மிரட்டலான Oppo Reno 5 Pro 5G போனின் விற்பனை இன்று துவக்கம்.. விலை என்ன தெரியுமா?

Published: Friday, January 22, 2021, 12:29 [IST]

ஒப்போ நிறுவனம் இந்தியாவில் தனது ஒப்போ ரெனோ 5 ப்ரோ 5 ஜி (Oppo Reno 5 Pro 5G) ஸ்மார்ட்போன் மாடலை இன்று விற்பனைக்காக அறிமுகம் செய்துள்ளது. இந்த புதிய ஸ்மார்ட்போனின் விலை மற்றும் சிறப்பம்ச விபரங்களை முழுமையாகப் பார்க்கலாம்.

Oppo Reno 5 Pro 5G இன்று விற்பனை

ஒப்போ வழங்கும் முதன்மை ஸ்மார்ட்போன் இந்த வார தொடக்கத்தில் நாட்டில் அறிமுகப்படுத்தப்பட்டது. இது குவாட் ரியர் கேமராக்கள் மற்றும் 20: 9 டிஸ்பிளேவுடன் வருகிறது. ஸ்மார்ட்போனில் மீடியாடெக் டைமன்சிட்டி 1000+ சிப்செட் உடன் கூடிய 8 ஜிபி ரேம் வழங்கப்பட்டுள்ளது. ஒப்போ நிறுவனம் இன்று இந்த ஸ்மார்ட்போனின் விற்பனையைத் துவங்குகிறது.

விலை என்ன?

இந்தியாவில் ஒப்போ ரெனோ 5 ப்ரோ 5 ஜி ஸ்மார்ட்போனின் 8 ஜிபி + 128 ஜிபி ஸ்டோரேஜ் வேரியண்டிற்கு ரூ. 35,990 என்ற விலை நிர்ணயம் செய்யப்பட்டுள்ளது. இந்த ஸ்மார்ட்போன் பிளிப்கார்ட், ஒப்போ இந்தியா இ-ஸ்டோர் மற்றும் பிக் சி, குரோமா, ரிலையன்ஸ் டிஜிட்டல், மற்றும் சங்கீதா உள்ளிட்ட சில்லறை விற்பனையாளர்கள் மூலம் இன்று மதியம் 12 மணி (நண்பகல்) முதல் விற்பனைக்கு வருகிறது.

ஆரம்ப கால விற்பனையின் சலுகை விபரம்

அஸ்டரல் ப்ளூ மற்றும் ஸ்டார்ரி பிளாக் வண்ண விருப்பத்தில் விற்பனைக்கு கிடைக்கிறது. HDFC மற்றும் ICICI வங்கி அட்டைகளுக்கு 10% உடனடி கேஷ்பேக் சலுகை, Paytm மூலம் 11% இன்ஸ்டன்ட் கேஷ்பேக், Bank of Baroda வாடிக்கையாளர்களுக்கு ரூ.2,500 வரை கேஷ்பேக் சலுகை, வட்டி இல்லாத EMI விருப்பம், ஜீரோ டவுன் பேமெண்ட் வசதி என்று இன்னும் பல சலுகைகள் இந்த ஆரம்பக்கால விற்பனையில் கிடைக்கிறது.