photo Credit: Poco, ZionsAnvin, Anvin (@ZionsAnvin)