Poco M2, Poco M2 Pro, Poco X3, Poco C3 போன்கள் மீது அதிரடி விலை குறைப்பு.. இனி புதிய விலை இதுதான்..

போக்கோ எம் 2

போகோ எம் 2 ஸ்மார்ட்போனின் அடிப்படை வேரியண்ட் 6 ஜிபி + 64 ஜிபி மாடலான போனிற்கு ரூ.1,000 விலை குறைக்கப்பட்டு இப்போது ரூ. 9,999 என்ற விலையில் விற்பனைக்கு கிடைக்கிறது. இதன் 6 ஜிபி + 128 ஜிபி வேரியண்ட்டின் மீது ரூ .1,500 விலை குறைப்பு கிடைத்துள்ளது. இப்போது இதன் விலை ரூ .10,999 என்று மாறியுள்ளது, இதன் அசல் விலை இதற்கு முன்பு ரூ .12,499 இருந்தது என்பது குறிப்பிடத்தக்கது.

போக்கோ சி 3

போக்கோ சி 3 ஸ்மார்ட்போனின் 3 ஜிபி + 32 ஜிபி வேரியண்ட் மற்றும் 4 ஜிபி + 64 ஜிபி வேரியண்ட் மாடல்களுக்கு ரூ. 500 விலை குறைப்பை நிறுவனம் அறிவித்துள்ளது. இதன்படி, போக்கோ சி 3 ஸ்மார்ட்போனின், 3 ஜிபி + 32 ஜிபி மாடல் இப்போது ரூ .7,499 என்ற விலையில் கிடைக்கிறது. அதேபோல், விலை குறைப்பிற்குப் பின்னர் இதன் 4 ஜிபி + 64 ஜிபி மாடல் இப்போது ரூ .8,499 என்ற தள்ளுபடி விலையில் கிடைக்கிறது. இதன் அசல் விலை ரூ. 8,999 ஆகும்.

போக்கோ எம் 2 ப்ரோ

போகோ எம் 2 ப்ரோ ஸ்மார்ட்போன்களுக்கு ரூ. 1,000 விலை குறைப்பு செய்யப்பட்டுள்ளது. இதன்படி, 4 ஜிபி ரேம் மற்றும் 64 ஜிபி ஸ்டோரேஜ் வேரியண்டிற்கு ரூ. 12,999 என்று விலை நிர்ணயிக்கப்பட்டுள்ளது, இதன் அசல் விலை முதலில் ரூ. 13,999-ல் இருந்தது. இதன் 6 ஜிபி + 64 ஜிபி மற்றும் 6 ஜிபி + 128 ஜிபி மாடல்களின் விலை முறையே ரூ. 13,999 மற்றும் ரூ. 15,999 என்று மாற்றப்பட்டுள்ளது. இதற்கு முன்பு இதன் விலை முறையே ரூ .14,999 மற்றும் ரூ .16,999 ஆகும்.

போக்கோ எக்ஸ் 3

போகோ எக்ஸ் 3 ஸ்மார்ட்போன் மீது நிறுவனம் ரூ. 500 விலை குறைப்பை அறிவித்துள்ளது. இதன்படி, தற்போது 6 ஜிபி ரேம் மற்றும் 128 ஜிபி ஸ்டோரேஜ் கொண்ட மாடலுக்கு ரூ. 17,999 என்ற புதிய விலை நிர்ணயம் செய்யப்பட்டுள்ளது. இதற்கு முன்பு இந்த ஸ்மார்ட்போன் ரூ. 18,499 என்ற அசல் விலையில் விற்பனை செய்யப்பட்டது என்பது குறிப்பிடத்தக்கது.