யாருக்கிட்ட மோதுறீங்க சின்னப் பசங்களா? Samsung அறிமுகம் செய்யும் பட்ஜெட் ஸ்மார்ட்போன்.!

Samsung Galaxy F14 வரும் நாட்களில் இந்தியாவில் அறிமுகம் செய்யப்படும் என தகவல் வெளியாகி இருக்கிறது. இந்த ஸ்மார்ட்போன் கேலக்ஸி எஃப் 13 இன் மேம்பட்ட பதிப்பாக இருக்கும் என எதிர்பார்க்கப்படுகிறது. இந்த ஸ்மார்ட்போன் விரைவில் அறிமுகம் செய்யப்பட இருப்பதாக கூறப்படுகிறது.

சாம்சங் நிறுவனம் கேலக்ஸி எஃப் தொடரின் கீழ் புதிய ஸ்மார்ட்போனை இந்திய சந்தைக்கு கொண்டு வர தயாராகி வருவதாக தகவல் வெளியாகி இருக்கிறது. கேலக்ஸி எஃப்13க்கு அடுத்தப்படியாக கேலக்ஸி எஃப் 14 அறிமுகமாக இருக்கிறது என்பது கவனிக்கத்தக்க ஒன்று. கேலக்ஸி எஃப்13 ஸ்மார்ட்போன் வாடிக்கையாளர்கள் மத்தியில் நல்ல வரவேற்பு பெற்ற ஸ்மார்ட்போன் ஆகும்.

சாம்சங் கேலக்ஸி எஃப்14 ஜனவரி முதல் வாரத்தில் இந்தியாவில் அறிமுகப்படுத்தும் என எதிர்பார்க்கப்படுகிறது. நிறுவனத்திடம் இருந்து இதுகுறித்த எந்தவித அதிகாரப்பூர்வ அறிவிப்பும் இதுவரை வெளியாகவில்லை. வரும் நாட்களில் சாம்சங் இதுகுறித்து டீஸ் செய்யத் தொடங்கும் என எதிர்பார்க்கப்படுகிறது.

91Mobiles இன் அறிக்கைபடி, Galaxy F14 ஜனவரி 2023 முதல் வாரத்தில் அறிமுகமாகும் என கூறப்படுகிறது. இந்த புதிய சாம்சங் கேலக்ஸி எஃப் தொடர் ஸ்மார்ட்போனானது பிளிப்கார்ட் மற்றும் சாம்சங் ஆன்லைன் ஸ்டோரில் பிரத்யேகமாக விற்பனை செய்யப்படும் என எதிர்பார்க்கப்படுகிறது. இந்த சாம்சங் ஸ்மார்ட்போன் 5ஜி இணைப்பைப் பெறுமா என்பது இதுவரை உறுதி செய்யவில்லை. ஆனால் மலிவு விலை ஸ்மார்ட்போன்களில் இது பொதுவான அம்சமாக மாறிவிட்டது என்பது குறிப்பிடத்தக்க ஒன்று.

சாம்சங் நிறுவனம் இந்த ஸ்மார்ட்போன் குறித்த எந்தவித தகவலையும் உறுதி செய்யவில்லை. இந்த ஆண்டு ஜூன் மாதத்தில் இந்தியாவில் அறிமுகம் செய்யப்பட்ட கேலக்ஸி எஃப்13க்கு அடுத்ததாக இது இருக்கும் என எதிர்பார்க்கப்படுகிறது. இந்த ஸ்மார்ட்போனின் 4 ஜிபி ரேம் மற்றும் 64 ஜிபி இன்டெர்னல் ஸ்டோரேஜ் வேரியண்ட் ரூ.11,999 ஆக நிர்ணயம் செய்யப்பட்டிருந்தது. இந்த போன் நைட்ஸ்கை க்ரீன், சன்ரைஸ் காப்பர் மற்றும் வாட்டர்ஃபால் ப்ளூ வண்ண விருப்பங்களில் வெளியானது.

கேலக்ஸி எஃப்13க்கு அடுத்தப்படியாக வெளியாகும் கேலக்ஸி எஃப்14 இன் விலையும் ஏறத்தாழ இதற்கு இணையாக இருக்கும் என எதிர்பார்க்கப்படுகிறது. எனவே பட்ஜெட் விலை ஸ்மார்ட்போன் வாங்கத் திட்டமிட்டவர்களுக்கு விருந்தாக இது அமையும் என எதிர்பார்க்கப்படுகிறது.

இந்தியாவில் 5ஜி சேவை அறிமுகம் செய்யப்பட்டுவிட்டது. எனவே இந்தியாவில் அறிமுகமாகும் மலிவு விலை ஸ்மார்ட்போன்களில் கூட 5ஜி ஆதரவு இடம்பெறுகிறது. அதன்படி இந்த புதிய சாம்சங் ஸ்மார்ட்போனிலும் 5ஜி ஆதரவு இருக்க அதிக வாய்ப்பு இருக்கிறது.

சாம்சங் கேலக்ஸி எஃப் 13 ஸ்மார்ட்போனை விட குறிப்பிடத்தக்க மேம்பட்ட அம்சங்கள் இதில் இருக்கும் காரணத்தால் இதன் அம்சங்களையும் பார்க்கலாம். சாம்சங் கேலக்ஸி எஃப் 13 ஸ்மார்ட்போன் 6000 எம்ஏஎச் பேட்டரி, எக்ஸினோஸ் 850 சிப்செட் உள்ளிட்ட பல சிறப்பம்சங்களைக் கொண்டிருக்கிறது. இதன் 4ஜிபி ரேம் மற்றும் 64ஜிபி இன்டர்னல் ஸ்டோரேஜ் கொண்ட வேரியண்ட்டின் விலை ரூ.11,999 ஆகவும் 4ஜிபி ரேம் மற்றும் 128ஜிபி ஸ்டோரேஜ் கொண்ட வேரியண்டின் விலை ரூ.12,999-ஆகவும் நிர்ணயம் செய்யப்பட்டிருக்கிறது.

சாம்சங் கேலக்ஸி எஃப்13 ஸ்மார்ட்போன் ஆனது 6.6-இன்ச் ஃபுல் எச்டி பிளஸ் டிஸ்பிளே வசதியைக் கொண்டிருக்கிறது. மேலும் 1080x2408 பிக்சல்கள் மற்றும் சிறந்த பாதுகாப்பு வசதியை அடிப்படையாக கொண்டுள்ளது இந்த போன். இந்த ஸ்மார்ட்போன் நைட்ஸ்கை கிரீன், சன்ரைஸ் காப்பர் மற்றும் வாட்டர்ஃபால் ப்ளூ நிறங்களில் விற்பனைக்கு கிடைக்கிறது.

சாம்சங் கேலக்ஸி எஃப்13 ஸ்மார்ட்போனில் 50எம்பி பிரைமரி சென்சார் + 5எம்பி அல்ட்ரா வைடு லென்ஸ் + 2எம்பி டெப்த் சென்சார் என்கிற ட்ரிபிள் ரியர் கேமரா வசதிக் கொண்டிருக்கிறது. அதேபோல் செல்பீ வீடியோகால் அழைப்புகளுக்கு என 8 எம்பி கேமரா பொருத்தப்பட்டிருக்கிறது. இதில் 6000 எம்ஏஎச் பேட்டரி மற்றும் 15 வாட்ஸ் ஃபாஸ்ட் சார்ஜிங் ஆதரவு உள்ளது.